بسبب عشقي الكبير له كذبت عليه بحقيقة من اكون، فهل أصارحه؟

حبيت مره واحده فى حياتى دى كلها حبيته من قلبى قبل ما اقول مشكلتى انا معترفه بغلطى وبقولها تانى وثالث ورابع انا غلطانه ومحتاجة مساعدتكوا انا دكتورة كنت معجبة بزميل ليا دفعتى من الشباب المحترمه اللى مفيش ليه مثيل مكنش فبه بنت مكنتش بتشكر فى الشاب داه وفى اخلاقه وأدبة واحترمه وتفوقه عمرى ما شفته بيبص لبنت بصه مش كويسه ولا غلط فى حد كان محبوب من الناس كلها انا اعجبت بيه من وانا فى تانيه اعدادى فضلت انشد ليه من غير ما يخطر فى بالى ولو لحظة ان اعشقه اوى كدا لغاية ثالثه ثانوى وانا مخبية المشاعر دى ليا لوحدى انا اخواتى ولاد وكبار وكلهم متجوزين ومخلفين كمان واكيد مكنوش هيفهمونى بالاخص انهم بيخافوا عليا من الهوا الطاير لدرجة ان لو اتأخرت بره نص ساعه بيقلبوا عليا الدنيا لسه بيتعاملوا معايا كأنى طفله نسيوا ان انا كبرت لغاية دلوقتى بيرفضوا ان ابات بره البيت حتى لو عند قرايبنا لسه بيلعبوا فى خدودى وشعرى زى ما اكون بنت فى ابتدائى ولما اجى اتكلم جد يأخدوا كلامى بضحك وان انا صغيره اسلوبهم معايا على قد مكان حلو بس كان بيزعجنى ولانهم شايفين مشاعرى انها طفوليه انا امى متوفيه وانا فى خامسه ابتدائى اتربيت مع بابا واخواتى الولاد هما ثلاثه كنت محتاجة امى اوى الفتره فعلا افتقدها اوى يمكن لو كانت معايا دلوقتى مكنتش هعمل كدا كنت هحكلها حتى لو اتخانقت معايا بس كانت هتفهمنى وهتساعدنى انا فى اجازة ثالثه ثانوى وانا داخله اولى طب قررت اكلم الانسان اللى بحبه بس كلمته من صفحة وهمبه وكدبت عليه فى اسمى وقلتله ان انا من عيله بسيطه وكمان كدبت فى مكان اقامتى ومفهماه ان انا فى تجارة كنت مفكره كدا ان انا بعمل الصح فضلنا نتكلم ومشاعره ناحيتى اتحولت لحب اه حبنى فرحت جدا بس بعدها لقيت ان انا خليته يحب انسانه وهميه ملهاش وجود وبيكلمنى بقالوا شهرين انه عايز يتقدم ليا رسمى وعلى الاقل نعمل خطوبة فضلت اهرب منه لغاية ما هو حس وقالى هو فيه حد فى حياتك عرفينى سكت هو فكر كدا ان فيه حد فى حياتى وتدريجى بدأ ينسحب من حياتى انا دلوقتى هدمت كل حاجة مش عارفه ازاى هدخل اقوله ان انا فلانه مش عارفه احكى وافضفض لحد انا من اسرة عريقه كل اقاربى فى مناصب كبيرة مش زى ما فهمته ان انا من اسرة بسيطه انا محطتش اى صورة ليا فى الصغحه الوهميه ولو حطيت صورة بكون حطاها بظهرى فعمر ما وشى ظهر ابدا حتى هو فى مره قالى انا مش عارف ازاى حبيتك من غير ما اكون شفتك ولو مره واحده على الاقل نفسى الاقى حل نفسى اقوله الحقيقه بس كل مرة اروح عند بيته هو جمب بيتى على طول بتراجع واهرب اول ما اشوفه بخاف دخلت فى مرحلة اكتئاب حاسه ان عملت حاجة غلط كبيره لان خنت ثقة اهلى فيا ولان هدمت صورتى فى نظرى انا بقيت بستحقر نفسى اوى بقيت ببص لكل بنت امها جمبها واتمنى تكون امى جمبى نفسى انها تكون موجودة عشان احكلها قد ايه كان نفسى تكون اول واحده اقولها انا حبيت نفسى ارجع اقول كلمة ماما من تاتى انا ملحقتش اشبع منها ولا من كلمة ماما مشبعتش من حضنها مشبعتش من ريحتها انا لو فضلت فى الحالة اللى انا فيها دى هيحصلى حاجة كل شوية اقول هحكيلة وهو هيفهمنى بش برجع تانى واقول هيفهم ازاى وانا خدعته فى اهم حاجة وكلمته على اساس انسانه وهمية