زوجي يسبني ولا يحترمني كيف اتعامل معه

معلش ارجوكم انشرو مشكلتي جوزي بقاله فترة ممتنع عن الجنس جه ففترة قالي انه كام مرة جيت و طلبت منه الجنس و بتاع مع اني عندي بيبي عمره شهور بس بقيت بحاول اعمل زي ما كنت الاول المهم اخر اجازة له حاولت اقرب منه عشان مبقاش مقصرة معه مارس معايا العلاقة بس قعد يقولي اني مش ه**** بعد كدا الا لما تيجي زي الكلبة تقولي انا عاوزة كذا يا سيدي و انا اشوف هعمل كدا و لا لا و بقا يضربني و يمارس بعنف و يقولي هتهتمي بشكلك و هتهتمي براجلك مش هتخليني قرفان منك يا كذا بقيت اقول حاضر و امشي الدنيا و بعد ما خلص ضربني بالقلم من غير سبب قولتله اتزبط متزودهاش احنا خلصنا و بعدها عيطت

تاني يوم كانت اخته بتولد الساعة ١٢ بليل طول اليوم مش بيكلمني غير بقرف فجاي من عند اخته بقوله عملت ايه و جابت ايه قالي ملكيش دعوة فقولتله كلمني باحترام و المعاملة تبقا باحترام و هات الولد ارضعه قام قايلي لا و نده على بنت اخته من تحت يهزر معاها و الولد زن و قعد يعيط سيبته يعيط معاه لحد ما جابه بنفسه لانه مرضاش يديهوني فجه و اداني الولد و ضربني بالقلم جامد و قالي اتزبطي اعصابي انهارت و قلتله و الله ما قاعدالك فيها و هفضحك فكل حتة و هقول لابوك انك بتتف فبوئي و تقولي ابلعي التفة و هقول على كل حاجة بعدها لقيته جاب ورا و باس ايدي و رجلي اني اهدى و اتأسفلي و قالي مكنش ينفع اعمل كدا و بتاع

بعد ما سافر هو بيغيب ١٢ يوم تمام كنت عاوزة اروح اقعد عند امي يومين و كنت طالعة من فرح اختي و ولادة اخته و الثانوية العامة اسبوع كان صعب مع وجود الولد تعبانة و عاوزة ارتاح و اغير جو فقولتله هروح يومين قالي اما تخلصي شغل البيت روحي قولتله تمام معرفتش اخلص الا المطبخ فقمت قايلاله هروح بقا و خلاص قالي خلصتي شغل البيت فاتضايقت قلتله انتا مسافر ايه مضايقك من شغل البيت بتيجي تلاقي الحتة نضيف و اكلك معمول انما و انتا مسافر سيب الشقة فحالها قالي طب ما تروحيش بقا قولتله هروح يومين لو مش عاجبك تمام قالي لا متروحيش خالص هتروحي بردو قولتله مش رايحة فحتة قال روحي مع السلامة يمكن اسلوبك يتحسن هناك قولتله لا مش بمزاجك اروح و لا اجي مش رايحة بس ابعتلي اشتري حاجات للبيت و كدا قام باعت و هو متضايق

بقيت اعامله بالقطارة ازيك الحمدلله ميكلمنيش و يكلم ابنه ما اهتمش و بعدها بكام يوم بيقولي هو انا بالنسبة لك انا براجع تصرفاتي مش لاقي حاجة غلط ليه بتعملي كدا انتي مادية انتي مش مجبرة عليا و لا انا مجبر عليكي بالله انا ما عايزة غير ان احنا نعيش عيشة عادية هو بيصعبها ليه و اعمل معاه ايه دا