ما الذي ينقص زوجي حتى يعاملني بهذا البرود؟

قضايا اسرية
animate

سلام عليكم انا متجوزة من 6سنوات وعندي بنتين انا وزوجي كان بيننا قصة حب كبيرة اوي بس من اول ما اتجوزنا بقا شايف انه خلاص مش لازم اقول كلام حلو ولا يتغزل فيا لكن لو فى حبايه ظهرت ف وشي فورا يعلق ويتتريق وكنت باخد الكلام بهزار واقوله ماتقولي كلمه حلوة ودلعني فيقولي كلمتين بالعدد وهما هما كل مرة وكنت بصبر نفسي بانه الحب مش بالكلام بس لما يبطل يغير عليا كمان يبقا كدة بيحبني؟ يعنى لما كنت اقوله انه حد تخطا حدوده معايا ولا بصلي بصه مش تمام او ان واخدة بتقولي انى شكلي صغيرة وحلوة يارتني زيك كان يستهزا وكانى مستاهلش وكنت بقول لنفسي يمكن هو كدة بقا طبعه مع انه من كم سنه كان له نزو ة مع واحدة وانا فوتها بس طلعا بعد ما اخدت موقف وعرفته غلطه وانه لو دة حصل تاني انا هتطلق وحلفلي انه مش هيعيدها والحمدلله خلاص معملش حاجه لحد دلوقتي يعني بس انا مش ناسيه اللى كان بيقولهولها هو ده اللى نفسي اسمعه منه ومبيقولوش بس قدر عليه معاها ليه قدر عليه معاها وانا لا وكمان انا نزلت شغل اتعاملت فيه مع رجاله كتير وحصل منهم تجاوزات كلام غزل وكدة والله العظيم انه كان مضايقني كلامهم لانى عاوزة اسمعه من حبيبي مش منهم وحتى زميلاتي هناك مكانوش بيقولوي الا يا( مزة) واكيد جوزك فرحان بيكي لانك بعد مرتين ولاده وشكلك وجسمك زى البنات لسا بس لما نقلتله كلامهم علشان يتحرك ويغير قعد يضحك ويستهزا وبعدين لما يلاقيني زعلت يقولي ما انتى حلوة طبعا ولو عاوزة تسيبي الشغل سيبيه انا مش هفرض عليكي حاجه لحد ما ف يوم واحد من هناك بعتلي واتس اب انه عاوز يكلمني من زمان ومش مصدق اننا بنتكلم وكلام له معني مش تمام يعنى طبعا ادتله على دماغه وهزاته وفكرته انه متجوز وانا متجوزة وقلت لجوزى علشان اشوفه هيعمل ايه الحقيقه انه مخدش اي موقف انا قررت اسيب الشغل لوحدى مش هو اللى قالي وكل اللى عمله انه فتح موبايلي من ورايا وعمل بلوك لرقم الرجل ده ومتكلمش معايا ف اى حاجه هو كدة طبيعي؟؟ ينفع يبقا بيحبني ويطنش حاجه زى دى متعصبش مزعقليش متنرفزش معملش اي حاجه بيقولي انه لسا بيحبني لما بساله بس انا بدات ازهق نفسي اسمع كلام حلو من حبيبي ليه الناس الغرب بتقولي كدة وهو طول الوقت بيتتريق بس على فكرة هو كمان فيه عيوب كتير اكتشفتها من اول ما اتجوزنا وبدا يبقا في بيننا علاقة حميمه بس انا اقلمت نفسي على كل حاجه فيه الوحش قبل الحلو وعمري مالفت نظره ل اى حاجه بتضايقني فيه لاني بحبه كله على بعضه مش هفصله على كيفي ونفسي هو كمان يفكر فيا كدة ايوة انا لسا شكلي صغير ومش باين عليا جواز ولا خلفه والحمدلله شكلي مقبول مش هقول حلوة يعنى علشان حتى دى نسبيه بس الاكيد ان فيا عيوب زى اى حد بس انا مدلعاه دايما متزينه وعامله شعري وواخده بالي من ادق التفاصيل فيا الل بقدر عليه بعمله من غير ما اصرف كتير على الصالونات الكريمات وواخده بالي من كل شئ يخصه اكل شرب حلويات لبسه جزمه ومش شغلاه بالعيال ومبيجيبش لنفسه كوبايه مياه بس اظاهر انه علشان كل حاجه جاهزة عنده مبقاش حاسي ان فى حاجه مميزة تستاهل حتى الشكر ولو دلوقتي بالزات كلمته ف الموضوع ده هيفتكر انى متاثرة بكلام زمايلي ولا كلام الزفت اللى بعتلي الرساله وهو عمله بلوك بس انا تعبت من كتر مابشحت منه سؤاله عليا وافضل اشد منه كلمتين حلوين كل اللى ف راسه انا زعلانه ولا لبستله حاجه حلوة يبقا السرير هو كفاايه عن اى كلام واى دلع بالنسباله مع انى بسمعه احلى كلام كاننا مخطوبين لسا انا ساعات بخاف اضعف قدام كلمه حد غريب ساعات بفرح لما ابقا ماشيه جمبه وحد يبصلي لاني بحس انى لسا واحده ست اعمل ايه معاه انا عاوزة اى رجل قرا رسالتي يقولي ايه اللى ممكن يكون لسا ناقص جوزي علشان ميدلعنيش ويسمعني كلام حلو وايه اللى خلاه بقا مريح كدة ومش بيغير عليا بعد ماكان بيبهدلني لو رحت ف حته من غير ما اقوله

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي زوجك سعيد في حياته معك ولا يجد أن هناك ما يتسبب في مشكله ويستدعي رده فعل عنيفه من جهته، بنظره أنت تختلقين سببا لا لزوم له . هو طبعا يثق فيك ثقه عمياء ويعرف قدر حبك له ويعتقد بالتالي أنك تعرفين أيضا قدر حبه لك من دون ضروره في ترديد كلمات يظن أنك مللت منها ولا يجد ضروره في عمل مشكله لأن زميل لك تعدى حدوده معك فهو يثق بأنك قمت بما يلزم . إختياره لك بالنسبه له ، يكفي أن يؤكد حبه لك فلماذا لا تعتادين على طباعه، أنت محقه فكل إمرأه تحب أن تسمع كلمه حلوه أو أطراء ، من وقت لآخر ذكريه بذلك بطريقه المزاح وليس بعصبيه ، قد يتغير ويتجاوب معك خاصة ان أنت بادرت بالكلام الحلو معه.
  • صورة علم
    صورة علم
    من مجهول
    بالظبط يا أختي العزيزة فهو قد اعتاد شكل حياتكما وأصبح حتى لا يشكرك على المجهةد الذي تقومي به من أجله لذلك لا تسألي فيه واتركيه ولا تطلبي منه شئ وحاولي شغل نفسك بأشياء وجعل هناك حياة خاصة بكي منفضلة عنه أجعليه يخشى فقدك حتى يعود لكي كما كان في السابق
  • animate

  • صورة علم
    صورة علم
    من مجهول
    زوجك يمكن بيركن عليكي وعارفك انك ست جدعة وما تهتزي للكلام هذا .
  • صورة علم
    صورة علم
    من مجهول
    اجلسي مع زوجك وافهمي ما هي وجهة نظره وليه بيعمل هيك
  • صورة علم
    صورة علم
    من مجهول
    ممكن زوجك لا يريد خلق مشاكل بينك ويبنه وهو طبعه هادئ حاولي ان تجلسي معه وتتفاهمي معه بكل شيء .
  • صورة علم
    صورة علم
    من مجهول
    ممكن زوجك ثقته بك عمياء وما بيشك فيكي نهائي .

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟