أعاني من عناد زوجتي وعدم مسامحتها لأمي

قضايا اسرية
أعاني من عناد زوجتي وعدم مسامحتها لأمي

اعاني من عناد زوجتي وعدم مسامحتها لأمي السلام عليكم انا متزوج من 12 سنه وبحب مرتي كتير وهي بتحبني ومتفاهمين مرتي اتحملت معاي كتير اشياء ومرقت معاي في كتير مشاكل من اهلي هي ماكان الها دخل فيها عندي خواتي تنتين كبار عندهم مشاكل في حياتهم الزوجيه وبغارو كتير من مرتي ومن حبي الها وكتير حاولو يوقعو بيني وبينها بس انا ما سمحتلهم وتمادو في الغلط عمرتي وطعنوها بشرفها بس مرتي سكتت وتحملت كرمالي ومرة صار بيني وبين امي مشكلة امي بدافع عن خواتي وواقفه مع الغلط ومرتي ماقدرت تسكت وصار سوء تفاهم بينها وبين امي بس ماغلطت في امي والمشكلة في امي انها عطول بتنقل كل كلمة بتصير لخواتي واخواني ووصلتلهم المشكلة بطريقة تانيه وصارو اخواني وخواتي يغلطو ويهبنو في مرتي وصارت مشكلة كبيرة وقعدنا مع شيخ كبير وحليناها واهلي اتأسفو لأهل مرتي عاللي عملو وابو مرتي شرط عليي انها مرتي ماتحكي مع امي وخواتي ابدا ابدا وخواتي وامي ماييجو فيها ابدا وانا حكيتلو ماشي بس المشكلة صارلها تقريبا سنه وامي تندمت عغلطها واجت عندي عالدار بدها تتاسف لمرتي بس مرتي فاتت عالغرفه وما استقبلت امي وطلعت امي من عندي مكسورة الخاطر ومرتي معندة ما بدها تتصالح مع امي وانا كل يوم بترجاها وبحكي معها بس رافضه الموضوع بتاتا انا مابدي ترجع العلاقه متل قبل بس بدي اياها تسلم ع امي وخلص وانا تعبت وانا احاول معها مش قادر اجيب امي عندي عالدار بسببها شو اعمل بفكر اتجوز عليها واجيب وحدة تحترم امي لانها معندة وما بدها تسلم بس مجرد سلام

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي شكرا لك سيدي على ثقتك بموقع حلوها . زواجك من امرأة ثانيه ليس الحل المناسب لمشكله زيارة والدتك لك ، بل هو مزيد من التعقيد والمشاكل لحياتك . أهلك سيستغلون الزوجه الثانيه ويتقبلونها بكل سهوله ، لينتقموا من زوجتك الاولى وليعاقبوها على موقفها من والدتك. أنت تضاعف مشاكلك بدل أن تحلها فقد تطلب زوجتك الأولى  الطلاق ولا ترضى  بزواجك ، الحل الوحيد هو أن تقنعها بالكلمة الحلوة، لا بالتهديد ،  وتفهمها بأنها تمنعك من رؤيه والدتك في بيتك ، كما تحب .  تجاوزت الوالدة الحدود مع زوجتك وأهانتها في شرفها ولكنها ندمت ، وهي في مقام والدتها فلا بد لها أن تتخلى عنادها وتقبل زيارة والدتك لها وتكرمها في بيتها بعد أن بادرت بالخطوه الاولى ، إرضاء لك واحتراما لرغبتك . ليست مضطرة لإعادة العلاقات كما كانت في السابق ، الوقت كفيل بتبريد  الغضب  وتصفيه القلوب ، أما السلام فلله وإكرام الضيف واجب 
  • صورة علم Canada
    صورة علم Canada
    من مجهول

    يغص بالك فوق ما هم طعنوا بشرف مرتك ومفكر تتجوز عليها الله يقطعك من بين هالرجالمش ضروري مرتك تسلم او تشوف امك كل وحده تضل بحالها وحضرتك روح عند امك وبرها

  • animate

  • صورة علم Algeria
    صورة علم Algeria
    من مجهول

    باختصار زوجتك لا تريد أن تبحث عن مشاكل مجددا لكونها خالطت امك واخواتك وحصلت على جزاءها لذلك حاليا لا تريد أن تكرر نفس الخطأ الذي وقعت فيه سابقا ومادامت انها وجدت راحتها في هجرانهم     

  • صورة علم Jordan
    صورة علم Jordan
    من مجهول

    انت عارف شو يعني طعن بالشرف في مجتمع مثل مجتمعك.... لو اختط طعنوا بشرفها هل يكون الاسف كافي؟اخي الكريم كل واحد لحاله افضل ... والدين لا يطلب من زوجتك ارصاء امك... اما انت فلا تقصر مع امك ابدا واترك الزمن يعالج الباقي

  • صورة علم Algeria
    صورة علم Algeria
    من مجهول

    يعني يغلطوا فيها عادي و اتهموها في شرفها الي هز  هو قذف محصنات و امك مشاركة معهم و بنت الناس زعلت و كاسها فاض ما تريد اي علاقة بهم زعلان و تريد تتزوج سبحان الله تريد تكسر بخاطرها قد ما هو مكسور اصلا اتقي الله فيها و اصلا هي الغلطانة الي تحملت ظلم اهلك كان المفروض تقطع علاقتها فيهم من زمااااااان ، و اذا على امك فواضح ان زوجتك محترمتها انت قلت ما غلطت فيها و اذا على جية الدار مش شرط  زوجتك تستقبلها او تقعد معها انت تكفي و توفي هي مش جاية عند زوجتك جاية لك و مش مجبورة تستقبلها  او تقعد معها

  • صورة علم Egypt
    صورة علم Egypt
    من مجهول

    تسامح مين بعد سبها بشرفها لو عايز حياتك تستمر لاتطلب منها مايفوق الطاقة البشرية سب الشرف لايزول للممات خلى بالك لاتعتبرها زوجتك أعتبرها أختك أو أمك كيف كنت ستتصرف 

  • صورة علم Egypt
    صورة علم Egypt
    من مجهول
    وامك عاوزها ليه كفايه انت تود امك وبناقصها وعلي.فكره.لو رجعوا هترجع المشاكل زعل مره افضل من زعل مرات
  • صورة علم Saudi Arabia
    صورة علم Saudi Arabia
    من مجهول

    ماشاءالله عالتفكير الخلاق

  • صورة علم Jordan
    صورة علم Jordan
    من مجهول

    انت طرحت المشكلة وفي نفس الوقت الحل ويبدوا ليس الحل السهل الذي قد تساهم به زوجتك ان كبرت عقلها وكظمت غيظها وداست على جراحها وهو في النهاية مكسب لها عند زوجها وعند رب العالمين وهذا الذي اظنه ما وجب عليك فعله وهو اقناع زوجتك به فان وافقت تنتهي المشكلة وتفتح صفحة جديدة الواجب فيها على والدتك وخواتك اظهار حسن المعاملة والندم على الاساءة وتعويضها بالمحبة التي تغسل وتزيل ما علق بها من اذى واسى وقطعا سيكون هذا جيد جدا للجميع والا البديل سيكون مضرا لكما انتما كزوجين وهنا نأتي لما طرحتة وهو كخيار  الزوجة الثانية بعد استنفاذ الخيار مع زوجتك وفي هذة الحالة تخبر زوجتك ان رفضت كما قلنا الخيار الاول برغبتك بزوجة ثانية وتستقل بها في مسكن اخر وتقسم حياتك بين الزوجتين ان رغبت الاولى بالبقاء معك دون والدتك وليكن اتصالك وتواصلك  مع والدتك في البيت الثاني دائما دون الاول ابدا وفي هذا تحافظ برك بوالدتك وعلى مشاعرك انجاه الزوجة الاولى واستمرار الحياة الزوجية معها ان كانت تكن لك نفس  الحب والبقاء معك

  • صورة علم Jordan
    صورة علم Jordan
    من مجهول

    انت جد رجل متزوج ومتحمل مسؤوليات؟! مضحكة فكرة زواجك من أخرى!! لازم زوجتك تخلعك لأنه واضح انك مش واعي بشكل كافي لحل المشاكل! استقبل والدتك عادي  وزوجتك مش مضطرة تسامحها ولا تسلم عليها حرة هي، اذا ربنا جعل قذف المحصنات من السبع الموبقات وذنب يحرم صاحبه دخول الجنة، بدك مرتك تسامح وتسلم عادي؟! لو انا مكان زوجتك بتركك عشان تتزوج أربعة عادي بالناقص من هيك عقليات.. يا ريت لا ترجع تشرح قديش بتحبها لأنه مش باين

  • صورة علم Algeria
    صورة علم Algeria
    من مجهول

    يا سلام تريد زوجة ثانية لتحترم امك

  • صورة علم Jordan
    صورة علم Jordan
    من مجهول

    الطعن في الشرف لا يغتفر والتسامح مش سهل أبدا اتركها للزمن 

  • صورة علم Kuwait
    صورة علم Kuwait
    من مجهول

    لا تخرب بيتك مرة اخري ابعد امك عن بيتك نصيحة لأنها مدخل للشيطان وما هتتصالح مع مرتك لأنها تحب اخوتك اكثر منك 

  • صورة علم Iraq
    صورة علم Iraq
    من مجهول

    كان المفروض تطلگها وتهينها كما هانت امك 

  • صورة علم Algeria
    صورة علم Algeria
    من مجهول

    اترك الأمور تهدأ لبعض الوقت ولاتضغط على زوجتك لكي لاتتازم الامور

  • صورة علم France
    صورة علم France
    من مجهول

    عن جد انت بتضحك.... بدك تتزوج وحدة تانية منشان تحترم امك... لان امك طعنت زوجتك بشرفها... حلو استغلال الخلاف لصالحك..... واذا بدك تتزوج ع كل الاحوال بلاش حجج سخيفة

  • صورة علم Canada
    صورة علم Canada
    من مجهول

    امك ليش ما تقعد في بيتها وترتاح وتنام .مشاكل وانحلت وانت بصحة وعافية شو بدها حاليا امك من مرتك 

  • صورة علم Canada
    صورة علم Canada
    من مجهول

    لو انت حطيت نفسك مكانها شو بتتوقع ردة فعلك لو مرتك حطت بشرف امك او اختك اكيد ردة فعل ما بتتصلح وممكن توصل للقتل طلاق صح ...طيب هي انسانة وإلها مشاعر مو رجل آلي متى امك واختك حبو يتسلو فيها تعالي يا مرتي ومتى ما بدهم اياها يروحي يا مرتي...... امك برها لحالك في بيتها معززة مكرمة وحقها بوصلها ...خليك وسط بينهم ولا تحمل مرتك فوق طاقتها ....شايف انت بتحاول توظف كل شي لمصلحتك انت وراحة بالك انت على حساب مرتك بتقول الها ١٢سنة بتتحمل اهلك ..هي بشششر مش حيط .اعطيها وقت تصفا وتهدا 

  • صورة علم Saudi Arabia
    صورة علم Saudi Arabia
    من مجهول

    براحتها تقعد تروح  ما سوت كذا من فراغ عندها سبب 

  • صورة علم Tunisia
    صورة علم Tunisia
    من مجهول

    اتزوج وساعتها يصير الهم همين والمشكلة الف وانت تفضل تترجى الاولى تسلم على امك وتترجى الثانية تسلم على اختك وهما يرفضو وتقوم انت تحل المشكل وتتزوج عليهم الثالثة يا اخي سيب الايام تنسيها وانت بِر امك في بيتها معززة مكرمة وبنت الناس خليها في حالها

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟