ابنة عمي في الحلم

تحلمت ان بنت عمي تزوجت مره اخرى ، السلام عليكم تحلمت ان بنت عمي جاتنا البيت وفرحانة وسكنة بشقة اخوي الذي يلي الاكبر ، وقالت انا ساكنة هنا في هذي شقة قلت شقة اخوي ونزلنا الدرج وهي تسولف معي وتضحك معي وكانت لابسة فستان اسود مع كحلي مع شوي اخضر وعلية لمعة والاكمام شفافة جدا ، قلت لها وين رايحين قالت بنروح عند خواتك طلعنا ويوم طلعنا ولفينا حصلت مكان انقلب لحاره شعبية قديمة وكانها تشبة القريتنا القديمة ،، قلت لها فلانة وين رايحينقالت بندخل الحفلة عند النساء وفجاءه كذا شفت مكان كلة رجال ورجعت للورى وطلعت قدام هذا بيت وبعد فترة قصيره سمعت صوت اخوي الكبير يقول ياولد جيبوا القهوه قلت انا وين خواتي وين امي وين قهوجيات مايصلحون ويعطون اخوي والوقت كانة ليلا . ورحت انا دخلت وعطيت اخوي طوفرية فيها فناجيل القهوهودله القهوه قال اخوي انا شفتك قبل شوي دخلتي هنا مع فلانة قلت ما انتبهت انة لرجال الا لما التفت قال طيب يصير خير وفجاءه وهو يسكر باب الا بنت عمي مرت جنب اخوي وهي كاشفة وعليها فستان قلت بنت استحي هذا وانتي متزوجة ، قالت ابشرك تطلقت وهذازواجي ثاني ،، قلت يادافع البلا ، وش سبب قالت الرجال طلع وصحيت من النوم فما تفسير ذلك الحلم