تزوجته رغم معرفتي بمرضه لكنه لم يرحمني يوماً واحداً

صباح الخير اعزائي أرجو اقتراح حلول لمشكلتي قصتي طويلة الشرح انا تزوجت قبل ٧سنين من رجل متعلم وجامعي وهو اخو زوج اختي ومن اول مخطبني عرفت انو هو عندو مرض التهاب الكبد واخدو من بنت انا لاني بحبو تغاضيت عن المشكلة هاي واخدت اللقاح وتزوجتو ومن بوم ماخدتو. عايشة معو بالبخل والقلة والذل والاهانة سافرت معو عالامارات ماكان يعطيني خرجية كنت اخد من جيبتو لأقدر اصرف عحالي ولما صارت حرب سوريا طلعنا عالسويد ولما جينا لهون بلشت الخلافات الزائدة صار ياخد راتبي تبع الإقامة ولسانو صار طويل كتير عليي ويضرب ويمسح الارض فيي وأي مشكلة تصير يخلي اهلو يصفو جنبي الي عهالحالة سبع سنين عندي بنت وصبي عن فكر فيهم لهيك انا لساني عندو وآخر خناقة صارت من كم يوم دخل حماتي وزوج اختي اللي هو اخوه فيا وكلن صفو معو عليي حتى هلا اختي تعترف اني انا بحكيلا عليه وعم يعاملني زي الذليلة رح انجن لانو هو بتوقعو هو الصح وكل خناقة تصير يذلني ويهيني ويسمع كل الجيران صوتو ويسب عاهلي حتى اختي مابدها تخسر جوزها وتقلي تحمليه بس انا الوحيدة اللي عّم موت شو اعمل قلولي