صارحني بأنه متزوج فهل أكمل معه وأحافظ على وعدي؟

كان لي صديق اتابعه ع الفيس بوك معرفوش شخصيا غاب فترة طويله وبعدين رجع .. اطمنت انه بخير برساله ع حسابه بعدها لقيت رده زي الغرقان اللي لقي قشه اتمسك بيها وانا كمان كنت نفس الغرقان ده اتكلمنا في كل حاجه وعرفنا بعض ويمكن من لهفتنا اكون حبيته او حبني في اقل من 24 ساعه معرفش ايه حصل غير ان كله خيال في خيال اتنين صعب يجتمعوا تحت سما واحد شخصيا كنت طايرة كاني في حلم بقي حقيقه وجميله اوي وفجأه سالته اذا مرتبط سكت وقالي بعدها انه فعلا مرتبط وعنده اولاد كل اللي عملته كان سكوت كاني حلم بقي كابوس وحتي مش عارفه افوق منه لقيتني ببكي معرفش ليه بس كنت فرحانه اوي في ال 24 ساعه دي فرحه محستهاش عمري كله يمكن تقولوا كل ده وهم بس هو حقيقه اني حبيت الانسان ده لكن كونه عنده اسرة وزوجه وحياة ميديش اي سبب انه يتصرف كدة هو كذب عليا بانه مقالش وانه عاش الحلم اوي كدة دلوقت هو مش عايزني ابعد وعايز يعرفني اكتر ويكون جنبي لدرجه قالي انه فكر نتجوز اذا وافقت وانه حياته مع زوجته منتهيه واللي مكملها الاولاد وانا مقدرش اكمل كدة ولا اقدر احافظ ع وعدي اني مبعدش عنه ولا يقدر يحافظ ع وعده مايتخلاش عني .. انا يمكن عارفه المشكله والحل وبمكن مفيش مشكله ولازم ابعد عنه بس مش عارفه ابعد باي طريقه نكون بس اصدقاء ولا انسي خالص وجوده ولا اعمل ايه