السؤال

قبل 6 شهر (14 اجابه)
14 اجابه

هل اعود لزوجي بعد ان تطلقت بسبب امي واسباب تافهه ؟

مرحبا انا عمري ٣٢ سنة ومن طول عمري و انا باخد قراراتي لحالي و بتحمل نتائجها دائما و تزوجت من فترة قصيرة و دام زواجي ٣ شهور و انفصلت انا و زوجي بناءً على طلبي للطلاق وكانت مشاكلنا تافهة كتير و صغيرة و مش مستاهلة للطلاق بس اللي صار فيي انه سمعت كلام امي و اخوي و طلبت الطلاق من زوجي و هاي اول مرة بحياتي بسمع لأهلي و برد عليهم و انا ما كنت بدي اتطلق بس ما بعرف ليش صار معي هيك و سمعت كلامهم و انا حاليا بالعدة و زوجي بده يرجعني وانا حابة ارجعله بس اهلي كمان رافضين و بلعبوا بعقلي انه ما ارجع و انا بصراحة ما بعرف شو اللي بصير معي مرة بكون قوية وبحكيلهم انا بدي ارجع و مرة بضعف و بخاف منهم و ببطل ارجع لزوجي و انا بصراحة تعبت و مش عارفة آخد قرار ثابت و اضل عموقفي مع العلم انه انا من سنين طويلة عايشة مع اهلي بس لحالي مع افكاري و شخصيتي و مرة بحس حالي عاقلة كتير و مرة بحس حالي مجنونة و عقلي صغير مش عارفة اتصرف و مش ملاقية اي اجابة على حالتي و حالة عقلي و ان شاءالله الاقي اجابة على حالتي هاي

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يا ابنتي ان أردت العودة لزوجك عودي الان وانت في العدة. ولك مطلق حرية العودة وبدون اذن من اهلك. انصحك قبل ذلك ان تجلسي مع زوجك وتضعا معا الاسباب المؤدية لخلافكما وتحاولا الوصول الى اتفاق بشان الخلافات البسيطة التي ان كبرت تصبح نار وويل عليكما. وحددا الحلول التي ستقضي على هذه الخلافات. ضعا معا ما يعرف باسم ميثاق الحياة في البيت واتفقا كل منكما على ما يحب وما لا يحب وليحترم كل منكما رغبة الاخر. وضعي في رأسك لا احد ادرى منك بامور بيتك فاتخذي قرارك بنفسك. وفقك الله

قبل 6 شهر

و اخوي وامي لحد الان معارضين ر جعتي بس ابوي موافق و بأيدني ارجع. المشكلة هسا صارت انه انا كان جاييني عرض شغل بالامارات واموري كانت ماشية تمام بس تفاجأت اليوم انه صاحب الشغل ببعتلي انه ما في نصيب للشغل معهم ومع العلم موضوع السفر هاد والشغل كان من قبل ما اطلق من زوجي يعني كنا متفاهمين على موضوع السفر بس اللي صار معي بعد ما تطلقت من زوجي و هسا بدي ارجعله اخوي كان حاكي معي تلفون قبل يومين و هددني انه يخرب حياتي و يدمرها اذا برجع لزوجي و انا حكيت من قبل انه انا كنت سبب خراب بيتي واني حابة ارجع لبيتي و زوجي

قبل 6 شهر

عزيزتي اذا حاسه ان الغلط في قرار الطلاق كان منك ومن امك وزوجك طلب يردك يبقي ارجعي عن غلطك وماتسمعي كلام اهلك لانهم ضيعوكي اول مره والمراه ما الها الا بيتها وزوجها وانت من حقك يبقي لك عيله واهلك هيرضو بعد شوي وما هيضلو زعلانين اذا شفوكي مبسوطه بحياتك والله يهدي الحال

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه