زوجوني بالغصب من ابن عمي.. لازلتُ عذراء وهناك مصيبة أعظم

مرحبا ...مشكلتي ما اعتقد لها حل ابدا انصحوني شو اعمل كنت عايشة انا والعائلة لسنين خارج البلد عمري عشرين سنة شكلي حلو الحمدلله بعد ما رجعنا رحنا كم يوم لبيت عمي مو شايفتهم من انا وصغيرة وحسيت ابن عمي انعجب فيني بس مشكلتو مغرور وعصبي وكان هالشي واضح عليه المهم تقدم لخطبتي وانا قلت بدي فكر كم يوم المهم بعد يومين راسلتني وحدة ورسلتلي صورها معو وقالت انها بتحبو كتير وانا رح وقف بطريقهم وكانو مبين عليهم مبسوطين ...انا بصراحة قلت لا ما بتزوج هيك واحد حتى لو اختارني بدالها بكره يختار غيري ....وقلت لاهلي انا ما بديا وابي قال مو على كيفك وليش عم ترفضي كل العرسان شوفي عندك قلتلهم خلص عملو متل ما بدكم وتعبت نفسيتي وما عاد الي طاقة لاحكي وناقش والله وحدو يعرف الضغط والاسئلة وليش ترفضي وليش وليش المهم تم الزواج كيف ما كان وانا وهو مو قاعدين لحالنا ولا متناقشين بأي شي كلشي دبرو الاهل وطبعا امو بتكرهني لانها بدها تزوجو لبنت اختها وعمي عارض رأيها المهم...زوجي ما قرب مني ابدا وما لمسنا بعض بعد شهر سألتو شوفي ببالك شو مستقبلي معك قال فكري بزواجنا على راحتك حسيت ما بدو يجبرني وبنفس الوقت مبين عليه بيعرف اني رفضتو وضغطو عليي وكانت نضراتو انتقامية المهم مرت شهور وصار ما يجي ع البيت الا الفجر ويعاملني كأني خدامة وعبده عندو شكيت وتجسست على تلفونو واكتشفت انو عندو علاقة مع وحدة بالشغل وكمان علاقات كتير ع النت وكلام جنسي وصور وفي فديو جنسي معاها وصورها عارية انا ما بعرف شو بدي اعمل ولا بقدر احكي لحدا لانو رح يقلي بسبب رفضك واهلي ما رح يحلو عني اذا عرفو انا لليوم عذراء بس المشكلة هو ترك المبادرة الي وانا بخجل اطلب منو شو بدي قلو ياربي كرهت حالي بفكر انتحر ساعدوني