عاملتها كأخت لي فسرقت خطيبي مني

مرحبا بدي احكيلكم مشكلتي و بتمنى تساعدوني انا بنت عمري 24 سنة مشكلتي انه من سنتين كنت خاطبة الشب يلي بحبه و الشب يلي بتحلم فيه اي بنت و كنا كتير منحب بعض و متفاهمين و مافي متلنا بالعالم كله وكنا متفقين بعد سنة نتجوز بس للأسف بعد الخطبة ب ستة اشهر اكتشفت انه عم يخونني مع بنت عمي يلي انا و اياها اتربينا مع بعض و عشنا حياتنا كلها مع بعض وكانت بكل للكلمة من معنى انها اختي انا ما صدقت بالاول قلت مستحيل بس لما تابعت الموضوع اكتشفت انه صحيح و واجهتهم الاتنين اعتذروا كتير مني و انها كانت مجرد صداقة ثم اصبحت نزوة و انا قطعت علاقتي فيهم نهائيا بالرغم من انهم حاولو اكثر من مرة مصالحتي وان الغلطة لن تتكر لكن ما قبلت و كان خطيبي يحاول كثير بس انا بطلت اثق فيه قطعت علاقتي فيه و لم اترك له باب حتى يتواصل معي و قطعت علاقتي بكل العالم و فعلا تركت شغلي و اول سنة من حياتي ما رحت على اي محل ما طلعت من البيت نهائيا و كنت فقط انام 24 ساعة اصبحت انسانة بلا روح بلا حياة كنت انام 18 ساعة على الاقل في اليوم حتى بعد ما استيقظ برغم حالي ارجع انام كانت هيك حياتي في الاول و قطعت علاقتي بكل الناس حتى صديقاتي يلي ما الهم دخل في الموضوع مع اني كنت انسانة محبوبة و اجتماعية اصبحت لا اطيق اي شخص و كان اسهل شيء افعله اني اقطع علاقتي فيهم ولكن بعد ب سنة استيقظت من انا يلي فيه و قلت لا لازم ارجع اوقف على رجلي و حالتي صارت تتحسن و في يوم اجت بنت عمي و قلتلي خطيبك يلي كان بحاول معي و انا ارفض ولكن غلطت و ما كان بقصدي وكانت تبكي و انا قررت اسامحها لانه فعليا كانت اختي و اكتر و بدأت ترجع علاقتنا مثل الاول وتوقف معي بكل اشي و انا ما ذكرتها نهائيا بالخيانة يلي صارت و حاولت انسى الموضوع و بالنسبة للشب كان مستحيل ارجعله لانه كل لحظه معه رح تذكرني بخيانته و مستحيل تبني حياتك و بيتك على الخيانة عشان هيك ما قبلت ارجعله مع اني ما حبيت غيرو بحياتي كلها و ما اتوقع احب متلو حتى بعد يلي صار هو لسه بقلبي ,, و بعد بثلاثة اشهر اكتشفت انه بنت عمي رجعت على تواصل مع خطيبي او الشب يلي كان خطيبي و اعرفت انه من البداية هي يلي كانت تحاول معه و تحاول تجذبه الها و هي يلي راحت حكتله انها بتحبه و ممكن تعمل كل شي عشانه حتى لو كانت خيانتي و هو ما كان موافق بالاول و لكن هي كان تغريه بكل الطرق لحتى قبل و بعد ما اكتشفت اني عنجد سامحت البنت يلي خربت حياتي بنجن و ما انجرحت بحياتي اكثر من هيك انا حبيت احكيلكم مشكلتي لاني ضايعة ولاني جد موجوعة و كتير عم فكر اجرحهم مثل ما جرحوني و حسسهم بالوجع يلي حسيته لا تحكولي اسامحهم او انسى الموضوع او الهي حالي عن اي شي غيرهم او اذا كان نصيبك رح يكون الك لاني تعبت من هاد الحكي انا فعليا بحياتي كلها بسامح اول باول و ما بحب اخلي بقلبي و لا اني اجرح حدا ولكن حاسه قلبي بنار وبدي ارتاح و حسسهم بالاشي يلي انا حسيته هيك فعلا برتاح او حتى جزءمنه بس ساعدوني شو اعمل كيف ارتاح لاني تعبت جد