صورة علم Saudi Arabia
من مجهول
منذ 9 شهور 7 إجابات
0 0 0 0

اهل زوجي يعيشون بكذبه انهم من مستوى راقي و لكنهم غارقين بالديون

السلام عليكم انا فتاة موظفة بوظيفة حكومية وتوظف شاب اكبر من ب 3 سنين وكان يكمل دراسته العليا وكنت انتبه انه يهتم بي وبشدة وواضح انه معجب بي انا كنت اراه ليس جميلا ولا صاحب ذوق في اللباس مع العلم انه يشتري من الاسعار الغالية وهجومي في كلامه، لكن لانني كنت ارغب بالزواج كنت اميل له رغبة بان اتزوج ليس اكتر لان عمري قد تعدى 26 سنة وكثييرا من الناس الجيدين يتقدمون ولا يرجعون ولا اعرف ماذا افعل وكنت اخاف من شبح العنوسة، هو ليس بالسيء له شخصية قوية لكنه شخصية هجومية اندفاعية، في العمل سريع العصبية وهجومي حتى شكله مكرش، المهم طلب مني ان يتقم رسميا لاهلي لخطبتي جاء هو واهله في اليوم المحدد هم من ابناء العشائر لكن تاني يوم اتصلو وحكو لا يوجد نصيب، بعتلي مسج يومها اعتذار وبهدلته وقلتله انت اذا مش متفق مع اهلك ليش تبعتهم انا كنت مخبرته انه اهله ناس بسيطة ومو متعلمين وبيشتغلو شغلهم الحر بس وضعنا المادي عادي بس ما بيهمهم المظاهر يعني مش مستعدين يصرفو الالاف على المظاهر عادي مش بخلاء بس عايشين متل ما بدنا وراضين بحالنا وما بهمنا الناس شو عندهم. وما عرفت سبب رفضهم غير انو سوء استقبال، والعادات بتختلف عن بعض. كان في زميلة النا بالشغل كانت حلقة الوصل بينا وكان يثق فيها كتير ويحكيلها كل اشي عني وعن هداك اليوم، هي ما رضيت تحكيلي الا سوء استقبال نفس اللي حكاه. بعد تقريبا سبع شهور رجع وحكالي انو بده يرجع يتقدم ولسه عم بيحاول مع اهله ويقنع فيهم، انا قلتله سكر على الموضوع لانو بصير مش حلو موقفي وموقف اهلي، ضل يزن علي توافقت وحكى مع اهله واللي فهمته انهم اقتنعو بالاخر انا ما كنت ازعل بس يجي يحكيلي انهم لسه مش موافقين لانو فعليا انا ما بحبه ومو كتير راغبة فيه، بس كنت احكي حدا بيحبك وشاريكي احسن من حدا لسه ما بتعرفيه ودارس ومتعلم ومعه اعلى الشهادات وماديا بالظاهر انهم كويسين ماديا خصوصا انو راتبه منيح هيك المعروف لانه بنشتغل سوا يعني بعرف راتبه، وبس كان يحكي عن المصاري كان يحكي انو في دخل وما مكان يحتاج، اجى خطبني وصار نصيب وكتبنا الكتاب وفي هداك اليوم بحكيله حطيت بوست على الفيس بوك انو خطبنا بس وافق عليه قلي ما عندي نت خدي الباسورد وادخلي وحطي اللي بدك اياه، بالفعل حطيت البوست بس اثارتي الفضول وفتت على صفحة اخوه المسجات وقرات المسجات اللي بينهم وعرفت سبب رفضهم اللي ولاهلي وانهم كانو يحكو عني بشعة وامي ابصر شو مالها واهلي نوّر واقل منهم بكتير كانت هيك صيغة الحكي، هاد الحكي اللي قراته كانت في اليوم اللي كتبنا الكتاب فيه، وانجن جنوني انا شو اعمل هلا وما قدرت احكي لحدا، ولهلا مو عارفة كيف اتعامل معه ومع اهله مع انو النا متزوجين تلات سنين ومع انهم بالوجه ما احسنهم بس بغياب الواحد كتير بيجو فيه بالكلام امانة انصحوني شو اعمل مو عارفة ولا قادرة انسى هاد الكلام ومن ناحية تانية طلعو ناس فشوش يعني هم بس نفخة بالظاهر ماديا كلهم عايشين بالديون وبقروض البنوك واجتماعيا عايشين على سمعة ابوهم اللي مات من 20 سنة وهم لا بهشو ولا بنشو كل العيلة هيك بما فيهم زوجي اللي عايش بهاي المظاهر