خائفة أن ينتهي بي المطاف للخيانة بسبب ما يفعله زوجي بي

السلام عليكم حدخل في الموضوع علي طول ياجماعه انا متزوجه في سن صغير وزوجي اكبر مني ب13 سنه ليا 7 سنين متزوجه بس 7 سنين تعاسه هو بيشتغل بره البلد بينزل كل سنه 3 شهور لاعمره فسحني ولا رومانسي في العلاقه بيعاملني زي الحيوانات ماعندوش مقدمات بتكلم معاه علشان يتغير مابيتغيرش ولا بيهتم بنفسو ولا بأناقته وبرضو بتكلم معاه بيتجاهلني وبياخد الموضوع كاني بهزر معاه مش بياخد اي موضوع بجديه دا غير انو طول فتره السفر لو حصل بيني وبينو اي خلاف بيقعد مخاصمني بالشهور وانا بصراحه اللي خلاني اكتب الموضوع دا اني انا متطلعه ومودرن وبحب الرومانسيه وبحب الدلع ومش لاقيه من جوزي كل دا ومش قادره استسلم للامر الواقع انا مش عايزه اموت نفسي بالحياه معاه واللي مخليني اصبر عليه هو ابني وساعات ببقي محتاجه اتكلم مع حد مش بلاقي جوزي ببقي عايزه اكلم اي راجل غريب يعوضني بس خوفي من ربنا بيمنعني اعمل كده وفي نفس الوقت مش قادره اصبر بتحايل عليه علشان ينزل اجازه بقولو انا محتاجالك بيفكر بطريقه ماديه بدال مايلبي طلباتي بقولو انا انسانه وليا مشاعر وليا حقوق عندك ربنا مديهالي انت ليه مش عايز تديهالي برضو مابيسمعش يعني هو ليه عايز يوصلني للخيانه وليه عايزني امشي في طريق الغلط ياجماعه انا عايزه ردكم اتصرف معاه ازاي مع العلم هو بيشكر فيا وفي نظافتي وبيحبني موت علي رغم اللي قلتو وعلي رغم انو بيخاصمني بس اول ماالولو طلقني يروح يكلم اخواتي ويقولوهم خلوها تكلمني وهعملها كل اللي هي عايزاه واروح افتح معاه صفحه جديده مش بلاقيه اتغير بيفضل زي ماهو وبنفس العيوب