السؤال

قبل 7 شهر (5 اجابه)
5 اجابه

مشكلتي مع زوجة اخي

قصتي طويلة وانا جد محتاج مشورة من احد لأني تعبت من عذاب الضمير أنا شاب ساكن أنا واخوي بمدينة بعيدة عن أهلي تزوج اخوي واستقر له 3 سنين .. قبل خمس شهور قرر صاحب العمارة اللي أنا فيها أن يحول العمارة عوائل وان لازم اطلع .. لما عرف اخوي أصر أني أروح اسكن عنده لما ربي يفرجها لأنه عارف وضعي المادي وان ما معي ولا ريال غير راتبي اللي ينزل ويخلص بنفس الأسبوع .. وافقت بعد مرور أسبوعين بديت أحس بأشياء غريبة .. أشياء أحطها بمكان قبل أنام أقوم ألقاها بمكان ثاني قمت اشك بنفسي يمكن أني انهبلت بعدها صرت أقوم واشم عطر نسائي بمكاني واحيانن إذا رجعت أشمها بمخدتي وبطانيتي .. شكيت بزوجته وصرت أخاف اخوي يدخل معي ويشمها ويشك فيني أنا .. كملت شهر ونص وأنا ع هالوضع يوم كنت نايم وقت المغرب لما فتحت عيني لمحتها طلعت وسكرت الباب صرت اقفل الباب علي وإذا قمت ألقاه مفتوح قمت كسرت قفل الباب عشان اخوي ما يشك وشريت واحد جديد عشان ما يكون عندها نسخه ثانيه صرت اخذ المفتاح معي بدون ما اقفل لان الغرفة مو خاصة الغرفة تقريبا نفس غرفة الجلوس لما رجعت لقيت القفل مكسور .. لعنة الشيطان وصراحة خفت ع نفسي منها لأنها واحده مو هينة وما نفع فيها شئ .. مر شهر وكان عندي إجازة قلت لأخوي قومني عندي شغل بخلصه ورفض قال إجازة اقعد وارتاح وهو فاهم أن ما أبغى اقعد بالبيت وهو مو موجود اصريت عليه انه يقومني واليوم الثاني حسيت بأحد يلعب بشعري لما فتحت لقيتها قدامي قمت من مكاني بسرعة أخذت ملابسي ومفتاح سيارتي وركضت هي وسكرت الباب جلست تقولي كلام للامانه استحي أقوله أو حتى أتذكره مسكتها من يدها بقوة وبعدتها عن الباب صدق أني لمستها ما كان عندي حل ثاني لكن يشهد الله أن عيني طول الوقت بالأرض وما رفعتها فيها .. لي أسبوع أنام بالمسجد وأنا قايل لأخوي أني بنام عند اخوياي .. طول هالفترة وهي ترسل لي رسايل مدري من وين جابت رقمي مره تعتذر ومره تهدد ومره كلام غزل .. خايف تكون تعبثت بجهازي وأنا هناك ومسحتها من عندي وبقيت عندها .. المهم أني لما قررت أقول لأخوي انه يطلقها أول ما شافني ضمني بقوة وقال لي خلاص بتصير عم تعبت نفسيتي أكثر .. اخوي أبدا ما يستأهلها وما عاد بيدي شئ ما أبغى ولدهم يكبر وأمه وأبوه منفصلين بسببي .. لكن أبغى حل لها يضمن لي أنها ما تسوي هالشئ مره ثانيه معي ولا مع غيري .

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يبدو أنها إمرأة لا تخاف الله ولا تخاف حتى على سمعتها.. وأنت أحسنت التصرف طوال هذه الفترة، لكن الحل الأمثل هو أن تبحث لك ولو عن غرفة تسكن فيها بعيداً عنهم ولاتتدخل وتخبر أخوك لأن أوك سوف يكتشف أمرها يوماً ما ..

قبل 7 شهر

بسم الله والصلاة والسلام على رسول الله أخي الفاضل.. جزاكم الله خير وحفظكم ويسر امركم، والله انك كنت في صراع لا يقوى عليه الكثير من الرجال، حفظكم الله. أخي الموضوع بكل بساطة لا تعود الى منزل اخوك ابدأً ولكن كزيارة وبوجوك اخوك لا بأس ولكن ان تتواجد لوحدك هناك ابداً فإن بغيت في المسجد أشهر وأشهر فهذا أفضل وفي نفس الوقت عليك بالبحث عن غرفة أينما كانت ولكن لا تفكر بالعودة تحت أي ظرف. حفظكم المولى وصل اللهم وسلم وبارك على نبينا محمداً وعلى آله وصحبه وسلم

قبل 7 شهر

ما شاء الله عليك تصرفاتك حكيمة ولا تخطر ع بال شخص الا اذا كان يخاف الله , كثير ناس راح يرضون بالحرام بعذر ان ما فيه مكان غيره لكن انك تنام بمسجد خوفا من غضب الله وخيانة اخوك اللي فتح لك بابه فعلا افتخرت بسلوكك وانا ما اعرفك ونصيحة من اختك هذي الاشكال ما تخاف الله وممكن انها تلبسك السالفه انتبه تتغدا فيك قبل تتعشى فيها .

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه