كيف أخبر زوجي أن أهلي تضايقوا من علاقته بزوج اختي؟(2)

السلام عليكم...بدي اطرح مشكله..بتمنى يكون هاد المكان المناسب ..واقدر اسمع حل او اسلوب للتصرف..بالبدايه بدي اعترف انها هاي المشكله انا السبب فيها وضعف شخصيتي وعدم قدرتي على التصرف هم سبب تفاقم المشكله. ..للاسف اطراف الخلاف اقرب الناس الي ..خواتي وامي وزوجي...انا قبل فتره طويله بعتت لهون مشكله كانت بعنوان..كيف اخبر زوجي ان اهلي تضايقوا من علاقته بزوح اختي. ..وقتها يمكن ما كنت قادره اعبر عن المشكله لان رؤيتي للمشكله ما كانت واضحه عندي.. اهلي وزوج اختي مختلفين من فتره طويله بعد الخلاف قويت علاق ه زوجي بزوج اختي لدرجه مزعجه بالنسبه لاختي. .واهلي ما بدي اقنعكم بسبب انزعاجهم بس العلاقه كانت قائمه على احترام من طرف واحد هو زوجي كان يحترم زوج اختي كثيرا ويقدره ويتعامل معه كاكثر من اخ..لانه زوجي من النوع الي كتير بيحكم عالناس من الظاهر...بالمقابل زوج اختي كان مثالي ومقدر لزوجي فقط امامه لكن من وراءه كان يسيئله ويشتمه امام اختي هاد الي كانت اختي تحكيلي اياه بطريقه مباشره واو غير مباشره... حتى انه مره كان زوجي سهران عندهم بالبيت وابني كان صغير عمره سنتين كان معه ..زوج اختي دفشه ووقعه عالارض متعمد وصار يشتمه ..طبعا مو قدام زوجي . هاد الموقف ما حكتلي اياه اختي الا قبل شهر... ..وغيرها من المواقف الي بدون علم زوجي..متل انه كان دائمﻻ يوصللها فكره انه بيشتري اغراض لزوجي على حسابه ..وبيعزمه على مطاعم وغيرها من التفاصيل الي كلها شوهت صورة زوجي امام اختي وظهر قدامها بصورة الانتهازي والطماع ..واكيد اختي نقلت الصوره لامي ولاختي التانيه .ورجاء ما حد يشكك بكلام اختي انا متاكده من كل الي حكيته ..وبدي اعترف اني لفتره طويله كنت انا مقتنعه الي حد كبير انه زوجي فعلا كان عنده استغلال ونوع من حب الكسب بسبب تفاصيل صغيره كنت اشوفها فيه..وهون كانت بدايه غلطتي اني ما نبهت زوجي للي كنت افهمه من اختي من عدم احترام زوج اختي اله والافكار الي وصلها لاختي ..فكان زوجي يعمق العلاقه معه اكتر واكتر وأختي تجمع عنه افكار سيئه اكتر وتوصلها لامي...فكانت هاي سبب تغير مشاعر امي نحو زوجي لكن ما كانت تبين ابدا امامه..وللاسف انا بغبائي ما طلعت مني كلنه تحسن صورةة زوجي قدام حدا ..يمكن لاني كنت مقتنعه الي حد ما بالصوره الي وصلولها...في بعض النقاشات الي كنت احس من كلام امي الكره تجاه زوجي وقناعات عندها تجاه زوجي كانت سيئه ما كنت احكي ولا كلمه تحسن هالصوره ويمكن بالعكس ااكد هالقناعات...حتى انها مره بطريقه غير مباشره وصفته انه'' غدار''....حسيت من كلامها انها شايغيتني كالجاريه عنده الي ممكن يرميني باي لحظه ..بدون ما تصرح بهالاشي بس كان واضح بالنسبه الي قصدها...لحد ما مره صار موقف من اختي قدام زوجي...زوجي انصدم منه..وبس روحنا عالبيت ما كان قدامي غير اصارح زوجي بكل الي هو ما بيعرفه...لما سالني ليش ما كنت احكيله قلتله اني ما كنت بدي اياه ينجرح...وهاد جزء من السبب الي ما خلاني احكي....عاتبني وقالي انه لو حكيتله وانجرح بوقتها احسن ما يضل مستمر ويغلط اكتر...ووقتها بس فهمت انه هيك كان لازم اعمل من البدايه..بس لااسف فهمت كتيييير متاخر..من وقتها زوجي صار رسمي جدا مع اختي واختي لاحظت ..بس انا قلتلها انه اخد موقف بس بسبب اخر موقف صدر منها..مع انه هاد الاشي غير منطقي بالنسبه لاهلي ولاختي مقابل تصرفات صدرت منه هو واذى تسبب فيه لاختي ولاهلي..بس ما حبيت احكيلها اني قلتيه كل التفاصيل ...زوجي تخد موقف منها لانه اعتبرها ظلمته بالصوره الي ماخديتها عنه. ..من انه انتهازي وطماع...الخ......من يومها حاسه حالي مو قادره ارفع عيني بعين اهلي من الصوره البشعه الي اخدوها عن زوجي لدرجة اني بطلت احب يزور اهلي بس ما بحسسه بهالاشي ...لانه بوجوده اختي ادا كانت عندهم ما بتطلع تقعد او تسلم عليه ..لانه بيرد السلام بجفاوه وزعل...غير عن اني بحس باهلي ملل من قعدته في مشاعر كتيره مو قادره اوصلها...بس بتمنى تكون الصوره واضحه بشكل صحبح..وخلال هالاجواء المشحونه صار موقف فيه نقاش من '''اختي التانيه''' ..حكت كلام كان فيه اتهام لزوجي انه بيعصب وانتقدته بطريقه مزعجه أمام الجميييع...ومن ضمن الكلام الي حكته اني انا متحمليته بصفاته السيئه...هي جابت الكلام كانه نقاش بدعابه..لكن كان كلامها فيه اساءه لزوجي الي هو حساس جدا للانتقاد خاصه غير الدقيق...مو هون المشكله...المشكله اني انا من احراجي باني بعرف انه هاد الكلام الي اختي بتحكيه هو فكرة كل اهلي عن زوجي. .ما قدرت احكي ولااا كلمه انصف زوجي فيها ..زوجي حكى عن نفسه بطريقه لبقه وغير هجوميه..يعني ما حسس حدا بالقعده انه انزعج من الكلام ...من هاد الموقف زوجي تاكد اني أنا مابدافع عنه باي بكلمه ادا حد حكى عنه شيء غلط او ظلمه وصارحني بهالاشي وحكالي اني بسكت بضعف في هيك موقف ..وانه لو كان مكاني كان دافع عني بكل جديه وحزم واستنتاجه صحيح بس هو مو عارف سبب هالاشي. .هون انا فقدت ثقة زوجي فيي