كنت أحد معجبيه والآن تعلقت به

بقول قصتي بس ما ابي احد يقول تفكير مراهقات ومدري شنو لاني بالعشرين عمري ٢١ اول شيء قبل ٨ سنوات تقريبا دخلت بعالم اسمه الكيبوب الموسيقى الكوريا وفيها فنانين وايدولز وفرق فتيان ولكن لم أكن اهتم ابدا بموضوع الايدولز لدرجة الجنون يعني ما توصل فينيّ ابكي عشـان بس قبل سنتين طلعت فرقة اولاد كوريه كانوا كلهم فيجوال'ز وحلوين واخلاق حتى تعاملهم مع الفانز جذبني بس في واحد من بينهم شدني له مره لانه خجول وما يحط عينه بعين بنت بدون ما يستحي وكذا تصرفاته جذبتني يعني منجد لأول مره يصير فينيّ كذا بعد فتره من ظهورهم صار عندهم حساب رسمي ويسوون بثوث للمعجبين اللي لاحظته كل ما اكتب تعليق من بين الالاف التعليقات هالشخص يرد علي بكل صدر رحب بكل بث يسويه ويقول فلانه جات البث حقنا مره ثانيه ويفرح وكذا ومرت السنتين على هذا الحال وقبل شهرين تقريبا اتفقت اني اسوي مشروع سيارة اكل بمكان تصويرهم للفيديو كليب حق أغنيتهم الجديده المهم دفعت عليه الف وخمس مية ريال تقريبا وطبعا المشروع بكوريا وتعاملت معا فرع هناك يوصله بأمان وكتبت اسمي على المشروع من المعجبه فلأنه وكذا المهم بعد يومين من وصول السياره حقت الاكل سوو بث وتكلم عني خصيصا وقعد يشكرني طول البث المهم صرت متعلقه فيه مرهه حتى يرد على تعليقاتي بشكل خاص ومتابعينهم فوق ٩ مليون والمشكله يرد على داريه بتقولون حركات مراهقات ومدري شنو بس انا ما احسها حركات مراهقات احس هالشيء خارج من قلبي تفهموني رجاءً واهلي يدرون باللي قاعده أسويه ويقولون سوي اللي ترتاحين له زبدة الموضوع اني حبيته هالانسان حاطه ببالي انو بيجي يوم واقابله وبقوله انا الفلانه هذي متأكده انه راح يعرفني المهم أبيكم تكتبون نصائحكم وهل اللي أسويه غلط ولا حرية شخصيه انا يسر حبيت افضفض ورجاءً ما ابي تعليقات سيئه وتجرح وشكرا.