هل يمكن التنازل عن النفقة؟

السلام عليكم ورحمة الله تزوجت منذ ١٠ سنوات من أخ صديقتي وانجبت منه ٣ أولاد سافرنا معا الي بلد عربي وعملنا لبناء مستقبلنا والحمد لله اشترينا منزل جميل وسيارة وأرض وكل شي كان يكتبه باسمه وكان يرفض ان يكتب شئ باسمي او أن يعطيني مال خاص لي بالرغم من أن دخلي مسوي لدخله بحجة أن كله لأولادنا وأنا مبعمل لنفسي

ومنذ سنة قالي انا م عاوزك كل واحد يروح لحاله وتركني انا وأولادي ف الغربة وبدون ولا أي مال ورفض يدفع لنا ايجار السكن ولا مصاريف للبيت ونزل مصر وتزوج واحدة مطلقة وعندها بنت وجابها معاه وجابلها سكن وصرف عليها خروج وهدايا ومع ذلك كان يرفض يبعت لاولاده مصاريف لما ساء الوضع رفعت عليه قضية نفقة لما عرف خطف مني الاولاد ومنعني من اني اشوفهم وقال لو عاوزة اولادي ارد له واتنازل عن قضية النفقة لم أوافق ان اتنازل فرجع لي الاولاد ونزل هو مصر ظنا منه ان قضية النفقة ستسقط لمجرد انه مش موجود ومازال هو في مصر معاها

القضية حكمت بنفقة ليا ولاولادي هو مش عاوز يطلقني وبيتكلم عليا بشكل غير أخلاقي ووصل بيه الحال انه يعيب في شرفي وشرف اهلي لاني بالغربة لوحدي وبشتغل وبصرف علي اولادي هو عاوز ني انزل مصر انا والاولاد ويعيش هو معاها برة ومش عاوز يصرف علينا وانا مبشتغلش في مصر ويعيب ف شرفي علشان اهلي يضطروا ينزلوني اعمل ايه