موقف حصل معي أحزنني

السلام عليكم موقف حصل معى وانا فى العمره حصل موقف خارج من دورات المياةالمتعددة الطوابق اللى قدام ساحات الحرم المكى لمحت ست كبيرة فى السن ملامحها تعكس مصريتها وحواليهاشباب مصرى والست بتبكى فمشيت شوية وقولت فى نفسى اكيد الرجالة هيقموامعها بالواجب وادرى بيها وبعدين قولت طيب مش ممكن ميقدروش يساعدوها رجعتلها تانى وسالتهامالك ياامى بتبكى ليه ؟فرد عليا الشباب جوزها دخل دورة المياه من ساعه ونص ومخرجش ودورناعليه جوه مش موجودسالتها عن مواصفاته قالتلى لابس احرام واسمه مصطفى بس كده ياحاجه انا نزلت انادى بصوت عالى والصوت مسمع فى الحمامات وجنسية والوان مختلفه مافيش رد دوارت فى طابق طابق مافيش رد مع كل دور كنت بنتهى منو قلبى بيتقبض وفكر هرجع لست اقولها ايه خلصت المبنى كامل ووصلت للمدخل الخلفى وكنت حزين وطلعة من المدخل الخلفى واتاملت فى الناس لقيت عجوز سبعينى قاعد مكسور فقرارت انادى تانى لقيت الشخص ده انتفض من مكانه قال ايوه انا اسمى مصطفى قولتلو فينك ياعمى الحاج مراتك هتموت من العياط قالى هى فين ؟ده انا قاعد مستنيها من ساعه ونص الحاج من طيبته دخل من باب وخارج من باب تانى رجعت لمراته وسلمتهولها وفضلت تبكى وتضربه بايدها على صدره حرام عليك متسبنيش تانى وحضنو بعض حضن جبار كسر دقايق من الحرمان يارب ارزقنا باللى يحبنا لااخر نفس فينا