صورة علم Saudi Arabia
من مجهول
منذ 9 شهور 12 إجابات
1 0 0 1
  • هل تنصحوني بالتعرف على صديقات جدد؟

    انا قد صارتلي مشكله مع اعز صديقه وجرحتني ورجعت لها تلاته ايام من دي المشكله صرت انطوائيه اتجهت لبرامج الشات الصوتي لان م كان ليا غير دي الصحبه ومن بعدها محد معايا خلاص المهم اني تعرفت على ناس ومن دا الكلام سبيك من دا الهرج فالدوام جوني شله واتعرفت عليهم وحبيتهم وحبوني وقعدت معاهم سنتين وعزمتهم وما عجبو اهلي صارو يقولولي غيرهم ويحشو فيهم رحت لشله تانيه وبرضو يحبوني واحبهم ورجعت لصحبتي القديمه اللي جرحتني وصارت تجي عند بنات شلتي التانيه وتخرب سمعتي عندهم وصارو يجوني ناس يهددوني من البرامج اللي كنت ادخلها وفنفس الوقت فقدت اخويا لانو كان مسافر لو مده المهم نفسيتي تعبت حذفت كل صحباتي الشلتين وصحبتي القديمه صرت انطوائيه بزياذه بعد فتره جاتي وحده من بنات شلتي التانيه وتعتذرلي لانها صدقت كلام بدون م تسالني ومن دا الهرج وسامحتها خلاص المهم رجعولي الشله التانيه ودحين انا معاهم عادي اما صحباتي الشله القديمه في تلاته مو طايقني ونفسي ارجعلهم بس اخاف اواجهم فيس تو فيس المهم صرت اداوم لوحدي واقعد بالفصل لوحدي دايم جاتني بنت من سنه اولى وانا دحين سنه تالت صارت تقولي انو انا مرا كيوت وهاديه وهيا من زمان نفسها تتعرف عليا وانا انبسط لانو كان نفسي اتعرف عليها كمان وطلبت سنابها صارت تتكلم معايا يوميا وتمشي معايا بوقت الفراغ وحده بمن من شلتي التانيه صارت تقولي لا تتعلقي فيها لا تثقي فيها ممكن باي لحظه تبيعك ومن دا الكلام بس البنت دي اللي جات تتعرف عليها مراا لططيففه صرت ابغاها معايا دايم واحس انو هيا طفشت مني واحس مرتاح ومو مرتاحه اللي ابغاه من دي القضه كلها كيف اصالح صحباتي اللي مو طايقني وايش اسوي مع البنت الجديده وغير كدا انو صحبتها مرا تكرهني وهل اروح اصارح صحبتي القديمه انها طلعت عليا كلام ولا لا معنو دا الشي مستحيل يصير وكمان ايش اسوي مع الاولاد اللي كانو يهددوني غير اني ابلغ عليهم لاني مرا اخاف وملاحظه انا انسانه اتردد فالكلام واكلج واتعلثم يعني استحي اواجه احد وتنصحوني اتعرف علي بنات ولا لا


أسئلة ذات علاقة