عندما أواجهه ينكر ويقول أن صديقه هو السبب

السلام عليكم انا عروس توني متزوجه من ٥ شهور بعد خطبة وحب دامت اكثر من سنتين ومن ثاني شهر زواج اكتشفت انه ضايف بنت بسنابه بس كانت قديمه وقبل سنه يعني وقت ملكتنا..علما اني كنت اكلمه قبل لانملك لمدة سنه))اغتضت وبكيت وواجهته على طول لكن انكر قال لي انه زميله فلعمل كلمها عشان مصلحه له ((على قولته هي تتشتغل في مستشفى خاص وضافت زوجي وزميله كلمها عشان يشبكها ويخليها واسطه عشان يخلي اخته تشتغل بلمستشفى))وساعات هو يكلمها لين يجي زميله ..انا احترت اصدقه او لا علماً انه كنت اعرف رقمه السري واشعارات السناب والواتساب يطلعون بلشاشه يعني هل ممكن كلامه صحيح لانه لو انه كان على علاقه فيها كان خاف وشال الاشعارات؟واذكر اني لمن كنت اكلمه كان يقولي لحضه لاتتكلمين صديقي بياخذ جوالي..لكن فنفس الوقت مو قادره اصدق لاني لمن اقرا قصص خيانات دايما يكون رد الزوج انه صاحبه مو اهو ودايما ينكرون..انا تعبت وساءت نفسيتي معاه وكل فتره اذكره بلسالفه واهو يقول لي ماتفكرين بشعوري لمن تظلميني ؟..احس اني مو طايقته وابي اتطلق قبل لا اجيب عيال واتورط فيه