الرئيسية / الخيانة الزوجية / 6 سنوات وهو يخونني ويتفنن في الكذب

السؤال

صورة علم Kuwait
مجهول
قبل 6 شهر (11 اجابه)
11 اجابه

6 سنوات وهو يخونني ويتفنن في الكذب

السلام عليكم انا اتردت كتير انى ابعت بس لانى محدش بيسمعنى كويس قررت اعرض مشكلتى انا فتاه عندى ٢٨ سنة متزوجه من ٦ سنين و زوجى يكبرنى بحوالى ١٢ سنه ولما تزوجته تزوجته لانى كنت فكراه ناضج مش شاب لسه متهور كنت حابه احس إنى مسنوده على حد واعى عندى منه طفل عمره ٥ سنين وحاليا حامل بطفله تانيه..انا وجوزى عمرنا ما كنا متفاهمين اكتشفت ان انا إللى دماغى اعقل واكبر منه وأنه مش بيعرف يتصرف فأى مشكله لوحده ولازم يحكى لاهله كل حاجه فى حياته حتى لو جبنا حاجه فى البيت قصة حياتنا عندهم و دى حاجه كانت بتضايقنى وياما اتكلمت معاه انه انا شخصيا اهلى ميعرفوش حاجه عن حياتى وان دى حاجه تخصنا احنا ومفيش فايده بدأت مشاكلى معاه من اول سنه جواز لقيتوا بيكلم بنات على النت والتليفون وكل مره كنت اواجهه كان يعتذر وآخر مره ومش آخر مره واسامح وبعد فتره الاقيه بيكرر نفس الحاجه مع العلم انه بيصلى كل فرد بفرده وفى المسجد كمان صبرت كتير واستحملت خصوصا لما ابنى جيه قولت يمكن يتغير بس للأسف مفيش فايده من ٣ سنين جالوا فرصة سفر ابنى كان لسه صغير وكنت رافضه انه يسبنا بس فى الاخر هو نفذ إللى فى دماغه بحجة أن المصاريف والفلوس مش مكفيه لحد ما قولت خلاص وسبتوا يسافر من اول ما سافر وهو لا كان بيكلم غير قليل جدا ولا حتى كان بيحاول يسمع ابنه حتى لو مش عارف يتكلم لان ابنى كان صغير وقتها بس لما كان ليسمع صوت باباه كان بيشد التليفون كانه بيكلموا كان يزعق يقولى باى انا مش فاهم منه حاجه بدأت أشك أن فيه حاجه وفعلا عرفت انه فى واحده عنده بيكلمها ٢٤ ساعه كان يعرفها من زمان وكان عاوز يتجوزها المهم سكت وحصلوا مشكله فى شغله جامده مره لقيتوا بيكلمنى بيقولى انا اسف حقك عليا ده ذنبك لانى كنت هتجوز عليكى وفاهمنى انها واحده مريضه وأنه كان هيعطف عليها قولتلوا اتقى ربنا فينا انت سايبنا لوحدنا عموما اتمنى ان الحوار يكون انتهى وحلفلى انه خلاص وبرده نفس الطريقه كانت هى هى ف طلبت منه نروحلوا زياره عشان امسك حاجه بإيدى وفعلا روحتلوا ده كان عدى سنتين ولقيتوا لسه بيكلمها حتى وانا معاه انهرت وقتها وطلبت الطلاق قولتلوا عاوزه ارجع وكلم ابوه حكالوا ابوه قالوا انا مليش دعوه بمشاكلم دى اتصرف مفيش طلاق كل ده اهلى مكنوش يعرفوا حاجه وهو كان بيبوس رجلى عشان اسامح وقولى آخر مره كلعاده وانا لما شوفت ابنى بيعيط عاوز ابوه ازاى صعب عليا ابنى ف سامحت بس منستش ورجعت وعدت الأيام وحصلوا مشكله فى الشغل واتكنسل اقامته ورجع مصر ٦ شهور وبرده اكتشفت انه بيكلمها وأنه مسبهاش وساعتها عملت مشكله كبيره ومد ايده عليا وسبت البيت وروحت لاهلى وحاكتلهم إللى حصل وانى عاوزه أطلق اهلى فضلوا يهدوا فيا وعملوا قاعده وفى الاخر رجعونى ليه عشان خاطر ابنى وحرام واديلوا فرصه ورجع هو سافر تانى نفس البلد وبقيت بتابعوا من غير ما يعرف وبرده لقيتوا بيكلم بنات على النت وقلة ادب وبرده عملت مشكله وخليتوا ينزل عشان يطلقنى وبرده اهله جولى عيلته كلها الكبار وباسوا راسه وقولتلهم حرام عليكم بس لانى كنت بخاف على امى يجرالها حاجه كنت برجع لان عندها القلب والسكر والضغط وفعلا يومها قدامهم تعبت جامد خوفت تموت ف وافقت ارجع وقولتلهم رجلى على رجله وفعلا بعدها بكام شهر بعت خدنا وامى اتوفت قبل ما اسافر وحسيت بكسره رهيبه بعدها وكنت محتاجه منه انه يبقى ضهرى وسندى ويناسينى كل إللى شوفتوا منه بس للأسف هو لقيتوا غير كده محاولش حتى يعوضنى إللى شوفتوا مع انى كنت ناويه افتح صفحه جديده وسبت شغلى وحياتى فى بلدى عشان مهدمش البيت المهم كتير اتكلمت معاه انه حاول تعوضنى حاول تثبتلى انك بتحبنى فعلا يقولى يعنى اعمل ايه انتى عاوزه حب افلاطونى وانا والله كنت لما بحتاج حتى احس بحنان اروح لابنى اقولوا خدنى فى حضنك ابنى إللى عنده ٥ سنين المهم حصل الحمل ده ومكنش مترتبلوا خالص ومن يومين لقيتوا باعت رساله لواحده انه قد ايه بيحبها وانها كانت وحشاه والرساله دى راحت بالغلط لصاحبتى متجوزه وحصل مشكله مع جوزها ولما قولتلوا دى لمين قالى كانت ليكى قولتلوا كداب لان اليوم ده اصلا احنا كنا شادين مع بعض وهو عمره ما بعتلى حاجه عن طريق المكان إللى بعت منه فضل يقولى خلاص كانت لحد فى مصر وبعدين يقولى خلاص لواحده صاحبتى عادى فى الاخر قالى صراحه كانت لنفس البنت إللى كان هيتجوزها طبعا دعيت عليه وانهرت وانا حامل وتعبت جدا قولتلوا طلقنى وعمال يقولى حرام عليكى الولاد وانا كان نفسى فى بنت متحرمنيش منها بس انا فعلا مش قادره انا مش هينفع ارجع دلوقتى لان ابنى فى المدرسه لازم يخلص السنه حاولت القيلوا مدرسه احولوا عليها فى مصر مبقتش مكان وابنى ملوش ذنب ف قولت استحمل لحد ما يخلص وعلى ما يخلص هيكون ميعاد ولادتى انا بجد تعبت ومش عارفه اعمل ايه وهل قرارى غلط انا كش هقدر اعيش مع شخص بالكدب ده اكتر من كده ٦ سنين فى قرف ويخاف على المصحف كدب و دلوقتى ماسكلى فإن الرساله كانت ليا مع انه ساعتها كلمنى بعد ميعاد الرساله دى عادى ولا جابلى سيره عنها اصلا تبقى ازاى ليا يقولى كنت بغيزك وبقولك انها ليها بس مستحيل انا شيلاه كداب اوى ولو مكنتش هى يبقى لغيرها ارجوكم ساعدونى لانى تعبانه جدا واسفه على الاطاله


قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

صورة علم Jordan
خبيرة تطوير الذات د. سناء عبده
قبل 6 شهر

يا سيدتي كان الله في عونك ونحن في هذا الموقع اذان صاغية وقلوب متعاطفة ومحاولة عقلية لوضع بعض الاقتراحات والنصائح التي تعود على السائل بالفائدة، فاهلا بك وان شاء الله تستفيدي من بعض الاقتراحات التي سيتم طرحها، يبدو انك امرأة صبورة ومهتمة باصلاح الامر في بيتها، ولكن هل يعقل ان يبقى زوجك ست سنوات متتاليات وهي فترة زواجك وهو يصر على تلك المرأة التي يحبها ولا يتنازل عنها رغم كل الظروف التي مر بها، سؤال لك هل تعرفين من هي تلك المرأة وما قصتها، وهل بقيت بدون زواج بانتظار زوجك، الا يثير فضولك ان تعرفي من هي وما قصتها؟ لماذا لم يتزوج بها بدلا من كل الخيانة والخديعة والقصص الملتوية وتدمير بيته وتدمير سمعته؟ والاهم يجب ان تعرفي ان كانت علاقة جادة ام انه فعلا يغيظك. في بعض الاحيان نقع في واحدة من مطبات التفكير السلبي وهي التهويل، اريدك ان تفكري بالمنطق وتقولي لنفسك هل تعملين على تهويل الموضوع وتنسين كل شيء في حياتك الا موقف الخيانة، انا احاول ان اعيد المنطق الى تفكيرك، ربما لو حاولت تغيير منظورك وتغيير نظرتك للامر، ربما يجب ان تكوني حازمة وتضعيه امام الامر الواقع لا تنسحبي بل دعيه يكون مسؤولا عنك وعن اولادك، فهو رب العائلة ومسؤول عنها، واحزمي امرك في موضوع الخيانة، تذكري ان الزواج الثاني مشروع وهو من رأيي افضل الف مرة من ارتكاب كبيرة وهي الخيانة وربما الزنا وهو رجل محصن، الم تفكري ان تتحدثي معه بالعقلانية وتسحبي الكلام منه، ما الذي اعاق زواجه منها، وما الذي يمنعه من الزواج منها الان؟ وهل هي حقا شخصية موجودة في الحقيقة ام هي وهم؟ الم تفكري بان تضعي حدا للامر لا يمكنك ان تعيشي عمرك وانت في عذاب بهذا الشكل من شك وتعب نفسي، ربما حسم الامر بالمواجهة الصريحة، ربما اعطاء الكلمة حقها افضل من المواربة حولها، ضعي النقاط على الحروف معه، وكوني قوية وجريئة، اقوي عليه وهدديه بالفضيحة والابلاغ عنه وتركه وحرمانه من اولاده وطلب الطلاق، ربما يحتاج الى هزة قوية مثل زلزال ليستفيق ويعرف ان الله حق. وفي جميع الاحوال لا تكوني انت الضحية ولا تنهاري. وربي يكون لك معين.

مجهول
6 شهر

انا رجل متزوج ولى ثلاث اولاد اكبرهم عشرون سنه واصغرهم 12سنه المهم انا بقدم نفسي إليكم لكي نستوعب مع بعض وهذا الكلام حقيقي أنا بصراحه مثل هذا الرجل فأنا أحب أن أوضح لكم كل مالم تعرفونه الحمدالله اولأ علي اني رجعت الي الله بفضل زوجتي وتهدده المتكرر لي عن الطلاق وكمان كانت تحضر أهلها بصفه مستمره وكانت بيننامشاكل كثيره ومع الايام كل شئ اتغير وانا الآن اتمتع بجوارى مع زوجتي واولادى فقط وأغلقت باب الخيانه وكان متكرر وكنت اعترف بخطئي بيني وبين نفسي وكنت اتندم فكل مره علي اني أتراجع ابدأ حتي هداني الله من عنده المهم أيها الأخت العزيزه مطلوب منك شوية تضحيه ومتخفيش يعني خليكي قويه زى زوجتي واقفي ديمأ بالمرصاد له وكوني يقظه واتبعي خطواتها وهوا لما يلقي نفسو مكشوف ربما يكسف علي دمو ويتراجع وحده وحده أما إذا ماترجعش فبيت اهلك أولي بيك ولاتخافي وياريت يكون في كل مره أخطاء فيها يكون في شهود حتي تضمنى حقك في حضانة الاولاد لأن هوا غير امين علي تربيتهم وفققي الله


صورة علم
مجهول
قبل 6 شهر

احنا الرجال بقدر قوتنا لكن عند خطأ الخيانة بنكون أضعف مما تتخيلي، الان خلي شخصيتك قوية ولا تضعفي أمامه، مو معنى كلامي انك تتركيه وما تسامحيه، لا بس لازم ينقرص، ومو غلط تخليه يتعهد أمام أهلك وأهله انه ينتبه لبيته وبلاش حركات مراهقين

صورة علم
مجهول
قبل 6 شهر

كوني معاه صارمة وجاده عشان ما ياخد الموضوع بسهولة، ولا تقبلي التنازل عن حقك ولا تقبلي الخيانة، كوني صريحة معاه في كل ما بداخلك ولا تخبي مشاعرك

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

 


احجز استشارة أونلاين

اختر الخبير الأنسب لك واحجز معه جلسة استشارية خاصة على الإنترنت في الوقت الذي يناسبك.

احجز الآن