تخصص الطب جلب التعب والشقاء لحياتي

السلام عليكم انا عمري 18 ادرس سنة الثانية طب بصراحة ما عرفت شو التخصص يلي بيناسبني لهيك عملت التخصص يلي نصحوني بيه الكل بس من اول سنة ندمت وهلا ندمانة اكثر اني اخترتو غير التعب والشقا النتايج صدمة واهملت حالي وحياتي جدا لهيك انا حابة غير تخصص السنة الماضية جربت افتح الموضوع مع والدتي وهي وافقت بس صدمتني لما قالت غير تخصصي طب اسنان يعني مثل مانقول بالجزائري الحاج موسى موسى الحاج انا بصراحة حابة اطلع من مجال الصحة نهائيا بس ما اعرف شو التخصصات المنيحة عندنا بالجزائر ولا اذا كانت مضمونة او لا لانو احد الاسباب يلي اقنعوني لحتى روح طب انو بالاخير مارح صف دور عشغل دغري اشتغل بمستشفى يعني مضمون بس التخصصات التانية بالجزائر ابدا مش مضمونة كمان انا ماعندي شي محدد يعني بحبو ان كانت الدراسة بالعربي او فرنسي انا منيحة فيه بس المشكلة انو بالطب كل شي قائم على الحفظ و بالامكانيات يلي عندنا حفظ اعمى يعني بدون تطبيق وانا عندي ذاكرة تطبيقية لو ما طبقت المعلومة او رسمتها ما احفظها وكمان كل الزملا كانو يشتكو من المواد يلي فيهم حسابات بس انا اكثرهم تفوقا فيها ليش يا ابو عليش لاني احب دراستي تكون منوعة شي حفظ وشي حسابات ورياضيات المشكلة بالطب انو 95%حفظ و5%بس حسابات فهيك انا مزنوقة فالحفظ اجباري انا مش عم قول اني اينشتاين بالرياضيات بس انا منيحة فيها و بحسها بتنشطني وتحفزني للحفظ و كمان كمية الدروس اللي لازم نحفظها غير طبيعية يعني انا قدرتي احفظ نصهم بس المشكلة انو طريقة حفظي تاخد وقت رغم اني بعد ما احفظ ما انساهم لفترة كتير طويلة وانا من الاساس مزنوقة بالوقت فكتير مرات تركت كلشي وقعدت افكر شو الحل يلي مالقيتو هون انا حابة نصايحكم خصوصا يلي من الجزائر او حتى الاخوة العرب كمان شو التخصص يلي بيناسبني لانو بصراحة انا مضيعة سنتين من عمري عندي استعداد غير لشي غيرو بس يكون مضمون حتى لو تطلبني سافر برا عشانو امي متأكدة انها رح تساندني حتى لو ماعجبها قراري بس بابا صعب شوي رغم هيك ماما بتقنعو بصراحة انا مشوشة وحاسة انو لسا في كتير لقولو بس مابعرف كيف كمان من قبل نصحوني بالتعليم و هو شي مستحيل تماما لي لاني ابدا ماعندي صبر على يلي مايفهم علي اتمنى ما لاقي حدا يقولي ارضي بالامر الواقع انتي مضيعة سنتين كملي وخلص انا رضيت بالامر الواقع السنة الماضية وكنت على وشك اعادة السنة واذا رضيت فيه هي المرة رح ضيع كتير سنين لقدام التفكير بها الشي عامللي احباط كبير اقرب للاكتئاب يعني حتى اصحابي من ايام الثانوية قالولي انو الطب غيرني للاسوء حتى عائلتي لاحظو اني صرت اسوء من قبل وغيري في كتار زملا بيعانو من نفس الشي وساكتين وفي يلي غيرو تخصص بس ماعرفت اي شي غير هيك يعني كيف وشو عملو وكمان اذا في طريقة اذا غيرت استعمل فيها شهادة الباكالوريا القديمة بلا ما عيد ادرس ثانوي القصة كتير معقدة وانا همي الاكبرشو بيصير بعد خمس سنوات يا اما كون طالبة معيدة سنة ثالثة طب او كون بشتغل شي بحبو او بلكي بكون عم حضر للدوكتوراه مدري شو اعمل بحياتي ولا مرة بعمري كنت عالقة و ما عارفة شو اعمل كنت دايما الاقي حل بس هي المرة غير كل شي بينتهي بطريق مسدود انا مشكلتي بالحياة اني متطلبة و معاييري عالية وصارمة خصوصا مع نفسي يعني كلشي اعملو لازم يكون مثالي تماما حتى الناس لقراب مني وكمان بدراستي لهيك طول عمري كنت الاولى بس الطب كسر فيني هادا الشي اني ما قدرت اوصل للمثالية يلي بدي ياها بدراستي ولا حياتي وعلاقاتي ظلت مثالية من قبل من الآخر دراسة الطب كسرتلي اساس مهم من اسس شخصيتي وهذا محطمني انا بحب التنويع بحياتي ودراستي مثلا لما ادرس لازم تكون المواد شوي منوعة مثل ماقت قبل انو شوي حفظ شوي فهم وكمان يكون عندي وقت لهواياتي واني اتعلم اشيا جديدة تصدقو انو من لما كنت صغيرة كنت عاملة قائمة بأشياء حابة اتعلمها وشوي شوي اتعلمها بس من دخلت الطب مافي شي متجدد بحياتي انا ماعندي وقت حتى مشط شعري التوتر لكبير فحياتي خلا شعري يتساقط بكميات هائلة وكمان كمية كبيرة من شعري صارت بيضة يا جماعة انا شبت وانا لسا 18 وغير هاد تقريبا تواصلي مع العائلة منعدم يمكن التقيهم وقت الاكل بس وكمان وقتها كون منكدة وما عندي خلق شوف اي بشر قدامي آه شو بعمل حلوها ساعدوني؟؟؟