السؤال

قبل 6 شهر (4 اجابه)
4 اجابه

صراع بين قلبي و عقلي

مشكلتي انني عندي صراع ما بين قلبي وعقلي انا عمري 22 تزوجت من سنتين ونص وقبل الزواج كنت بعرف انو زوجي مريض نفسي وبياخد دوا بس ع اساس انو رح يترك الدوا ورح تتحسن حالتو وبعد ما تزوجنا اكتشفت انو ما في مهنة بايدو بس الحمدلله اشتغل بمخبز وعم يحاول يتعلم وكمان طلع عندو مشاكل بالانجاب ولازم يتعالج والمشكله انو حياتنا مش كتير ميسوره والعلاجات بدها فلوس يعني كمان هي عم انحاول انحلها بس ع الفاضي وبالنسبه ل اهل زوجي حكينا معهم حتى يساعدونا حكولنا انو ما معهم يساعدونا بشي واهلي عرفو بالوضع وصارت مشاكل ما بين الطرفين بس هلا انا عنجد مو عارفه شو اعمل اهلي بيحكولي انو لازم تتركي لانو زوجي عمرو كبير 35 والمستقبل ما رح يكون لصالحي ابدا وبلش الصراع عقلي بقلي اتركي وكملي دراستك وقلبي بيقولي حرام وين بدك تتركيه وانا من النوع الي ازا عرفت حدا ما بحب افقدو ابدا ساعدوني بترجاكم

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

لا شك انك واقعة بين نارين، لكن كيف تزوجتيه وهو اكبر منك بكثير ولا تعرفين عنه الكثير قبل الزواج؟ يبدو انك تفاجاتي به من عدة نواحي : العمل والصحة والانجاب، كان الاجدر به ان يصارحك وان تسالي عن كل ذلك قبل اتمام الزواج. انت صغيرة وامامك الحياة باكملها، ان كنت تحبينه كثيرا وتشعرين ان لديك الصبر والارادة والقوة لمواجهة مشاكله النفسية والصحية والانجابية اضافة الى ضعف الحالة المادية فابقي معه. اما اذا لم يكن لك دافع قوي للبقاء معه فمن الافضل ان تتركيه الان وتكملي تعليمك وتتزوجي شابا من عمرك مع مشاكل اقل. فكري جيدا واستشيري اهلك ومن ثم اتخذي قرارك.

قبل 6 شهر

اختي انت صغيرة علي كل هدي المشاكل وغلطتي اما اتزوجتي وانت تعلمي انه عنده مشاكل نفسية والمشاكل بتكبر وبتزيد والمفروض انك بتعيشي احلي ايام عمرك وبتضيعيها بالمشاكل الحب مو كل شئ اتركيه يا اختي قبل ان يصير في اولاد والله يعوضك خير

قبل 6 شهر

اختي الله يكون بعونك بهدي الحيرة والمشكله كل الاطراف عندهم حق يعني حرام تتركيه لانه بحاجتك وحرام تضلي معه لان مستقبله مش مضمون وفرق العمر كبير وعمله غير مجزي والعلاج بدو مصاريف اختي حطي كل الاحتمالات والمحاسن والمساؤي وفكري بعقلك فقط

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه