كيف اتعامل مع الزوج الذي يخون بالهاتف

أرجوكم ساعدوني بالتفكير ماعم أعرف آخد قرار كيف اتعامل مع الزوج الذي يخون بالهاتف  أنا اتزوجت من سنة أنا مطلقة وعندي ولدين الأولاد مع أبوهم وأنا اتعرفت ع شب وهوي متغرب حبينا بعض واتزوجنا وسافرت لعنده بعد أسبوع من وصولي لعنده اكتشفت شغلات مقرفة و وسخة كتير ع جواله وصارت مشكلة بينا وحلف إنه ماعاد تنعاد بس لأن كان وحيد سامحته وكملنا حياتنا عادي

من حوالي شهرين صار يسهر لوقت متأخر وينعزل لوحده ويدخل التلفون معه عالحمام اكتشفت إنه رجع عم يحكي مع بنات عملت لقطات شاشة للمحادثات وواجهته فيها راح صار يكذب ويحلف بالمصحف إنه ماحكي وأنا مصورتها من جهازه ياجماعة صار يشككني بحالي وصار هلأ إلنا أسبوعين كل واحد بغرفة لا أكلنا ولا شربنا سوا كل واحد فينا بغرفة لحاله وحسيته هك مرتاح ومبسوط شو اتصرف ساعدوني