هل أنا إنسان طبيعي في تصرفاتي مع زوجتي أم لا؟

السلام عليكم متزوج من 3 سنوات عندي طفل عمره سنه متغرب وتارك زوجتي في بلدي الأصلي لاستكمال دراستها تزورني كل ثلاث شهور تقريبا لما كنت معها كانت الحياة اغلب الايام هادئة وجميل وما بتخلو من المشادات والشجارات في بعض الأيام طبيعة عملي حاليا أهدأ من اللازم تقريبا لا اعمل شيء مفيد و يحدث أن لا اكلم احد من الناس تقريبا ليوم كامل اتكلم بالتلفون مع زوجتي حوالي 4 ساعات على الاقل يوميا عن كل الأمور التي تخص حياتها وحياتي صوت وصورة واحاول قدر الإمكان أن أشعرها اني موجود واحل المشاكل التي تتعرض لها وأهلها متعاونين جدا وشالين الحمل معها و إذا مر يوم وحكينا نص ساعة بتزعل آخر فترة كثترة المناوشات بينا وانا بالعادة إلي ببدأ في الاعتراض على بعض الأمور بطريقة هادئة بس ما اتقبل طريقتها في الرد فبتولع معي آخر مرة طلبت مني اني ارحمها ولا انكد عليها واني مش شايف حالي تقريبا حسيتها كأنها بتحكي مع مجنون بصراحة صرت شاكك بحالي خصوصا انو طبيعة شغلي مثل الحبس الانفرادي بقعد بالساعات بدون ما اعمل اشي مفيد أو احكي مع حدا وطريقة حكيها معي مع اني بحكي مع اهلي وصحابي وما في أي مشاكل وما في أي اختلاف في علاقتي معهم السؤال كيف اعرف اني طبيعي أو لأ ؟ مش ممكن تكون هيه الي مش طبيعية. حاسس مجرد طرح السؤال بحد ذاته جنون