صورة علم Iraq
من مجهول
منذ سنتان 107 إجابات
3 0 0 3

أخبرني بأن أمله الوحيد موتي خلال ولادتي لكي يتزوجها!

اني متزوجة وعمري 34 اتزوجت من انسان يكبرني ب13 سنة عن حب احببته لحد الجنون بحيث من يغيب عني يوم اخلي العطر مالته على وسادتي يلة انام انجبت منه ولدين والمشكلة بدأت منذ 5سنوات اي منذ ولادة طفلي الأول الخيانة هي مشكلتي اكتشفت عن طريق الصدفة انه يخوني مع وحدة تعمل معاه بنفس المكان مطلقة وبما انه اني اعمل وياه بنفس المكان بدأت تأتيني اخبار خيانته لحد مكتبي وكنت من كثر مااحبه مااصدك واستمرت المعاناة مدة 3سنوات وهو ينكر الخيانة الى وبعد ولادة ابني الثاني اكتشفت وجود صور خلاعية لهذه المرأه في تلفونة وواجهته واعتذر ووعدني انه تركها بس اني في داخلي ماصدقته ومرت سنة رابعة عالموضوع وراح ادى العمرة بحجة انه راح يكفر عن ذنوبة ولما رجع كنا طالعين ويالصدفة كشفت وجود جهاز ثاني بالسيارة مخصص فقط لهذه المرأه ولما واجهته اعترف وقال انه مايكدر يستغني عنها وانه يحبها طلبت منه الطلاق لكنه رفض حفاظا على منظره الأجتماعي امام الناس وليس حبا بي وقال انه امله الوحيد اني اموت اثناء الولادة لأن اني حاليا حامل حتى يتزوجها اني تعبت واتدمرت وحاليا اسعى للطلاق بس محتارة ماعندي دخل كافي حتى اعيل اطفالي وصار 5 سنوات هو يحبها ويكلي اتقبلي الوضع وربي اطفالج واتركيني اعيش حياتي لأن انت مجرد خادمة بالبيت علما اني مهندسة وصاحبة ثقافة وجميلة بشهادة الكل وهي اقل مني بكل شي بس هو يحبها ويريدني اتكيف مع هذا الموضوع شنو الحل