صورة علم Egypt
من مجهول
منذ 17 يوم 35 إجابات
0 0 0 0

أشك بزوجي بسبب سلوكه أثناء العلاقة وأنه ليس أهل للثقة

السلام عليكم متزوجة وعندي طفلين عندي مشاكل مع زوجي زي اي بيت بس عندي مشكلة هيا اكتر حاجة تعباني انا طول الوقت حاسة ان جوزي بيعرف واحدة عليا وبدور وراه ممسكتش حاجة خلال سبع سنين جواز بس طول الوقت بفكر وتعبت من كتر مابدور حاجة تانية هو اثناء العلاقة الزوجية ناداني باسم بنتي وقالي دي ذلة لسان وانتي حقك تفكري حاجة تانية بس الحقيقة انها ذلة لسان وقعد يقسم انها ذلة لسان بس مش اكتر وقبل كده طلب مني اثناء العلاقة


انا اسفة للي هقوله انها تتم من الدبر وطبعا انا لومته وقولتله اتق الله وهو قالي خلاص انا مكنتش متاكد انها حرام اوي كده واثناء العلاقة بيقول الفاظ وشتايم انا كل ده مضايقني اوي ومحسسني انه انسان سلوكه مش مظبوط وغير اهل للثقة وبربط ذكره لاسم بنتي بانه بيتخيلها مكاني واسلوبه في العلاقة كل ده حاجات مخلياني حاسة انه شخص مش ملتزم بينه وبين نفسه وومكن يكون عنده حياة تانية انا معرفش عنها حاجة هو معلهوش اي علامات في الحياة العادية كده هو انسان محافظ علي الصلاة واخلاق ودايما غاضض بصره ومتحفظ جدا لو جه لقطة في التلفزيون يقلبها بس انا هتجنن من كتر التفكير في الحاجات اللي ذكرتها فوق ومحسساني انه له وجه تاني غير اللي عايش معانا في الحياة العادية وتعبت وكل شوية اتكلم معاه في الحاجات دي ونتخانق وهو بقي يضايق من كتر الكلام في المواضيع دي وانا مش قادرة متكلمش فيها خاصة موضوع ذكره لاسم بنتي في العلاقة حاسة حياتي بتتخرب ومش عارفة اوقف نفسي عن التفكير والتدوير وراه حد يفيدني ارجوكم هل هو الحاجات دي تبين انه فعلا رجل مش محترم وبيمثل الاحترام و ممكن فعلا يكون بيفكر في بنته الي عندها ٤ سنين ويتخيلها اثناء العلاقة رغم انه في العادي بيخاف عليها م الهوا ومفيش اي علامة برضه تانية ولا انا اللي موسوسة والشيطان اللي عايزني اخرب بيتي لان بالطريقة دي فعلا البيت هيتخرب مش عارفة اهدي من التفكير وكل شوية خناقات بسبب كده

أضف إجابتك

صورة علم United States
السؤال التالي