تجربتي معه علمتني معنى الشقاء والذل للأسف

انا زوجه تانيه 25 سنه متعلمه بكالوريوس تجاره رضيت بزوجى ان نقضى سنه فى السر لغايه لما يسد ديونه وانه هو تعب من زوجته الاولى مش متعلمه ومش مهتمه باولادها وكانت غضبت اهله منها ومهمله معاه ومش بتسمع كلامه وبتخرج من وراه وقال لاهلى انه هو عايز يطلق زوجته الاولى بس مكمل معاها بسبب اولاده بس هو معاه منها بنتين وولد بس اهله حضرو الفرح بس دون علم زوجته الاولى فقط انما امه واخواته عارفين بالزواج وقعدنا سنتين واتفاجئت منه ان زوجته الاولى حامل بولد ان زعلت جدا بسبب انه قالى انى مش عايز اخلف من مراتى الاولى تانى ومكنش مدينى اى حق من حقوقى كان ياتى اليا كل اسبوع او اسبوعين ساعه واحده فقط وانا كنت نفسى احمل وعدم مجيه ليا خلانى مكنتش حملت وكان ماثر معايا فى المصاريف وفى نفس الوقت بيصرف هناك كويس وظروفه حلوه انما كان مدعى عليا الفقر ولم يشترى ليا اى ملابس لحد السنتين لحد ما حملت وخلفت بنت وهى خلفت ولد وكان بيتحجج بالظروف وبعدين حصل مشكله بينه وبين اخته اخبرت الموضوع للناس وزوجته عرفت بزواجى هددته هى وابوها انه يطلقنى لاما هى اللى هتطلق وتاخذ اولاده وتبهدله فى المحاكم بالقضايا وابوها قاله ملكش دعوه بزوجتك التانيه ولا بنتك منها وهو كان عايز يطلقنى وجيه لاهلى وعايز يطلق ووالدى قاله مش عايز يخليه يطلقنى وانا مش عايزه اطلق لما حس ان هيدينى موخر وقائمه كتير سابنى كده عند اهلى بقالى 6شهور ومش بيبعت لى مصروف بيبعت لبنتى بس مصروفها وسايبنى وفى نفس الوقت عامل لزوجته الاولى كل حقوقها جاب لها فيله وبيكمل عمارته ادوار وعايز يبيعها شقق وجاب لها بيت تانى فى بلدها وجاب لها شغاله فى البيت وفتح ليه محلات وورش فى اكثر من مكان وهى وداها لسنتر تخسيس وعامل لها كل طلباتها وهى بتكذب على جيرانها وبتقول ان زوجها لم يتزوج عليها ولا خلف ولكن فى ناس صحاب اخواته الحمد لله كذبو كلامها وقالو انه اتزوج وخلف بنت شبهه بالظبط وهى لما عرفت خليته زوجى راح عمل مشاكل وهدد الست اللى شهدت بالحق وقالها متكلميش وملكيش دعوه بزوجتى الاولى وسيبيها تقول اللى هى عايزاه وغير ان زوجته هذه بتعمله سحر لان اخوه جاب له شيخ يقرا عليه وقاله ان زوجته الاولى عمله له سحر خليته قطع علاقته بامه واخواته البنات نهائيا وكذب عليها وعلى ابوها والناس وقال ان اخته اللى خليته يجوزنى مع انه هو الح على سبع شهور عشان تيجى معاه وتتقدملى واهله حذروا من الزواج التانى عشان لازم يعدل بينا وقال انا هعدل بس بعد سنه اللى هيرضى بالوضع هكمل معاه ولكن للاسف مجرد مراته وابوها لما هددوا سابنى عند اهلى وكل لما اتصل بيه يتخانق معايا ويقولى متكلمنيش وهاجى اطلقك وهو قاعد مع مراته الاولى ومديها كل حقوقها وسايبنى بقالى 7شهور وكل اهله واقفين معايا وقالو انى مظلومه انما هو متبع زوجتى الاولى وقاطع ناس كتير عشانها واخوه بيقوله حرام تسيب زوجتك التانيه وبنتك وهو خايف من ابو مراته لانه معاه محامى ظالم وقاله هدوخك فى المحاكم وهدفعك فلوس كتير و لكن فى الاخر اخوه كلم والدى من غير ما زوجى يعرف وقاله اصبر 3شهور تانيين عشان هو قاله اصبر 3شهور بس محدش يعرف نيته هو فى الوقت ده جاب لها الفيله وفتح ورشه ومحل تانى ليه تحت المكان اللى هيسكنها فى واخوه برده بيقول لاخته انا مش عارف نيته فيها طلاق ولا رجوع وانا مش عارفه اعمل ايه انا مش عايزه اطلق لانى معى بنت منه وانا مش هجوز تانى عشان بنتى وكمان دى تانى جوازه ليا وانا انظلمت فى جوازتى الاولى واطلقت بعد شهر وعشان كده مش هجوز تالت خالص وعشان بنتى مش هربيها مع راجل غريب ولا انا خلاص هجوز رغم ان سنى لسه 25سنه ارجو تقوليلى اعمل هو سايب لى الشقه بتاعتى وبيدفع ايجارها وبيبعت مصروف بنته بس وسايبنى على الوضع ده ومفيش كلام مابيننا