صورة علم Egypt
من مجهول
منذ شهر 21 إجابات
0 0 0 0

غيرته وتصرفاته لا تشجعاني على البقاء

اعانى من مشكلة .. وهى انى على علاقة بشاب .. ومحتارة افضل معاه ولا امشي .. احنا بقالنا ٦ سنين بنحب بعض والنفروض هيتقدملى بعد ٣او ٤ شهور ع حسب حاجات معينة متفقين عليها .. المهم .. سبنا بعض حوالى شهر بسبب انه اتكلم معايا بطريقة وحشة .. فا عملتله بلوك ف كل مكان وكان بيرن كتير ومكننش برضي ارد .. بعدين شلت البلوك وكلمنى اعتذرلى كتير جدا وقاللل ان كان عنده ظروف خلته يعمل كدا ضغوط يعنى ومشاكل ف البيت .. قبلت اعتذاره ورجعنا نتكلم .. من فترة من سنتين او ٣ دخلت ع اكونت الفيس بتاعه لقيت بنت عملاله لايكات ع كل صوره ولما دخلت ع صفحتها لقيته هو كمان عاملها لايكات وكاتبلها تعليقات انها جميلة جدا .. هى اجنبية .. ولنا سألته ازاى تعمل كدا قاللى ان واحد صحبه كان ماسك تليفونه وممكن هو اللى عمل كدا .. اعتذر كتير وسامحته برضو .. ومكنتش عارفة اصدقه ولا لا هو الموضوع عدى عليه كتير بس مش قادرة اصدقه .. وكمان فى بنت تعرفها صحبتى الانتيم .. فا البنت دى قالت لصحبتى ان الشخص اللى انا وهو بنحب بعض بعت للبنت دى وكلمها بس كان بيكلمها عليا وانى اد ايه ظلمته وسبته (عشان وقتها بطلت اكلمه لانى عارفة انه حرام) ..لما رجعنا لبعض بعدين سألته اذا كان كلمها ولا لا ..وحلف كتير انه مكلمهاش بس انا مش مصدقاه معرفش ليه ..موضوع البنت دى بقاله ٤سنين بس انا مش عارفة اتساه ومش قادرة اتخيل انه كلم واحدة غيري حتى لو مكنش بيكلمها تحت مسمى الحب حتى لو انه كلمها عنى..وكمان من يومين دخلت على حسابه ع الانستا لقيته عامل follow لبنات كتير ومش محترمين ومنهم اجنبيين ..ولما سألته من يومين قاللى دول بيعملو هكر ع الانستا يروح يتعمل من عنده هو فولو ليهم ومش مصدقاه برضو .. هو من تصرفاته وتعامله معايا باين انه بيحبنى جدا وكمان بقالنا ٧سنين مع بعض يعنى لو كان بيستهبل وبيلعب بيا كان سابنى من زمان .. بس اللى حاصل دلوقتى انى لما افتكرت المواضيع دى اللى بقالها سنين .. بقيت بتخنق جدا وببقي مش طايقاه .. وكمان قولتلكو انى كنت سبته من شهر ورجعنا من اسبوع .. ف الشهر اللى سبته فيه حسيت ان حياتى بقت احسن وبقيت مرتاحة اكتر ومبسوطة وعلى حريتى اكتر .. ومكنتش عاوزة ارجعله بس لقيت تفسي فجأة شلت البلوك وسمحتله يتكلم ويعتذر وقبلت اسفه .. هو محتاجلى عشان تقريبا اهله سايبينه طول الوقت وديما بيقوللى متسبنيش .. مش عارقة اعنل ايه .. بغير عليه جدا لدرجة انى بتخنق من الغيرة دى .. وخنقتى من الغيرة عليه هى اللى خلتنى ابعت اطلب نصيحتكو .. انا كدا كدا هقوله اننا مش هنتكلم تانى لحد ما يتقدملى لانه حرام .. بس مش عارفة اقوله انى هفضل مستنياه ولا اسيبه خالص دلوقتى واقوله ميجيش ليا يتقدملى .. مش عارفة احترت جدا .. انا بعتلكو قبل كدا ونصحتونى بس بغلط كل شوية .. انا تعبت جدا وخايفة ادمرله حياته لما اسيبه ..اسفة انى طولت عليكو بس فعلا محتاجة النصيحة