زوجي يحبسني في البيت.. حتى البلكونة ممنوعة!

قضايا اسرية
زوجي يحبسني في البيت.. حتى البلكونة ممنوعة!

انا متزوجة من عشر سنين وعنا تلت اطفالالمشكلة اني بشعر انه زوجي بقمة الانانية دايما بدور ع راحته بكل الامور ويفرض سيطرته بكل الاحوال بحس اني محبوسة بالبيت لا بشوف حدا ولا حدا بشوفني حتى البلكونة باوقات بمنعني اقعد فيهاممنوع اوصل اقربائي اللي طول عمري ربيانة عندهم متل جدتي خالي عمتي وهدول كبار بالسن وواجب علي وصلهم مانع انه يكون الي حياة رغم انه انسان متعلم وحاصل عشهادات عليا وعنده حياة اجتماعية زخمة لكن هاي كمان مبعدني عنها اهتمامه بعمله مو طبيعي بغيب من طلعة الضو للمغرب وبس يرجع بضل ع تلفونه طول الوقت مع اصحابه اللي بالشغل وبرة الشغل لدرجة حتى لما بكون عم ياكل كمان حامل تلفونه مع العلم لو بشوفني مسكت تلفوني اكتر من تلت دقايق بعصب وبنجن وبصير انا مقصرة طبعا مهتم بشكله ومنظره امام الناس وبصرف ع حاله كتير رغم انه هاد الموضوع كان معدوم عنده بس بعد ما فهمته كيف الانسان بهتم بنفه صار يبالغ وبدور ع راي الناس ومدحهم باناقته رغم اني انا مابخليه يحتاج لراي خارجي لاني دايما بمدح الاشي الحلو فيه ويمكن ببالغ ...ولما بطلب الي شي بقطر علي وليش بدك هيك وبكفيكي وكتير رغم اني مو من النوع اللي بحب يطلب بس بجبرني بسبب حاجتي اما بيته بجيب بس برضو بغلبني المشاكل عنا عالكبيرة والصغيرة ما بعرف اعطي رايي بموضوع بعصب وبصبح رغم انه اسلوبي كتير حذر معه بس ما بده ابدا اعطي راي مخالف لرايه لدرجة مرة بساله ليه بتعصب لما بعطي رايي وبتعمل مشكلة من ولا شي بحكيلي المرة حتى تريح زوجها وتسعدة لازم لو بتحط )عفوا لهاد اللفظ( كندرة بتمها وتسكت المرة لازم تركع لزوجها وتبوس رجله- مجازيا طبعا قصده- بس انا المشكلة شخصيتي محبوبة وبثبت نفسي باحترامي وين ما بكون وعندي طموحات كبيرة كل الناس بتشهد بترباية اولادنا والكل بمدحو فيني وباني زوجة صالحة بحب القراءة وبحب العلم وبحب الحياة الاجتماعية حتى دراستي اللي كان شرط من شروط زواجنا اني اكملها بضل يحط حجج حتى يمنعني انا تعبت من كتر المشاكل تعبت من انانيته تعبت من الغاء شخصيتي وضغطه علي تعبت من جحه لكل شي بعمله اله او للبيت او للاولاد كل الناس بتحسده علي بس هو مو عارف قيمتي خايفة اطلب الطلاق من جكره وعناده يغلبني ويجنني بالاولاد وخايفة عاولادي لانهم كتير بحبوه وهو كمان بحبهم بس هو كتير مقصر بحقهم بس بضحك عليهم باشيا زاكية وبنسوا بس بكرا بكبرو وخايفة يسالوني ليه ضليت ساكته وخليته يتحكم بحياتي وحياتهم بهالشكل الدكتاتوريساعدوني براي التفكير تعبني اسفة عالاطالة لكن هاد كله كوب من بحر

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • المدربة ميساء حموري اهلا عزيزتي للاسف انت تصفين شخص اناني ولا يحب الا نفسه ويعيش لارضاء نفسه ولكن ما يحيرني فعلا لماذا تسكتين ولماذا تخافي منه ومن هو هذا الشخص ومن اعطاه الحق ان يوقف حياتك ويضعك خادمه له .وانا اعدك بان اولادك سيسالوك عندما يكبروا لماذا سكتي ومن طلب منك ذلك ؟انت تفهمين موضوع الزواج والطاعه بطريقه خاطئه وسكت له منذ البدايه وانجبت ٣ اولاد اي انك موافقه على طريقه معاملته لك وهو بما انك موافقه ولا يوجد لديك اعتراض اكمل ما بدأه ووضعك رهينه في منزلك واوقف حياتك .انا لا اقول لك تطلقي ولكن طالبي بحقوقك العاديه زياره اهلك واقاربك ،وجود اصدقاء في حياتك ،الانفاق عليك والمرأه لا يجب ان تضع كندره بتمها كما يقول وتركع لزوجها ولكن على الزوج المحترم والانسان المثقف والذي تربى في بيت اهله ان يضع امرأه مثلك على رأسه ويحترمها ويقدرها ويشعرها بقيمتها .اذا بقيت صامته سيزيد ويستمر في معاملته اما اذا اعترضت وطالبت بحقوقك ولم تسمحي له باهانتك فسيستغرب ويتوقف للتفكير ولا تخافي اولادك في سن الحضانه وهم من حقك ،اطلبي مساعده اهلك ولا تسكتي على هذه المعامله ابدا ولكن اعرفي كيف تطالبين بامورك بذكاء وبدون مشاكل ،حاولي كل الطرق ولا تخافي ولا تستسلمي .
  • صورة علم Yemen
    صورة علم Yemen
    من مجهول

    نفس قصتي بس أنا لسه متزوجة من ٤ سنوات وعندي ولد المشكله بحبه كثير مو قادرة اعيش بدون محى شخصيتي وانا ما بتكلم ولا قادرة اعترض عشان انه نرجسي جدا ومحبوسة حتى الجوال 

  • animate

  • صورة علم Algeria
    صورة علم Algeria
    من مجهول

    السلام عليكم قصتك كلها مثلي ولكن انا قصتي امر وادهى لان بيزيد غلق الباب عليا وعلى اولادي عند ذهابه للعمل نهار كله حتى العشاء ومدة زواجي منه وهو لا يتكلم معي واذا اتى الليل اذا لم اذهب عنده للفراش لاياتي ولا يطلبني ولو اراد ذالك حتى اباشر انا واذا مضت ايام ولم اذهب اليه يعاملني بالحقرة والبخل وزيارة اقاربي تقريبا معدومة لا اعرف الشارع ولا مرة مشيت فيه من زواجي منه وعني طمحات وامنيات مثل ان ارسل ابني للمدرسة القرانية لا استطيع لان الباب دايما مغلق بالمفتاح وبا يوجد عندي نسخة  وانا كرهت من هذه المعيشة ولا اريد الطلاق لاجل اولادي الاربعة ولا اريد ان اذهب الى منزل والدي لانهم ميسوري الحال اشكو الى الله ولا حول ولا قوة الا بالله 

  • صورة علم France
    صورة علم France
    من مجهول

    هذا زوج نرجسي، فوتي عاليوتوب و افهمي الموضوع.انا بقيت 23 سنه مع زوجي و لم استطع ان افهم واحلل تصرفاته (ما كان على ايامي نت و يوتوب و لم اكن اقرا باي من المواضيع النفسية)، لحين سمعت بالصدفه مقطع عن الشخصية الترجسية، و ترى لا نفع من تغييره لانه يرى نفسه كامل مكمل، و على الزوجة فقط ان تتغير ، و تغيرت كتيير و سايرت (وعفوا للكلمة حطيت صرماية بتمي)و قلت من شان رضى ربي و في ميزان حسناتي و بيتي و اولادي، و لكن ولا كاني عملت اي شي ، او ضحيت ، بالعكس كرماله معي بيتشدد اكتر و اكتر، و بيطلع عالعالي و بيركب خيله ، و يلي بيقهرني انه كلشي بيعمله معي من شر  باسم الدين ما بدي طول. يا اختي الحبيبة بالمختصر : و كانك عم تحكي علينا ، وبالذات على تفصيلة التلفون يلي ماسكة ليل نهار و انا اصلا ما بحب لا الفيس و الواتس سبحان الله طبعي هيك، و بس لو لمحني مرة ماسكة جهازي بيصرخ و بيعصب.انا يلي معطلني اني بالغربة و لوحدي لا اهل و لا سند، وصرت بالخمسينات، وكتير صعب استمر معه،  و هو من اسوا الى اكثر سوءا و فظاظة و غلظة قلب و سوء خلق، و لكن دوما ولادي هني يلي كاسرين رقبتي و ساكتهانا هلاء ولادي كبار صبيين قربوا يتخرجوا من جامعاتهم.  بس باقية البنت الصغيرة بالثانوي .واخر شي ضربني و طلقني طلقة ، و جبرني اعمل عدة و حبسني بالبيت ،مع انه كان باستطاعته ان يتحلى بكرم الاخلاق و يردني كي لا اكون مجبرة لتنفيذ العدة 3شهور، ردني قبل اتتهائها ولمصلحته، كي لا يقوم بعقد جديد و مهر و شهود جديدان،و لكن مانعني اطلع من البيت على اساس لحتى يربيني، و لحتى اتعلم صير مرة كويسة.حسبي للله و نعم الوكيل، الله يفرجها علي من غايب علمه.اخاف انصحك و اوقول لك تطلقي، لا تصيبني حرمانية، و لكن هذا الحل الوحيد، لانه الصبر شيئ اصعب من الصعب مع هيك شخصية لا علاج لها. و صدقا مو للمشلكة انه الصبر صعب، معليش لو صعب و عم يجيب نتيجة ، المشكله ان الصبر لا يجدي نفعا. انا قلت اصبر على كلشي سيء كنت اشوفه، لكن بعد التقدم بالعمر انا تعبت و اهترأت اعصابي. واستنفذت كل طاقتي،  و هو يزيد سوءا، لا اريد شيء سوى راحة البال و السكينه، ومع هيك شخصية. هيهات هيهات للهدوء ان نجد له سبيلا، الصراخ العصبية الجنونية حتى لاتفه سبب، و لو اي حدا منا علق وقال انه سبب لا يستحق هذا الكم من الغضب ، يجن علينا بزيادة.المشكلة ستتفاقم لما يكبروا ولادك، للني انا كنت اتحمل كل اساءاته و لكن وانا اراه يقوم بالاساءة وايذاء اولادي ، اكاد اجن، و اتمنى لو تطلقت من زمان، و نجوت بنفسي و بابنائي،

  • صورة علم Morocco
    صورة علم Morocco
    من مجهول

    والله يا اختي حاسة بيك قصتك مثل قصتي من اول كلمة لآخرها والله بكيت لاني حاسة بيك الله يفرجها علينا انا وانتي مالنا غير الله والصبر

  • صورة علم Jordan
    صورة علم Jordan
    من مجهول
    حيييتي اولا الرجل ما بشوف أبره الخاضعة الخانعة بحب القوية الشخصية عليه قبل الناس وكل الشياءاللي ذكرتيها بزوجك اعمليها أمامه وزيارة جدتك سمح او ما سمح وانتي معتطيه اكبر من حجمه ليش حضرتك بتنفشيه صدقي لالرخل اول ما يشوف تفسه الا على زوجته اذا ما كانت قد حالها اهتمي بنفسك أولاً خدي حقوقك كامله
  • صورة علم Jordan
    صورة علم Jordan
    من مجهول
    على فكرة ، كأنك عم تحكي قصتي تماما، لما حاولت اوصل المشكلة لاهلة ، صار يضربني ، ووصلت حاليا المشكل بينننا للمحاكم ، ورح نتطلق. مشان هيك حلي المشكلة قبل ما تتطور للطلاق
  • صورة علم Algeria
    صورة علم Algeria
    من مجهول
    لماذا سكتي كل تلك السنوات؟ انا لا افهم ما الذي تغير....على كل حال لديك حل من الاثنين اما ان تصبري من اجل اولادك مع العلم ان زوجك اناني ولن يتغير ام تطلبي الطلاق ليس لديك خيار اخر فسكوتك من الاول جعلك تقبلين كل شئ فتعود هو على فعل ما يريد فقد فات الاوان.
  • صورة علم Saudi Arabia
    صورة علم Saudi Arabia
    من مجهول
    الانسان اللي ربنا يريد به الخير يرزقه الرفق والرحمة....اما قساة القلوب نهاياتهم وحشة و بيعرضوا نفسهم لغضب ربنا عليهمزوجك على ما يبدو ان صح كلامك قطعة من القسوة والغباوة اللي للاسف بقت طبع منتشر الا من رحم الله...تكتر حاجة حيرتني ان اولادك متعلقين ليهلا شك هو ابوهم طبعا...الطلاق قد يكون مخرج لكن هيبقى نتايجه قاسية عليكيمش صح طبعا انصحك بالتاقلم لان التعود على حياة قبيحة كدة امر مؤسفبس حاولي من ناحيتك تغيري طريقتك حاولى تجذبيه او تشوفي ايه اللي بيحبه واهتمى بيه لعل وعسى حتى لو الامل ضعيف يتصلح حالهوالا بقى ربنا يجيب الفرج من عندهمتعاطف معاكى لكن لا انصحك بالطلاقمش عشان عيب في حقك طبعالكن بكل اسف الاولاد هيتعذبوا كتير
  • صورة علم Algeria
    صورة علم Algeria
    من مجهول
    عندك حلين لا ثالث لهما اما ان تصبري و ترضخي لزوجك لانه لن يتغير و اما ان تتطلقي منه و تعيشي حياتك
  • صورة علم Saudi Arabia
    صورة علم Saudi Arabia
    من مجهول
    عذرا الطلاق هو الحل الوحيد برائي و حتى اتركي له الأولاد
  • صورة علم Algeria
    صورة علم Algeria
    من مجهول
    لكل شيء حدود وهو تجاوز كل الخطوط الحمراء حان الوقت لتتصدي له قد يأخذ من وقتك سنوات لا يهم المهم ان ترفعي الأذى عن نفسك و عن اولادك، البيت ليس معسكر انها مملكتك ولإسترجاعها عليك التمرد، في اول مرحلة إبدئي كلامك ب "أعتذر أنا لا استطيع " ثاني مرحلة "انا ٱسفة لن افعلها" و بآخر مرحلة " أنا أرفض " هكذا تفرضي نفسكي في عالم الديكتاتورية
  • صورة علم Algeria
    صورة علم Algeria
    من مجهول
    انا مصدقتك جداااا بس المشكل فيكي انت لانك عودتيه تسمعي الكلمة و تنفذي حتى لو مش مقتنعه فيها او حتى لو بتنضري وهو اتعود على ضعفك خلاص من هون و رايح كوني انسانة قوية وواثقة من نفسك التشياء الي تقدري تمرريها اوكي اما الاشياء اللي بتضغط على اعصابك و تسببلك اكتئاب لا و الف لا
  • صورة علم
    صورة علم
    من مجهول
    والله يا أختي معظم البيوت مثلكم فيها مشاكل وأسرار وخلافات وكثير أشياء والانسان الماهر والشاطر هو من يتجاوز كل ذلك
  • صورة علم
    صورة علم
    من مجهول
    اهتمي بنفسك واكتبي قصة نجاح وطوري مواهبك وتجاوزي الخلافات والاجواء المتوترة في منزلك ولا تدعيها تؤثر على هدف الأكبر

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟