ارتباطي به اصبح من سابع المستحيلات

الحب والعلاقات العاطفية
animate

انا بنت وحيدة ع شبين ,علاقتي وعلاقة امي باهلها ممتازة وخاصة واحد من ولاد خالتي .امي كانت تحبه كتير ومن حبها اله كنت احب اتعامل معه وكنا اصحاب ,درست بالاردن سنة لحالي خلالها ساعدني ووقف معي كتير ولهدا السبب الكل حكى انه نحنا بنحب بعض وفي علاقة بينا وانه هو مهتم فيه غير عن بنات العيلة الا انه كان كله كزب وكانت مجرد صداقة وكبرت المشكلة ونهاها ابي .بسبب علاقته بامي كنت اتواصل انا وياه دايما وامي كانت تعرف ولكن ابي ما بعرف ولاننا اصحاب كتير كانت تقولي ازا رح بتحبي حدا هو رح يكون اول شخص بعرف فيه لشدةعلاقتنا ببعض . بعد ما صارت المشكلة زاد تواصلنا وحسيت بمشاعر اتجاهه وقررت انه ما احكيله باول عمرة الي دعيت انه الله يجعل فيه الخير ويجعله من نصيبي وكنت دايما ادعي واستمرت علاقتنا كاصحاب ,قبل شهر اتصل الشب على امي وطلبني خبرتني امي ووقتها انبسطت كتييير بس فرحتي ما كملت اهلي رفضوا مع اني استخرت وفيقت مرتاحة كتييير ولما خبرت امي اني موافقة بهدلتني وسبتني ورفضت الموضوع بالرغم انه هي قالتله انها موافقة وكان سبب رفضها الاساسي انه مو هو الشخص المناسب الي لانه كان اله ماضي مع البنات وهو كان يقولها ويستشيرها لانه علاقتهم صحبة كتير مع بعض وكانه واحد من ولادها . خبرت ابي وكان على استعداد انه يحرقني ولا اكون معه وهددني ازا بعرف انه في تواصل بينا انه يضربني ويحرمني من جامعتي حاولت مع اهلي وخبرتهم انه في مشاعر بقلبي اتجاهه واني بحبه وما سمعوني وحاولت احكي مع امي لحالها وقالتلي انه ارتباطي هو من سابع المستحيلات ودعت انه ان شاء الله اطلع جنازة ولا اكون عروس اله ترجيتها وبكيت الا انها رفضت تماما .اتصلت امي على اخته وقالتلها بتقبلي تزوجي بنتك لواحد متل اخوكي وهون زادت الطيب بلة وهاد كله بسبب انه كان بيعرف بنات بالرغم انه انا بعرف بهاد الشي ولشدة تواصلنا ومن بعد دعائي ما عاد يحكي مع حدا غيري وحتى المعاكسات الي كانت توصله كنت اعرف فيها كاملة ما خبى علي شي وكان رح يغير خطه عشاني لانه بيجي عليه معاكسات حاول الشب يقعد مع بابا ويحكي معه ما قبل يستقبله واتصل عليه وعلى ابوه ونهى الموضوع معه وانا ما زلت للحظة هي بدي ياه وبحبه بدي نصيحة وسامحوني

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي غريب تصرف امك فهي تحبه وتعلم بعلاقتك معه ولا تتكلم وعندما يتقدم لك ترفضه ، وسبب الرفض غير مقنع ، على الارجح هناك سبب اكثر خطوره لم يفصحه اهلك . اما الان فانت لا تستطيعين مخالفه رأيهم بعدما رفضوه بهذه الشده ، ولا حل لك سوى ان تقتنعي وتنسيه وتقطعي علاقتك به نهائيا . كثير من الفتيات يقعن في حب شاب ولا يتم الزواج ، انها تجربه صعبه عليك ولكن هل تستطيعي مخالفه اهلك ؟ صارحيهم بهدوء ووسطي من له شأن عندهم ربما يستجيبوا واذا قطعت الامل لا يبقى لك سوى الخضوع للامر الواقع. هوني على نفسك ولا تسترسلي في التفكير به ، المستقبل امامك وقد يكون لك نصيب افضل من هذا الشاب ، الزواج علاقه بين اسرتين واذا كانت هذه العلاقه غير مبنيه على التفاهم ستتعذبين كثيرا بعد الزواج وستحتارين ما بين اهلك وزوجك دوما.
  • صورة علم Jordan
    صورة علم Jordan
    من مجهول
    أهلك أدرى بمصلحتك ولعلهم يعرفون عنه أشياء لا تقال اكيد ان اخلاقه سيئه واهلك لا يريدون ان تقعي في المشاكل ولو تزوجتيه رغما عنهم فستخسرين كل شيء وهو سيتحكم بك لأنه لن ينسى موقف اهلك منه --اسمعي اهلك وأنسيه فلا احد يحبك مثل والديك
  • animate

  • صورة علم Egypt
    صورة علم Egypt
    من مجهول
    واضح انه يوجد سبب قوى يمنع هذا الزواج وامك مش عايزه تحكى عليه السر عند امك اتركى هذا الشاب فورا لاسباب لايمكن البوح لكى بها اهلك يعرفوها حتى احته تعرف بها نفذى كلام اهلك ولاتسالى عن السبب
  • صورة علم Jordan
    صورة علم Jordan
    من مجهول
    للاسف الحياة مش مسلسل رومنسي نهايته البطل بعيش هابيلي ايفر افتر مع البطلة...كل البنات اكلو اكمن كف حتى يستوعبوا الحقيقة المرة...لذلك حاولي اتقبلي الموضوع واتأكدي اذا عاندتي و ضليتي تتواصلي معه رح توقعي بمشاكل اكبر واهلك رح يسكروها اكتر واكتر..بس من ناحية تانية اقعدي بينك وبين حالك وفكري انه لو عنجد عنجد ارتبطوا ..اديه رح اتصمدوا بدون مشاكل واديه فعلا اخلاقه رح تردعه من انه يجرحك و يعيشك العيشة اللي بتستحقيها..كتير ناس حبوا بعض وبس ارتبطوا لقوا انه لما كانوا يحبوا بعض كانوا مش على طبيعتهم وبكونوا مثاليين بين بعض لكن لما يرتبطوا ببعض بتبلش حقيقتهم تطلع وطبائعهم السلبية تبين وبتكون صعبة تتحمليها واهلك طبعا عارفين شو رح اتشوفي وراء الوجه اللي بظهرلك ياه هاد الانسان ولولا معزتك الهم وانك فلدة كبدهم ودللوكي وربوكي وكبرتي قدام عينهم...وبيجي بالاخير واحد طايش ياخدك اتأكدي انه من رعبتهم عليكي بتصرفوا بهاي الطريقة مش من قساوتهم ولا ظلمهم...بدهم اياكي تاخدي احسن شاب وبستنوا بهاد اليوم من لما انولدتي وانه يسلموكي لشخص امين وخلوق وبخاف الله حتى يقدروا يناموا وهم متطمنين عليكي ولكن اللي بتتصرفيه انك بس مجرد عواطفك بتحكمك وناسية اهلك اللي من حقهم بعد كل هالترباية والهلاك ليعملولك كل اشي انه تاخدي واحد بس بخاف عليكي ..هم شو بدهم اكتر من هيك...فكري فيهم شوي
  • صورة علم
    صورة علم
    من مجهول
    اذا ربي كاتب لك انك بتتزوجينه و انك بتكونين على ذمته راح تتزوجين لو بعد ميه الف سنه اذا لك حق بتاخذينه غصب على امك و غصب على ابوك و بس خلك على الوتر و التهجد اخر الليل
  • صورة علم
    صورة علم
    من مجهول
    الموضوع صعب جدا و معقد و لكن من دون موافقة اهلك ما تقدري تسوي اي شيء ..خلي يحاول اكثر من مرة و فهمي امك انه اذا ما تزوجتيه ما رح تتزوجي غيره طوال حياتك
  • صورة علم
    صورة علم
    من مجهول
    لا حول ولا قوة الا بالله يعني امك الشخص الوحيد الي المفروض يساعدك ويوقف جنبك بحكم انه ابن اختها و تعرف اخلاقه ..انا برأيي توكلي على الله لانه ل كان نصيبك رح تاخذينه غصب عن الكل

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟