كنت أظن أني كل حياته إلى أن ظهرت هذه الفتاة

اتجوزت جواز تقليدى جدا هو ابن عمى ونتيجة لرغبة بابا وعمى اتجوزنا من ناحيتى هو حب عمرى اما انا بالنسبالة حقيقة معرفش انا بالتسباله ايه هو طيب وحنين وكويس جدا بس مش حاسة ناحيته بأى حب ليا قلت يمكن هو طبعه كدا لغاية ما عرفت من بنت دخلت كلمتى فيس بوك ان وهو كان على علاقة ببنت من جنسية عربية وكان بيعشقها وهى بردة واول ما اهل البنت عرفوا كانت كارثة والبنت هى اللى بعدت خايفه عليه هو مكنش يعرف هى بعدت ليه وكانت زعلان جدا المهم بعد ما اتجوزنا والاوضاع عندها رجعت طبيعيه رجعت تانى تكلمه من شهرين ونص وحكتله كل الظروف اللى حصلت ليها وبتلمح انها موافقه تكون زوجة تانيه هو لسه ميعرفش ان انا عرفت كل حاجة وفى الوقت نفسه انا لو اتصرفت بتهور ابقى انا اللى بتخلى عن زوجى نفسيتى مدمرة من اللى بيحصل وفى نفس الوقت عمى تعبان ودخل العناية المركزة والظروف فى حياتى متلغبطة على الاخر دلوقتى جوزى شايلنى فوق راسه عشان وقفتى جمبهم لانه على ما اعتقد عرف ان عرفت كل حاجة بس انا لسه مكلمتوش فى الموضوع عايزة الاقى حل عمى رجع امبارح بليل بيته وجوزى قالى لازم نتكلم وانا خايفه بصراحه خايفه ليكون عايز يطلب منى نتطلق انا بحبه ومش عندى استعداد اتنازل عنه بالسهوله دى لاى واحده هو كويس معايا بس من يوم ما رجعت البنت دى لحياته وهو بقى معظم الوقت بيتكلموا وكمان احتمال كبير اكون حامل انا لسه معملتش اختبار بس الدورة الشهرية اتأخرت جدا واعراض تانيه عندى ومرات عمى وكل اللى حوليا بيلمحوا ان انا حامل بس معنديش شجاعه اعمل اختبار خوف لكون حامل وابقى كدا اجبرته يفضل معايا