كيف أسامح نفسي على ارسال صوري لشخص

السلام عليكم ورحمه الله كيف أسامح نفسي على ارسال صوري لشخص اولا مادري من وين ابدا ومن وين انتهي لكن الهم انهاني ووالله ثم والله مهو يأس ولا قنوط من رحمه ربي بس تعبت تعبت كل ليله ابكي واتحسر على ايامي الي راحت انا كنت بنت عايشه حياتي بشكل يرضي الله لينما وصلت لعمر ١٥ العمر الي انا اتمنى مت قبل لا اوصل له والله ثم والله كنت انقد البنات الي يتكلمون مع اولاد وانكر عالبنات هالشيء متصورين حتى موسيقى ما كنت اسمع طحت بيوم بشخص كان يقول انه يحبني رغم رفضي الشديد لهالشيء وما عطيته وجه بعد فتره اصر واصر واصر وقلت خلاص حتى انا ابادلك نفس المشاعر بس رجاء طق باب البيت من مكانه قلت له شروط اهلي وقال انا موافق بس اجمع مهرك

المهم يبي صوره ما عطيته وجه يبي طرف ظفري ما عطيه وجه المهم كان يحاول يتصيد اي غلط لي عشان بس يقول تبين اسامحك ارسلي صورتك وفعلا كان يجي من ورا التريلات وارسلت بس ارسلت صوره وحده بالنت لما جا مره غيرها اضطريت ارسل صوره لي المهم اخطأت والله اخطأت مدري ليه عطيته وجه وصلت لصور استحي اقولها ويقولي عادي بتزوجك وانتي سبحان الله كلك على بعضك ذنوب وعلي تسوين فيها المهم كنت اسوي وانا كارهه وميته كره لهالشيء كل مايصير هالشيء واصور مقطع اتوضى واصيح واجلس اصلي واقول يارب ابعد عن هالشيء استمرت علاقتي فيه لين وصلت ٢٠ كل يوم كنت اعيش يوم اتعس من الي قبله ابتزاز عيشه سوداء كرهت حياتي وحاولت انتحر الاف المرات قويت وقلت له معد برسل لك شيء وهذا خلاص حرام وكفايه عصيان لربي طبعا بعد جهاد اقتنع ولا كان يقول كل شيء بتحرميننا منه

بهالوقت ما كنت ارسل شيء بس شفته بسيارته او بمكان عام كم مره وطبعا باجبار منه مو برضاي ولا كنت ابي بس كان يمسك اي نقطه ضعف عشان اوافق كنت بعبايتي وبنقابي ويقول طيب بشوفك واقول لا انا قايله معد بتشوف شيء يخصني جا بيوم بلحظه كنت ابكي فيها بسجادتي وسبحان اللي زرع بقلبي قوه وكتبت له رساله انه معاد بيني وبينك شيء وحذفت اهل اهله وقلت له يحذف كل شيء عنده

مر على توبتي شهور عديده يوميا انام على دم ينزل من قلبي وعيوني دم وقهر كيف اخطأت وصورت هالاشياء وسويت هالاشياء الغلط صح هي مو زنا ولا لمسني ولا مره بس بمنظوري اشوفها اشياء احقر نفسي عليها مابي اتزوج ولا ابي اظلم شخص معي واتزوجه وانا سويت هالغلط وتفاصيلي هذي شافها شخص غيره

قلبي ميت ندم والم يعلم الله يعلم الله انا موب هالبنت كنت احتقر احتتتقرررر الي يسون كذا كيف سويته كيف يوميا ادخل موقعكم ومواقع كثيره اقرا اراء الناس عن الي بمثل غلطي واقرا تعليقات الناس واقرا الي يسبون والي يتكلمون فينا واننا فينا وماليس فينا معقوله خلاص احنا نستحق الموت وبس معقوله خلاص كل شيء انتهى ومحد بيقبل فينا انا مابي اتزوج وماراح اظلم احد فيكم بس ابي اكون مع ربي وبالجنه وماراح نظلمكم ابد يا معشر الرجال