أحب زوجي ولا أقدر على فراقه لكن نفوره مني أتعبني

انا عندي ٣٣سنه متجوزه عن قصة حب بقالي ١٥سنه وزوجي عنده ٣٥ سنه وجوزي مغترب في بلد عربي وعندي بنتين كانت حياتي مستقره جدا وكنامن اسعد الازواج ومن حوالي ٤سنين اتقلبت حياتي تماما وجوزي بقي طول الوقت مش عايز يتكلم معاياوكل كلمنا خناقات وهوا كان مسافر ولما رجع اجازه كان متغير معايا في كل حاجه حتي في العلاقه الشخصيه وبعد مارجع بيومين اكتشفت انه علي علاقه ببنت وعملت خناقه كبيره دخلت اهلي واهله فيها وبعد كده حلف انها مصلحة شغل وهيا معاه في البلد العربي وانا وصلت للبنت وبهدلتها وهيا فعلا اكدتلي انها علاقة شغل وطبعا من وقتها بحاول ارجع علاقتنا بكل الطرق مبقاش طايقني ولا طايق حتي البنات وكل مره نتجمع فيها في اجازه يحصل خناقات وتوصل انه يقولي مش عايزك وهطلقك انا تعبت تعبت وكل يوم اكتشف انه بيكلم وحده وطبعا تليفونه ممنوع اني المسه وكل مره اسئله مين دي يقولي شغل انا اه مالقيت محادثات او اي حاجه خارجه بس انا تعبت من نفوره مني في كل ومبقاش في حاجه عجباه فيا تماما حاولت كتير ابعد عنه واسيبه مع نفسه بس انا بحبه جدا وماقدرش يعدي علي يوم من غير مااسمع صوته بس الشك والغيره هاتموتني وهوا طول الوقت متوهني وبيكدب عليا في اي حوار يخص البنات الي بيكلمهم الحل ايه الحل ايه قولولي وادعولي ربنا يصلح حالي وارجع مع جوزي زي الاول