علاقتي معه متوترة.. فماذا تنصحوني أفعل؟

السلام عليكم اتمنى تساعدوني وتنصحوني طالبه جامعيه وعمري ٢٣ اتعرفت على شاب عن طريق سوشال ميديا واتعرفنا على بعض وارسلي صورتو وانا بعدها بفتره ارسلتلو بعدها صرنا نحكي كتير وكدا ومابنحس بالوقت ويحكيني عن حياتو ويحكيني عن اهلو لانو هو يتيم ام وأب وعايش مع جدو وخالاتو وهو كان عندو عمل بس برا في ابوظبي مش بنفس المنطقه الي انا فيها وجا السعوديه واتقابلنا وبعدها قالي حكلم اهلي بس بعد العمليه قلتلو الي كاتبو ربنا يصير لمده شهرين كنّا حلوين وبعدها لقيت دخل نفس البرنامج وشفتو فجاه سالتو صح انت قلت انك ماتدخل ليش تكدب ولقيتك فيها قالي دا اولا مش انا دا صاحبي اخد حسابي عشان يختبر وحده يحسبني مش مقتنعه بكلامو المهم بعدها ماصار يفرق معايا لاني اضايقت وقلتلو خلاص مااقدر اكمل قالي صدقيني مش انا بعدها صار يحط صور حزينه عالواتساب لمده اسبوع ماكلمني ولا حاجه بس يحط صور عالواتساب بعد اسبوع ارسلتلو احذف رقمي لانك حافظ رقمي قال مااقدر انتي عارفه ..بعدها صار يكلمني ولا كانو صار شى وانا صرت اكلمو عادي ويقولي احبك وحكلم اهلي وكدا قلتلو طيب بعد تلاته أسابيع حرجع قلتلو توصل بالسلامه قالي جدي المشكله ماحيكون بالبيت ولا كان كلمتو عشان اخطبك قلتلو عادي وقت مايجي اي وقت قالي مااقدر نفسي اشوفك المهم وصل جده وبعدها بيومين طلب مقابلتي رفضت علاطول قلتلو صعب وأهلي انا باامكاني اقدر بس قلت ماينفع قلتلو بعد ماتكلم اهلي ان شالله اقدر اقابلك قالي ايش معنى اول ودحين لا قلتلو الصراحه صعب واخاف من امي وكدا ...قال اوك مش مشكله وبعدها كنّا نحكي ونضحك وبعدها قلتلو ماما جات وطالعه قالي اها ..وبعد مارجعت البيت قلتلو رجعت واليوم الي بعدها شاف الرساله وطنش انا استغربت وبعدها اليوم الي بعدو ارسلت قلتلو اشبك مطنش قالي كنت استنى تكلميني مش انا كل مره اتكلم فقلت اوك ..قالي فينك قبل امس قلتلو ارسلتلك عالواتساب ماما جات وطالعه قالي كنت انتظرك ماكلمتيني قلتلو ارسلتلك ..قالي عالبالي تقولي امي جات وهي تطلع قلتلو لا ..قالي خليتيني استنى حتى مااعتذرتي مني والمشكله كل مره انا اعتذر واليوم الي بعدو كلمتو قلتلو اهلين قالي هلا قلتلو ايشبك اسلوبك متغير قالي ماقلت شى قلتلو لو كدا ماراح ازعجك قالي سيبيني بحالي قلتلو ايشبك قالي انتي عارفه عشان ايش ؟! قلتلو عشان رفض ماقابلتك ضحك قال لا انتي عارفه وكدا قلتلو سواء غلطانه او لا انا متاسفه بس مااحب احد يكلمني كدا قلتلو تبغانا ننفصل؟ قالي من فين تجيبي الكلام دا ... قلتلو ايشبك قالي خلاص سيبيني لحالي قلتلو ماراح ازعجك بعد اليوم وحلفت كمان مااكلمو ابدا ..قالي في مفاجاه قلتلو ماابغى خلاص ماراح ازعجك مره تاني ..والين دحين ماكلمني صار اسبوع ماسال ولا شى المفروض لو مابدو يكمل يقولي مع انو صارلنا ٤ شهور ...بلييز ساعدوني شو اعمل معليش عالاطاله وايش تنصحوني عشان يرجعلي جزاكم الله خير

أضف إجابتك

من أخصائية نفسية ميساء النحلاوي

منذ سنتان

0 0 0

علاقه الشاب والفتاه عبر الانترنت علاقه وهميه غير صادقه يكذب فيها كل طرف على الاخر ويوهمه بما ليس فيه ، وهذه العلاقات ، إن طالت ولم تتنازل فيها الفتاه عن مبادئها وتوافق الشاب على ما يريد ، يصيبها الملل ويبدأ الشاب بالتهرب . هدفه من مراسله فتاه ليس الزواج بالتأكيد بل التسليه وعلاقه جنسيه إن أمكن ولكن الفتيات مع الأسف لا يقتنعن بهذا الكلام فيصبن بخيبات أمل وأحيانا يقترفن أفعالا يندمن عليها كل العمر .اقطعي علاقتك به فإن كان جادا سيسارع إلى إيجاد طريقه للتقدم لك وان لم يفعل تكونين قد وفرت على نفسك صدمه وخيبه أمل كبيره.

أحسن لك نسيانه وان حاول يتصل بك او يكلمك قوي قلبك و قول له اما تدخل من الباب او مع سلامة

أختي الكريمة .....هذا ولد لعاب ومافي مستقبل وراه من الآخر انا اعطيكي الزبدة.....وكلامه كله نصب علشان يعلقك على تلرايح والراجع....احتفظي بمشاعرك وعواطفك الجياشة لخطيبك الي يدق باب بيتكم مش يدق باب السوشيال ميديا.... هداكي الله .....اشتغلي في طاعة ربنا وسوف يوفقك بإذنه

قلتلو وقالي الله لا يشغلنا إلا في طاعته نصيحتي لك اشغلني نفسك في شيء مفيد وخلي عنك لعب المراهقه

أول شي انتي وحده فاضيه وثاني ثي هذا واحد كتاب وألعاب وعنده أهل ام وأب صدقيني من خلال كلامك عرفت انه كتاب لاني بنت جدة ياقلبي وتربية جدة عاد مايحتاج مفروض واحد مثل هذا مايضحك عليكي وانتي بنت جدة يعني الإمارات كلها عندنا ماينضحك علينا سوشال ميديا يعني راعي وناسة ووويييينه والزواج الله المستعان بس

طيب انا رح اسيء الظن بالرجال ولكن أعتقد أنني على صواب. هذا ليس يتيم الأبوين (قالها ليثير استعطافك ربما). هذا يظهر انه ذئب بشري استغباكي وكل همه الجنس. تصنع انه سيأتي لخطبتك ليوهمك أنه جاد ولكن حقيقية كل ما يريده أن يطمئنك من ناحيته قليلا ثم سيطلب لقياك خارج البيت ثم ستتكرر ثم سيطلب تقبيلك ولمسك إلا أن تقعي في الفاحشة. سيقول لك اننا سنصبح أزواجا قريبا فلا بأس ومن ثم يرميكي إن كان نصف شرير. إن كان شريرا بشكل كامل ربما يصور الفاحشة ويهددك فيها إن لم تستمري معه في الحرام.......انت طلعتي اذكى بقليل وخربتي بداية خطته عندما رفضتي اللقاء الثاني. لذلك لجأ لسياسة التطنيش اللي رح تخلي عندك فضول ليش مطنشني ورغبة في انه يرجعلك. وحيخليكي إنتي تكلميه وتطلبي انه يسامحك وبعدها رح يسامح اذا التقيتي معه ووقتها يشبع رغباته منك.........اختي انا لو كنت أريد اخطب بنت كنت في نفس اليوم جبت أهلي وخطبت البنت اللي اريدها، اما الذىاب البشرية يتذرع بمليون عذر ليكسب الوقت ويوهم الفريسة بانها ستكون زوجة المستقبل.....الحركة الأخيرة التي بامكانك أن تتأكدي من صدق كلامي اخبريه بأنك ستقطعين علاقتك به نهائيا إن لم يحدد موعد الخطبة. إن تعذر بأي شيء فهو كاذب وعلى الأغلب انه سيلعب دور الضحية وينسحب. آسف على الإطالة ولكن احمدي ربك انه لم يغتصبك بعد وان شاء الله بتتعلمي من خطأك ولا تكلمي إلا اللي جاي يخطبك.