يجرحني بكلامه بحجة المزاح

عمري الان 26 تزوجت قبل 5 سنوات من شخص مااكنت احبه , وتزوجته غصب عني ، حاولت احبه وحاولت ابني بيتي على محبه ، رزقني الله ب مولوده وتوفاها الله ، زوجي مثقف ومتعلم وناجح اجتماعيا سمعته ممتازه عند كل الاقارب ، والاصدقاء ، بس عندي مشكله معه اللي هي التجريح ~ يجرحني ب كلام بحجه المزح ، قلت له مااتقبل منك المزح اللي كذا ، لكن يقول هذا طبعي ، اتعب منه كثير وينرفزني بحجه المزح ، اطلع من طوري واعصب ويجي يراضيني بضمه وارضى ع طول ، زعلي مايطول والله ، احاول اني مااخلي تكون فيه فجوه بيننا ع طول اتصالح معه وعنده مشكله اذا سالته عن اي شي يخصه يقول مالك شغل ، اقول له انا شريكتك ومثل ماانا واضحه معك انت لازم تكون واضح معي ، يقول مابي الشراكه اللي كذا ، ف لحظه حب مثلا < اقول له احبك كلك > يقول لا لك الربع بس مني ، اذا سوى لي شي او وداني مكان ماينساها ، كل شوي يقول تراني وديتك ولاتنسين ويقعد يمنّ علي لين اكره انه وداني ، نروح للسوق ومبسوطين ونركب السياره يقعد يتكلم عن المقاضي ليش وليش وليش < لين اكره اللي شريته ، متعبني زوجي بالحيل لدرجه اني تنازلت عن اشياء كثيره عشان نجمع نبني لنا بيت وصرنا نجمع مبلغ ورى مبلغ فجأه يروح يشتري فيها خيل ل اخوه ويقول عطيته اياها هديه انا عصبت وقلت ليش يقول < مالك شغل ولاتتكلمين ف حاجه ماتخصك وصرت افكر جديا اننا ننفصل ,, يمكن يلقى وحده تتحمل مزحه الثقيل وتتحمل تجريحه ، ومزاجه انا احاول ارضيه عشان ربي وانا للامانه تعودت عليه واذا جلست ف بيت اهلي اسبوع اشتاق ل بيتي والهدوء ، واقول له اني ماارتاح عند اهلي ، تعال اخذني ، ابي حل لاني تعبت