كيف أسامح نفسي بعد أن خنت زوجي

السلام عليكم ورحمة الله وبركاته بالله عليكم ما تقسو عليا بالكلام أنا عارفه اني غلطانة جدا كيف أسامح نفسي بعد أن خنت زوجي ظاهريا كل الناس شيفاني محترمة لكن أنا شايفة نفسي منافقه بعلم عيالي على الحلال والحرام وأمهم عملت الحرام بحفظهم قران ومهتمة بيهم أنا واحدة متزوجة من 8 سنوات ومن سنة كده دخلت على مواقع مش كويسة واتكلمت فيها مع رجال كلام مش كويس بدون صوت ولا صور ولا اي حاجه وكنت خمس دقايق بس وأخرج واتكرر اكتر من مره

بصراحة زوجي ميعرفش اي حاجه عن الموضوع ده احنا حاليا واقفين ع الطلاق وبننفصل بس والله العظيم غير الغلطة دي أنا كنت زوجة كويسة جدا وبحبه خالص بس كانت لحظات شيطان وروحت عملت عمره بس حاسه اني مش مرتاحة حاسه ان زوجي ليه مظلمة عندي مش عارفه اعمل ايه بموت الف مرة نفسيا تعبانه ومقهورة أنا مش هتكلم عن ايه سبب انفصالنا لانها كتيره ويطول شرحها وللأسف مش هينفع نرجع لبعض

هو حاليا سبني في واحد قريب ليا وده والله العظيم ما حصل أبدا وظاهريا قدام زوجي محترمة جدا بس هو قال كده علشان أنا كنت بشتغل وبديلو فلوسي كلها وليا دهب من شغلي معاه وهو اخد كل فلوسي ودهبي وقالي ملكيش حاجه عندي خالص وانا مش عارفه أدافع عن نفسي وبقول هو أنا أصلا وحشة وفلوسي بقول أسيبها حق مظلمته عندي اعمل ايه علشان احساس الذنب ده يروح هل اكلمه واعترفله واخليه يسامحني على اللي حصل ده ولا اعمل ايه