كيف أواجه ضغوطات حياتي وأخرج من العتمة إلى النور؟

انا اسفة اني هادوشكم معايا بحكايتي أنا عارفة اني ملهاش اي حل انا بس بفضفض معاكم انا تعبانة اوووي من كل حاجة انا عندي ٢٧ سنة حياتي بائسة ملهاش اي معني أو قيمة انا بقالي اكثر من سنتين بتعذب في المستشفيات النفسية و الأدوية و الجلسات بسبب مرض الاكتئاب تعبانة من كل حاجة انا جامعية و كملت دراسات عليا ماجستير بس بسبب الطاقة السلبية الي عانت منها و ضغط الدكاترة عليا معرفتش اخذ علي الماجستير رغم اني متفوقة جدا و تقديري

العام امتياز سواء في الليسانس أو في الماجستير و من أوائل الدفعة انا بجد تعبت انا مش بتشتغل اصلا رغم اني خريجة كلية قمة نظرية علشان الكلية ملهاش مجال عمل و هي كلية الآثار انا علاقتي لوالدتي ضعيفة جدا لانها مش فهماني دائما مشاكل معايا رغم اني بارة بيها و انا تقريبا اللي شايلة مسؤلية البيت من طبخ و مني مسح و تنظيف و خدمة جميع افراد البيت حتي اختي الكبيرة متزوجة و معاها بنات و لما بتجبلنا بشيل مسؤلية بناتها علشان اخفف عنها انا تعبت انا حاسة اني خادمة للبيت كله بس انا ماحدش حاسس بيا ماما دائما عصبية جدا معايا لان ده طبعها العصبية بحس دائما انها مش بتحبني و بتميل نفسيا لاختي الكبيرة عني علشان اختي شبها في الطباع لكن أنا عكس والدتي تماما هي بتقول اني واحدة كثير من طباع بابا اللي هي اصلا بتلومه عليها و انا بحس أن ده سبب عدم حبها ليا بالمناسبة الطباع اللي ماما تقصدها اللي يشبه فيها والدي هي حبي للعلم بصفة عامة و الاثار و التاريخ مجال تخصصي الي جانب حبي للكتابة جدا لاني بكتب قصص و ماما ترفض تقرأها غير اني بحب القراءة جدا و بحر الشعر و الفلسفة ماما ملهاش اي اهتمامات بالحاجات دي و دي ببعدم اي فرصة للحوار معها بابا في حاجات كثير انا بختلف في عنه و هي أنه عصبي جدا و عملي زيادة عن اللزوم و اهتماماته المال بالدرجة الأولي و انا عكس ده انا حساسة جدا و اقل حاجة بتزعلني اه انا عملية بس مش زيادة عن اللزوم بالمعقول بالنسبة لي الفلوس متهمنيش بابا ببعتبرني مسرفة جدا مع اني مش يشتري حاجات كثير بس انا من النوع اللي لو عجبتني حاجة بجبها بغض النظر عن سعرها و انا اصلا من أسرة ميسورة الحال و الحمدلله فانا معنديش اي مشكلة من ناحية الفلوس و الحمد لله لكن بابا من النوع اللي بيدخر دائما للمستقبل انا معنديش صحاب ممكن في واحدة أو اثنين زمايلي من ايام الكلية قريبين الي حد ما مني ان كل فترة اتصل بيهم و اتكلم معاهم بس كلامي كله ضحك و هزار لكن استحالة احكي قدامهم مشاكلي نهائي مش من طبيعتي اصلا الشكوي انا بحب المزاح جدا و بكره النكد اووووي انا كان متقدملي شاب من سنتين الخطوبة جيه و أهله جلسة تعارف والدته كانت معترضة لأنه الصغير و عايزة تختار هي العروسة انا بحب الشخص ده جدا بس مفيش اي كلام ربنا نهائي هو قريبي من بعيد و شافني مرة صدفة و انا مروحة من الكلية و طالعة بيتنا و هو كان في زيارة لواحدة قريبتنا هي تبقي جدته نسيت اقولكم اني قاعدة في بيت عائلة فضل فترة كل مايشوفني هو و أهله يجيي يسلم علي بابا لأنه يقربلي من ناحية بابا و بعد كده بابا جيه كلم بابا يحيي تعارف و لما جيه لينا والدته كانت معاملتها وحشة معايا و ماكانتش عايزة الموضوع يتم الموضوع تاعبني نفسيا جدا بعد ما اتفركش و انا نفسي مش عارفة ليه انصدمت لما لقيت ماما بتقول انا مامته زمان قبل ما اخواته الكبار يتزوجوا كانت كل ما تشوف ماما تقولها انا عندي عرسان شباب فين بنتك ناخدها أحد من عيالي هو ليه اثنين اخوة كبار واحد دكتور و ثاني مهندس الاثنين توام غير اخت كبيرة مدرسة نسيت اقولكم هو خريج هندسة حاسبات و معلومات والده في التعارف كدب و قال إنه ابنه خريج كلية تجارة رغم ان ابنه خريج هندسة حاسبات و معلومات و انا مش عارفة هو كدب ليه المهم انا عمري ما اتخيلت انها كانت عايزة تحوزني واحد من ولادها الكبار انا عمري ما فكرت فيهم أن اللي حبيته ابنها الصغير المهم انا الكبار اتجوزوا بعد كده و ابنها الصغير اللي كان متقدملي لسة عازب و رافض الزواج انا تعبانة اوووي و مش عارفة ليه بيحصل معايا كده انا مش عارفة ليه هو بالذات اللي حسيت ناحيته بالأمان و رافضة تماما الزواج من اي حد ثاني هو شاب محترم و متدين و مش بيكلم بنات نهائي و احنا شله بعض جدا هو بيحب الآثار و التاريخ جدا و بيحب الشعر و بيكتب شعر مرح جدا بحسه توام روحي بس الظروف واقفة بينا هو متغرب علي فكرة في بلد ثانية و انا زعلانة اوووي أنه تعبان في الغربة لوحده كان نفسي نتزوج و اقدر اخفف عنه في حواجز كثير ببني و بين الناس مش عايزة تقع مش عارفة ليه بحس الناس مش عايزاني انا حساسة جدا و طبيعتي هادئة جدا و مش باحب افرض نفسي علي حد و ده خلاني منعزلة جدا انا حاسة بانعدام قيمتي كإنسانة كان لي محاولة انتحار من سبع شهور و انقذوني مشكلتي ان جوايا طاقة إيجابية عالية جدا و نشاط عالي بس مش عارفة انفذ الكلام ده انا طبيعتي مبتكرة دائما باجيب افكار بره الصندوق عايزة اتعلم حاجات جديدة و اكون إنسانة ليا فائدة انا الحمد لله قوية جدا في الانجليزي و ده بيساعدني اكون متطلعة علي كل جديد انا مش عارفة ازاي اخرج من اللي انا فيه حاسة اني وقعت و عايزة اقوم بس لوحدي من غير ماحد يساعدني لاني عارف. أن مفتاح علاجي جوايا انا عايزة ارجع ثقتي بنفسي ثاني و اخرج من العتمة اللي انا فيها محتاجة نور كبير بس مش من حد انا شجاعة جدا و الحياة لا م يكون فيها ضغوط بس انا عايزة اتعلم ازاي اواجهها و مايبقاش عندي مشكلة انا باجي علي نفسي كثير علشان ظروف الحياة و الناس اللي حوالي بس للاسف ماحدش ليقدرني مش عارفة ليه انا خدومة جدا طول عمري باساعد الناس و مش بابخل علي حد مساعدة لكن أنا مش باطلب مساعدة من حد ابدا أنا عارفة اني طولت عليكم انا بس كنت بافضفص شوية بس برضه عايزة اقول لكل البنات خليكي واثقة مهما كان طريقك عتمة النور جاي بس انتي قوي ايمانك بربنا انا رغم كل اللي انا فيه بس الحاجة الوحيدة اللي مستحيل تتزعزع فيا هي ايماني الكبير بربنا أنا متأكدة أن ربنا سبحانه و تعالي حاطنني في الابتلاء لحكمة من عنده و انا صابرة علي كل حاجة علشان ربنا ابتلي الانبياء و رغم كده صبروا علي كده فمبالك راحوا الناس العادية اللي حياتنا هي عبارة عن سلسلة تجارب و خبرات الدرس اللي طلعت بي من حياتي ان كل إنسان ليه دور مؤثر في الدنيا دور عليه و ماتضيعش حياتك في حاجات فارغة ٠٠