فعلت المستحيل حتى أرضيها لكنها كانت تبحث عن صراف لها ولابنتها فقط

الحب والعلاقات العاطفية
animate

انا شاب عندي 23 سنة بدرس ماجستير في الاقتصاد وكنت بشتغل في وظيفة بدخل متوسط وحبيت واحدة من دولة عربية عمرها 36 ومتجوزة ومعاها بنت بس تقريبا منفصلة عن جوزها وفي طريقها للطلاق وكانت بدايتي معرفتي بيها كانت عن طريق وسايل التواصل الاجتماعي وقابلتها في الواقع مرة واحدة بس وهيا جميلة جدا وبحسها طيبة وعلي نيتها قربت منها ومن حياتها وتقريبا سالتها علي كل تفاصيلها وكانت بتجاوبني وكان كلامنا شات ومكالمات وفيديو وكان في تجاوزات بسيطة جدا زي كلام وفي وسط التجاوزات دي مكنش بيكون عندها مانع اننا نعمل تجاوزات اكتر بس انا كنت بنصحها واقولها لا مينفعش تغلطي حتي لو علشاني فضلت علاقتي بيها عبارة عن شات ومكالمات وفيديو لمدة سنة وهيا كانت طول السنة دي اوقات عند اهلها واوقات في بيت جوزها وكانت بتقولي انها مش بتتكلم مع جوزها في حاجة تانية الا لو تخص بنتها حتي كانت مانعة انها تنام معاه في اوضة واحدة طول السنة دي انا فعلا حبيتها واتفقت اني اتجوزها وتعيش معايا في مصر وانا عندي المقدرة اني اوفرلها من شغلي حياة متوسطة نقدر نبدا منها وكان سبب كل مشاكلها مع جوزها انه مقصر في الفلوس ومصاريف بنتها ومصاريفها وفي الوسط التقصير ده انا كنت بقف معاها واحولها فلوس علشان تسد التزامات الشقة والعربية لدرجة انها كان عليها قسط لقرض واهلها رفضو انهم يساعدوها وكانت بتقول ان القرض هيتحول قضية انا اتصرفت في الفلوس وحولتها لحد ما كل الفلوس كنت حوشتها خلصت واستلفت من اهلي بحجة اني محتاج الفلوس دي لدراستي ومصاريفي وكنت بحولها كل الفلوس دي وهيا كانت بتقول انها هتشتغل وترجع الفلوس دي وده محصلش كانت بتقول انها كلمت ناس معارف يشوفولها شغل بس الوظايف المتوفرة مش مناسبة بحجة بنتها بس انا بحس انها مش جادة في الشغل وطبعا هي مرجعتش اي فلوس وانا كنت بتحرج اطلب منها لحد مبقيتش قادر اني اساعدها بفلوس وبقت بتحملني نتايج مشاكلها اني مش بساعدها انها خسرت الشقة علشان مكملتش باقي الاقساط والعربية كذلك وحسيت ان اهتمامها بيا بيقل معرفش قلة الاهتمام دي بسبب اني مبقيتش بحولها فلوس ولا مشاكلها لدرجة اني بقيت بعاتبها واقولها انتي مش بتهتمي بيا وانا بهتم بيكي بسيب اي حد واي حاجة علشان اكلمك وانتي بتكلميني بمزاجك وكان العادي اننا بنتكلم كل يوم وفي اليوم ممكن اكتر من مرتين وجيت علي قلبي واتحكمت في نفسي اني مكونش ملهوف عليها واجري وراها هيا بقت تتكلم بس بسيط ممكن كل يومين او تلاتة تبعت مسدج او تتصل مرة لدرجة اني كنت بعمل عملية ازالة ورم حميد وفضلت 7 ايام مكلمهاش وانا كنت معرفها قبلها اني بعمل عملية وبعد ال 7 ايام دول لما فتحت الاكونت الاقي كل هيا عملاه بعتت 3 رسايل بس مش قادر اوصف انا كان احساسي ايه وازاي كنت بتعب نفسيا في وسط ردودها الباردة وقلة اهتمامها وانا فعلا كان فيا حاجة مش عارف اسميها غيرة ولا شك بس هيا كانت بتستحملني في تصرفاتي معاها اني اقولها مين الرجاله ال عندك علي الاكونت دول واعملي لده بلوك وده وكانت بتعمل واطلب منها توريني الرسايل ال بينهم وكانت بتنفذ كلامي وفي يوم طلبت منها تديني البسورد لاكونت الفيس كانت بتقول اي حجة لحد ما في يوم بتصل عليها الساعة 12 بليل لقيتها مشغولة وبتكلم حد سالتها تقولي صاحبتي قولتلها وريني سكرين شوت بالوقت ان دي صحبتك بتكلمك دلوقتي رفضت انها تعمل كده اتعصبت عليها وقولت لو مش بعتي سكرين شوت واديتيني بسورد الاكونت كل واحد يروح لحاله وتنسيني اتفاجات انها بتقول كل واحد يروح لحاله سيبتها يومين وجيت علي كرامتي وبعتلها مسدج بكلمها لقيتها بترد وتقولي انتا تنساني خالص انتا زهقت من مشاكلي وبعتني قولتلها لو انا بعتك مكنتش رجعت اكلمك دلوقتي لقيتها بتقولي مهما تعمل انا مش هكلمك تاني وكل ما بيني وبينك انتهي وراحت عملت تجاهل للرسايل جيت بعتلها قولتلها ياريت تعملي بلوك احسن طالما كل حاجة انتهت .يعني كنت بضغط عليها اننا نصلح كل حاجة ونتعاتب ونرجع زي الاول فراحت عملتلي بلوك رحت اتصلت عليها مكالمة دولية وكانت بتقفل عليا مرتين واتصلت تاني اديت الفون لاخوها الكبير يرد عليا علي اساس ان ده واحد بيعاكسها وقفلت معاه ومن يومها وانا مش عارف اعمل ايه

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده اهلا بك يا ولدي والحقيقة اك وقعت في اخطاء جسيمة وكلها ادت الى حالك التي انت بها وتعلمت درسك من كيسك كما يقول المثل واشكر لك ثقتك بنشر هذه الرسالة لتكون موعظة للشاب الجاهل الذي له اخطاء وليس فقط الفتيات، اولا انت وقعت في حرام بان كان لك علاقة مع سيدة ومتزوجة ولها بنت وهي خائنة لزوجها وتسحبك للخيانة وهي اكبر منك 13 سنة وانت صدقت التمثيلية التي سحبتها عليك، وهذا يعني انه يجب ان تراجع امورك ولا باس لو ذهبت لطبيب نفسي لتكتشف سبب ميلك لمثل تلك العلاقات فشاب في عمرك يحب صبية في الثانوية او اولى جامعة وليس سيدة متزوجة ولها بنت وقاربت على نهاية العقد الرابع من حياتها. الأمر الثاني هل صدقت ان عندها مشاكل مع زوجها وانها ستطلقه، ولعلك لاحظت انها لم تطلقه ولن تطلقه ولكنها تلعب عليك كما تعلب على عشرات الشباب غيرك لتأخذ المال منكم بهذه البساطة ولو اردت جنس عبر الهاتف لاعطتك ولو طلبت منها صور لجسدها او فيديوهات لبعثت لك لانها في الحقيقة من الفئة السيئة من النساء. الامر الاخر الا تعلم ان هذه العلاقات الافتراضية وهمية وخادعة وفيها الكثير من الكذب، انت لا تعرف حقيقتها ولا تعرف من هي اصلا واستطاعت بكل بساطة ان تسحب منك كل المال الذي وفرته وتاخذ من اهلك، على كل حال الامر انتهى وليس امامك الان الا ان تحمد الله وتشكره فانت لم تقع في الزنا معها ولم تفعل امر من الكبائر ولكنه درس تعلمته ان لا تثق باحد ولا تعتمد على الانترنت في العلاقات وان تستر نفسك وتنسى هذه القصة، وتتابع حياتك وتبدأ من جديد، لاني لا اعتقد انه يمكن ان تثبت انك قمت بتحويل المال لها وتمسك عليها ممسك لأن القانون لا يحمي الجاهل، الا ان كان لديك محامي شاطر وحفظت كل الادلة ارفع عليها قضية واسترجع حقك منها ولكن بدون فضيحة على سمعتك لانك لا تزال في اول الطريق، وربي يوفقك.
  • صورة علم France
    صورة علم France
    من مجهول
    القانون لا يحمي المغفلين، وقعت في مطب مع نصابة كذبت عليك لتبتزك٠أعرف شخص مر بنفس التجربة و المرأة أخذت منه أكثر من ١٠٠٠٠ يورو و كل علاقتهم كانت عبر النت ولا مرة قابلها و آستطاع بعد جولات في المحاكم آسترجاع ٨٠٠٠ يورو منها ولكن بعد تعب كبير٠ لو آحتفظت بوثائق تحويل المال على آسمها اتصل بمحامي لكي يساعدك في آسترجاع ما أعطيتها و آحك له أن المال أرسلته لها على أساس سلف٠
  • animate

  • صورة علم
    صورة علم
    من مجهول

    لا تعلم ماذا تفعل عليك ان تطلب مالك الذى ارسلته اليها وان تهددها ان لم ترسله سوف ترسل صورة من الرسائل والشات بينكم الى اخوها واهلها وعليك ان تنساها تماما ولا تفكر بها ولكن اولا ان تسترد مالك واعلم ان مثل هذه المراه تعيش على ظروف شباب صغيرة مثلك طيبين القلب وحسنين النية

  • صورة علم
    صورة علم
    من مجهول

    ابنى من الممكن ان اكون فى عمر والدتك ولكن احب ان ارسلل لك رساله انت وجميع الشباب ان العلاقات عبر الانترنت علاقات وهميه وكاذبه لانها بها كثير من الجوانب مختفية ولا يوجد احتكاك فى المواقف فتفهم الشخصيه واجد الان من خلال متابعتى للمشاكل ان الشباب يغرمون بامرة متزوجه ولا يفكرون ان هذا حلال واو حرام او انها غير ذات اخلاق لانها لم تحافظ على زوجها وانها كما تخون  زوجها الان تخونك انت  وانتم الشباب تتقبلوا الوضع بل تعطوا مشاعركم يجب ان تعودوا الى العادات والتقاليد حتى نحافظ على المجتمع ويجب ان تكون شروطك فى شريكه حياتك هى الاخلاق

  • صورة علم
    صورة علم
    من مجهول

    صديقى لا تكن طيب القلب هكذا وصافى النيه حتى تصدق كل ما يقال لك وان تنجرف الى علاقه غير واضحه وايضا انت خسرت كثير من المال كان من الممكن ان يساعدك فى مستقبلك ولكن لانك وافقت ان تقيم علاقه مع امراه متزوجه ولم تتقى حدود الله وتعرف انها تخون زوجها ومن الممكن ان تخونك

  • صورة علم
    صورة علم
    من مجهول

    اخى بالطبع انها استغلت طيبتك واخذت منك المال وعندما توقفت ولم تستطع ان تمدها بغيره ملت وتركتك هذه المراه تصطاد الشباب وتستغلهم ماديا وانت ضحية لها وربما الان تقع بضحية اخرى وان كل ما تقوله يكون كذب وهى غير متزوجه ولكن تعيش على هذه الطريقه حاول ان تنساها ولا تفكر بها وانها كانت تجربه فاشله

  • صورة علم
    صورة علم
    من مجهول

    اخى انت شاب وفى مقتبل عمرك وتحضر الماجيستير اى على قدر كبير من العلم لما ترتبك بامراه ضعف عمرك ومتزوجه ولديها ابنه انت ادخلت نفسك فى علاقه شاذه انت فى غنى عنها ولن تفيدك ولكن عليك ان تحمد الله انها انتهت لانها كانت سترهقكك وتعلم منها انتختار العلاقه التى تدفعك الى الامام وليس علاقه تقضى عليك

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟