السؤال

قبل 5 شهر (10 اجابه)
10 اجابه

هل الغلط مني ام منهم

السلام عليكم ... انا بنت خطبت وفسخت وكان خطيبي ما يهتم في زي ما كل الخاطبين بيهتمو صرت اعمل معه مشاكل ماكنت احس في لهفه من قبله الي ومرة حكى معي وخربط باسمي وعمه حكالي انه كان يحب بنت عمه وانه كذاب ما بحبني ...المهم هاي الامور كانت سبب انه نفسخ الخطبه وبعد ما فسخنا ظل محتفظ برقمي ويحط نفس صوري عالواتس ..بعد اربع شهور خطبت شب حكالي انه ماستر وطلع مش مكمل وانا كان شرطي انه ما اسكن فوق اهله حكالي ماشي واصلا هو مابحب سكنة الاهل وبس خطبنا غير كلامه بطل يخليني اطلع مع صاحباتي وصار بده يسكن فوق اهله وتغير معي ماكان يسال عني ولا كان يحب يزورني ومنعني اشتري سيارة وطلب مني مصاري ..بس انا ما اعطيته ..وبعدين طلب يفسخ الخطبة وما بده يعطيني المؤخر ..انا مابدي مصاري بس بدي اعرف معقول الغلط في انا ليش هيك بصير معي والله اني منيحه ليش هيك بعاملوني الي بخطبهم

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

يا صديقتي الأول وكان على علاقة حب مع بنت عمه، يعني الذنب ليس ذنبك. والثاني يبدو لي انه طماع ويكذب، لذا احسنت بعدم اعطائه شيء وهو يريد ان يتحكم بك، يا صديقتي لك نصف مستحقاتك لانه طلاق قبل الدخول. وان انت طلبت الفسخ فهو براءه له من حقوقك وان هو طلب الفسخ فهو حق لك. ولكن اخشى ان يتركك معلقة وهذا يؤثر على سمعتك. ان لم تريدي منه شيئا، افسخي انت واجعليه يعرف انك رميتيه لسوء سلوكه وفسختي عقدك به. انا بالنسبة لما يحدث/ هو نصيب من عندالله اول باب. ثانيا لماذا تستعجلين على كتب الكتاب؟؟؟ يجب ان يكون قرارك صائبا قبل ان تتورطي هكذا ورطة. واعتقد ان هذا ما حدث التسرع في اتخاذ القرار بالموافقة على اي خطيب، من اول ما عرفت انه كذب بالشهادة كان لازم اتخذتي اجراء ضده. ولكن هو المجتمع يضغط ليتخلص من البنت بالزواج، واي زواج، المهم ان تتزوج. الان يجب ان تكوني اكثر عقلانية، وتعطي نفسك فترة تستجمعي فيها قواك، وتخططي لحياتك قبل الارتباط من جديد، ولا تتسرعي ولا تكتبي الكتاب بسرعة، وكوني ذكية ولماحة.

5 شهر

اشكر ردك .....ريحتيني كثير فعلا انا اهلي ضغطو علي مشان اكتب الكتاب بسرعه


قبل 5 شهر

طيب انا كيف بدي اعرف اذا في عيب بشخصيتي واغيره ...من حيث الكلام الحلو صعب انا ابادر فيه المفروض همه الي ببادرو ...مش عارفة بتمنى حدى يحكيلي وين المشكله وانا مستعدة اغير بنفسي

قبل 5 شهر

انا بمر بحالة اكتئاب وبضل ابكي بحاول انسى التجارب الفاشله هاي بس مش عارفة بحس انه انا تسلاية الهم كنت الفكرة مسيطرة علي بشكل كبير ...

5 شهر

حبيبتي طولي بالك هلا بالاول انتي لازم تغيري من نفسك يعني ازا انتي كنتي جامده معهم لازم تتلحلحي طبعا القصد بالكلام الحلو و المجاملات اللطيفه فقط ....اما ازا كنتي جدا لطيفه و متساهله لازم تكوني متوازنه يعني بالعقل لا جامده و لا لطيفه كتير لحد الهبل .....انشالله ربنا ببعتلك الاحسن لكن خليكي عقرايه الفاتحه شي شهرين تلاته و بعدين بتقرري تكملي او لا انتي ملكه نفسك و حياتك اظن انها ممتازه متعلمه و موظفه و مش ناقصك اشي حطي ببالك انه انتي تختاري الزلمه مش هو يختارك حطي شروطك و خليكي واثقه من نفسك ...انا مريت بتجربه فاشله لكن هي غيرتني للاحسن طورت شخصيتي سمعت الانتقادات منيح و عدلت اخطاءي و هلا مش اي حدا بعجبني و عم بخلي شروطي تكون واضحه من الاول ....بالتوفيق و انا بعرف انه اكيد الاكيد مو كل الخطأ منك في شباب مقرفه بتستغل طيبتنا لتكسرنا خليك قويه


المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه