زوجي لا يقبل الحوار بعد خيانته لي

زوجي لا يقبل الحوا هل المفروض ان تكون الزوجه خرساء متزوجه من اكثر من عشر سنوات وعندي خمس بنات زوجي لديه وظيفه ثابته وهو طموح يحب المشاريع ويطمح ان يكون غني وأنا متفهمه هذا الشيء ودائما بدعمه فتح تقريبا خمس مشاريع وكلها خسرت وأنا كنت معه عالحلوه والمره احد المشاريع كانت ضمان فندق صغير وخسر بسبب اوضاع البلد ورجع تضمنه بعدما تحسنت الأوضاع لأنه هو المشروع الوحيد اللي كان يجيب دخل جيد جدا

مشكلتي انه لما تركه اول مره مسكته وهو يخوني وصارت مشكله كبيره أدت للطلاق ورجعني ورجع كل شيء طبيعي وأنا قبلت ارجع لأنه شخص جيد جدا لكن انحرف مع اصحاب السوء ورجع لي نادم واعتذر لي وبالفعل قعدنا سنتين بعد ما ترك المشروع ورجع مثل اول وأحسن لدرجه انه ثقتي فيه رجعت وكل شيء تمام

كان بيوم أجاني وحكالي انه بده يرجع يتضمنه وحكالي حطي شروطك وأنا موافق على كل شيء طلبت يشبك الكميرات على تلفوني وإنه ما يضل مقيم هناك اغلب وقته يعني يروح يومي ساعه وخلص وإنه ما يكون فيه تواصل مباشر مع نساء وهو وافق لكن ما عمل ولا شيء من اللي طلبته للعلم كنت حريصه على تنفيذ هذا الشيء لكنه تهرب مني كل شوي بحجه شكل

حاليا صار له ثلاث شهور وتغير علي بكثير شغلات يعني مثلا امبارح رنت عليه موظفة النظافه تساله شو مالك حاسه انك تعبان فيه شيء وهو حكالي من طيب نيه للعلم هيه من جنسيه غير وأنا متأكده انه ما بينهم شيء بس من وين لوين تسأله هيك سؤال هو مدير وهي مجرد موظفه تكلمت معه بكل هدوء وذكرته بموقف قديم انه طلب مني ما أكلم ابن خالتي اللي اصغر مني ب٨ سنوات ومتربي معنا هو مثل اخوي الصغير وخلاني امسح رقمه وانا تفهمت شعوره وعملت اله هيك عشان يكون مرتاح وبس انعكس الموقف ما خلى كلمه ما حكالي إياها وعصب كثير وصار يصرخ ويحكي الي عجبك عجبك مش عاجبك نفارق بالمعروف وهالشيء أريح الي أصلا ما عرفت شو احكيله هو من اول ما استلم الفندق وهو يتحسس من أي كلمه او أي عتب من ناحيتي ويقلبها لمشكله بدو أضل ساكته وما احكي حتى لو شفت الغلط بعيني

طبعا هاي جزء من المواقف بيوم رحت عليه فجاه ع مكان الفندق وكان قاعد عادي وانا دخلت بطاقه إيجابيه وبحكي وبمزح وهو اول ما شافني كانه شاف عفريت عصب واخذني وروحني ع البيت وطول الطريق وهو يصرخ علي ويقولي أنا مخليكي عندي عشان بناتك وانا قلتله خلص لا تجي ع حالك إذا عشان بناتي ما توكل همهم هم معي خلص بنتفارق وقبل ما انزل قلتله سؤال واحد بس هسا اختار يا هاد البيت واشرت ع بيتنا يالفندق وحكالي الفندق قلت له تمام الله معك وبعد كم ساعه رجع ولا كانه عمل شيء وبدو أكون عادي طب كيف مش قادره شو الحل

للعلم أنا مش مقصره بشيء من بيتي وبناتي ومنه ومن نفسي ولا اني متطلبه حتى لمى بحكي معه بنتقي كلماتي وبحكي بأدب وبهدوء بس هو بصير يعصب ويصرخ وصوته بعلى وبنكون بشيء نصير بمشكله كبيره أنا كل اللي بدي إيه يكون إنسان ناضج مسؤول يحط حدوده ويحترمني يعني يكون رجل مش ذكر وبس تعبت شو اعمل