حلمت أني مسافرة مع أهلي بسيارة مسرعة

السلام عليكم حلمت اني مسافرة مع اهلي الي بنها وانا مروحتش هناك قبل كدة كنا بعربية سريعة جداااا واول ما العربية وقفت وقفت عند شط بحر كبير اوووي وفاضي مفيهوش حد واول لما نزلنا كلهم اللي قعد واللي كان بيجري ويلعب عالرمل وانا بنفس سرعة العربية برجلي نزلت الماية وكان الوقت بليل وكنت بجري في البحر كأني بلعب بس ومكنتش عاملة حساب لحاجة برغم برودة الماية واني المفروض اخاف اغرق بس مكنتش حاسة بحاجة غير اني مش مستوعبة اللي بعمله واني مش عايزة اعمل كدة فجأة بالفعل كنت هغرق وحد معرفهوش طلعني بعد ما طلعت كلنا شوفنا سمك صغير فضي وعنيه لونها احمر كتير اوووي بيلعب في الماية وواحدة اكبر منهم بشوية خرجت ونزل منها سائل اصفر والسائل ده كان بيطلع سمك زي اللي في البحر كتير راح حد قال انها جنية وان البحر ده مسحور ولازم نمشي من هنا بسرعة وجينا ماشين ممشيناش بالعكس دخلنا بيت قولتلهم بلاش ندخله مدام في نفس المكان خلينا ندخل جوا المحافظة في قدام حياة وناس احنا لسة في اولها مرضيوش ولما قعدنا مكنتش مرتاحة وكنت قاعدة علي سرير كان فيه حشرة مشوفتش شكلها وراه بتلعب زي السمك وكنت عايزة اقوم امشي