قابلت طلبه بالبكاء والآن ندمت

السلام عليكم انا انسة منذ سنة جاء شخص لخطبتي وكان شخصا خلوقا بحكم الكثير من الناس ومناسبا ماديا و اخلاقيا واجتماعيا و كان موافقا علي كل طلباتي كما ارسل مع المراسلين وكان راي الاغلبية موافقين لكن الموضوع كان جديد بالنسبة لي فقابلته بالبكاء الشديد حيث لم افكر بالزواج ابدا قبل اختي التي تكبرني بسنة فقال لي والدي بانه سيبلغه بانها متفوقة في دراستها ويمكن ان توافق السنة الجاية علي اساس اني هكون خلصت جامعتي , المهم انا ندمت بعدها اوي وحسيت اني ضيعته مني وفضلت طول السنة ادعي ربنا في كل الاوقات اللي ممكن تستجاب فيها الدعوات بان ربنا يكتبوا من نصيبي ويكون هو دا الزوج الصالخ ليا وانا الزوجة الصالحة ليه واملي في ربنا كان كبير اوي و بقيت احلم بيه وعشت الحلم بكل تفاصيله معاه لحد النهاردة عرفت انه خطب بنت انا عرفاها بصراحة هية بنت جميلة ومودبة وتعلاني علميا يا تري انا ضيعته فعلا من ايدي وما كنتش استاهله عشان كدا ربنا نجاه مني ورزقه بالبنت الجميلة دي عشان انا اتبترت عليه وعلي النعمة بتاع ربنا عشت السنة اللي فاتت كلها علي امل انو هيجيلي تاني يطلبني بعد ما اخلص لكن للاسف عرفت خبر خطوبته منذ فترة قصيرة وانا كنت خلصت فعلا جامعتي لكنه ما جاش تاني انا بكتب الرسالة وانا تعبانة وقلبي موجوع وندمانة اوي يا تري ربنا ممكن يكون غضبان عليا عشان ما استجبش دعائي طيب وليه ربنا جابهولي من الاول ما دام مش من نصيبي وحطوا ليه في قلبي وعقلي خايفة اوي من اللي جاي يكون اسود ارجوا الدعاء لي