صورة علم United Arab Emirates
من مجهول
منذ 11 شهر 9 إجابات
3 0 0 3
  • للأسف جميع العلاقات البشرية مؤقتة وزائفة

    انا بنت وبحياتي كلها ما عرفت ولا شب على أرض الواقع ، بإرادتي طبعا. لأنه مشاعري غالية أكيد ما بعطيها لأي شخص . لكن من 3 سنين كنت عاملة حساب فيسبوك بعرض فيه كتاباتي المختلفة ومن خلاله تعرفت على ناس كتير . وهالشي خلاني افهم طبيعة وتفكير الناس اكتر . لكن كان عندي دائما صديق ثابت معرفتي فيه من خلال الانترنت فقط . بحمل نفس افكاري وتوجهاتي وحتى سماتي الشخصية .في بداية معرفتي فيه كان يتقرب جداً وانا كنت أبعد اكتر .. وهكذا إلى ان اصبحنا اصدقاء ، كل واحد عايش ف بلد .. لكننا بنضل ع تواصل ولو انقطعنا اشهر .. مرة صار سوء تفاهم بيني وبينه ومن بعدها تصالحنا ورجعنا متل اول .. لكن وراها بكم شهر حسيت انو تغير وصار ينقطع فترات طويلة بلا حس أو خبر . سألت مرة ووقفت لانه شفت انو ما عاد الو نفس يتكلم متل السابق لهيك احترم قراره وانسحبت بهدوء من حياته .. ووراها تواصل معي مرتين كنت ارد طبيعي عليه لكن ما عدت اسأل وحسيت في اشي انكسر .وصرت ابتعد اكتر .. الى ان بعتلي كلام حزين بشكي فيه رديت ودعمتو بالكلام لكن كان يتأخر عمدا في الرد ومع ذلك سألتو عن سبب حزنه وبعدها تجاهل رسالتي بالكامل .. ما رد علي منذ تلك الفترة .. صابني انفصام ! وانا لو بموت مستحيل اسألو عمره ما اتصرف بهالطريقة معي .. وخصوصي انو ما في اي مشكلة بيننا. شو السبب ؟ وليه يبعتلي اذا كارهني لهذا الحد !؟ انزعجت كتير . اكتر شي زعجني اني حسيتو متل غيره متل كل الناس . وانا انسانة ما بثق بحد وما عندي اصدقاء ولا اي حد في حياتي وتواصلي محدود مع الجميع .. يمكن اكون بحكي قصة خيالية بنظر البعض وما فيها لا منطق ولا مستقبل.. مشكلتي اني ببحث على اي علاقة صادقة . كوني فشلت في تكوينها مع بنات جنسي . فلما كان عندي صديق شاب عوّض هذا النقص وكنت شايفتو أصدق وأنقى . لكن مع الاسف بمرور الأيام بتأكد انو كل العلاقات البشرية مؤقتة وزائفة .. سواء على الانترنت أو على أرض الواقع ! كل شي صعب عندي . بالرغم من قلة علاقاتي " صداقاتي" الا انها كلها بتنتهي رغم عشرة السنين بطريقة بشعة وقاسية وبنفس السيناريو المتكرر ...


أسئلة ذات علاقة