أتحمل ضربه وإهاناته من أجل ابني الصغير

السلام وعليكم ورحمة الله وبركاته انا عمري 21 سنة تزوجت من رجل اهلي ما كانو موافقين عليه بعد مشاكل كتيرة وافقو عليه وكان عمري 18سنة وقت انخطبت طبعا الي تقريبا سنتين متزوجة تركت دراستي بسببو ولأجلو واهلي بطلو يوثقو فيني لانو كنت حاكيه ما قبل الخطوبة المهم تزوجت وبعد الزواج ع ابسط خلاف ممكن يحصل بيناتنا صار يضربني ويشتمني بكلاام بديئئ جداااا جدا انا كنت صغيرة وما كنت فاهمة الزواج صح بس مع الايام افهمت عقليتو وصرت سايرو وهلأ عندي طفل منو عمرو سنة بس ماعاد فيني اتحمل ضرب واهانات ع اتفه الاسباب وعندو عادات سيئة كل شي بيحصل بينا بينقلو لاهلو وفضيحة وما بحسو رجل ماعندو شخصية ما عم حس معاه بالامان بسبب الكلام البذيئ وبظل يهددني بطلاق ع كل شغلة وع كل شغلةبحكيلي انتي طالق انا ما بنكر احيانا من كتر ما بنقهر منو بصير جالقو وبهالفترة صرت اغلط عليه بالكلام بسبب ضربو المبرح ببطل اقدر استوعب فبصير اغلط عليه ومو عارفة شو اعمل انا نفسيتي تعبت وما بدي ياه بس كاشر ظهري ابني الصغير اتعبت منو ومن كل شي ظلم بظلمني ياه حتى ابني صار عدواني ع قد ما بشوفو بيضربني والطفل صار يخاف وع طول ببكي مع انو بحاول اتلافى الخلافات امام الطفل رغم صغر سنو بس هو ما عم يساعدني في ناس كتير حكولنا من قبل ما انخطبلو انو انسان مو كويس وما منو خير بس لاني كنت حبو ما كنت حس بهالشي بعد الزواج بين كل شي معي انا بعرف كل انسان عندو عيوب بس ابشع شي انو الواحد يظل يضرب مرتو ويهينها ويتهمها باشيا مو موجودة فيها وحسبي الله ونعم الوكيل