لا أستطيع التصرف بهذه المواقف فماذا أفعل لها؟

قبل فترة مات حدا بعيلة اعز صاحباتي وهي من النوع الي كتيير بتأثر وبتحسس ..وعزيناها وعادي واجت عالمدرسة كانت كتيير منكدة ومتضايقة بس ما بدها تحكي مع حد وقعدت لحالها.. المشكلة انا مو من النوع الي بعرف كتير يتصرف بهالمواقف، ما بعرف شو احكي او اواسي او كيف اوقف جنبها عند الموت بالذات .. فوقتها بس بعتلها مسج وحاولت اواسيها وبعد ما انتهى الدوام بعتلها ازا حابة تحكي او تفضفض انه انا موجودة.. بس هي طولت لردت وقالتلي خلص انسي وبعدها بيومين رجعت عادي وبسمتها ما تفارقها الحمدلله.. حكيت معها بعد فترة صغيرة قالتلي انه فوق شعور الوجع الي عندها انه مات من قرايبها وجعها اكتر انه حست حالها وحيدة..ما في حد معها.. هي ما جاءت على ذكري بس ذكرت الي ابدا ما سأل وما بعرف شو صار وانتهى الموضوع وما كملنا حكي.. بس انا كتير حاسة بتأنيب الضمير وما عرفت كيف ابررلها انه انا عنجد بتلبك بهاي المواقف..هو ممكن مو عذر مقنع بس والله حاولت ما زبط معي.. فايش اعمل؟؟