مديري خدعني ودمر حياتي الزوجية ماذا افعل

مديري خدعني ودمر حياتي الزوجية أنا متزوجة وزوجي مغترب وانا بشتغل ببلدي معروف انه حدا مسالم جدا كانت حياتي جدا رايقه وما فيها مشاكل تذكر وكنت مبسوطه بحياتي وراضيه الحمد لله حتى بالشغل اموري تمام وممشيه الشغل وشايله الحمل كان مديري اصغر مني بسنتين صار يتقرب مني شو ما بدي يعمل شو ما يصير معي يحاول يحله كان خلال الدوام ما يقعد بالمكتب بس اخر فتره بطل يطلع ابدا لحد ما اجا يوم وحكالي انه معجب فيني وبيحبني ضل يحاول معي كتير كتير وعمل اشياء كتير كان واقف معي بالشغل ويحللي مشاكلي برا الشغل ومشاكل اهلي طبعا هو ابن عيله ذات مستوى وهو دارس طب وناس واصله والها وزنها انا عكس عيلته تماما المهم ضل يتقرب ويحاول ويحاول

بالاخر نجح بمحاولاته صارت كل حياته 24 ساعه معي وكل شي يصير بحياتي يستفسر عنه ويعرفه اي مشكله او اي شي بدي ياه هو يتولى امره ما يقول لا على شيء اذا شافني زعلانه يعمل المستحيل كذا مره كنت اترك واقله انا علاقتي فيك غلط يصير يبكي ويترجاني قالي انفصلي وانا بوخدك ويحلف بربنا ويقسم انه صادق وبيعمل المستحيل مشاني وبيتحدى الكل كنت اضل احكيله انا ما بناسبك طبعا خربت علاقتي بزوجي وكل فتره مشاكل ومن كثر المشاكل كان قرار الطلاق فكرة بتنطرح بكل مشكلة

المهم بعد سنتين ونص ترك مديري الشغل ضلينا نتواصل كذا شهر بعد ثلاث سنين ونص انه ع اساس اخر شي اتفقنا انه انفصل ونرتبط غبنا فتره ع اساس ازبط اموري وهو بيستناني ولا بين يوم وليله بيحكيلي انه اهلي شافولي وحدة وبدي اخطب طبعا تدمرت عيطت وبهدلته وسبيت عليه وما خليت المهم بعد خطبته رجع يتواصل معي وبس انتي بدي ياكي وما عندي مشاعر لخطيبتي ومن هالحكي طبعا حكينا مرتين والمره التالته حسيت انه كذاب او في شي غلط انه ضحك علي حكيتله انقلع من حياتي قالي اوك عمل بلوك وبعد اسبوعين شاله ومن يومها ما حكينا وهو تزوج وعادي حياته انا صحيت من الغلط وبحاول ازبط حياتي ورحت عمره ودعيت ربنا وتبت هلأ انا بكل وقت وكل ما أتذكره بدعي عليه رحت ع الكعبه ودعيت بدي اسال انا اعتبر هو ظلمني وظلم عيلتي انه هيك خربها وبالاخر طلع بيتسلى هل الي حق عنده ادعي عليه هل راح يلاقي جزاء لكذبه وخداعه ولكل يمين حلفه وقال انه صادق