حلم الشقة بالمنام

السلام عليكم ، اللهم اجهله خير ، حلمت بأني في شقه واسعه تشبه شقه خالتي الله يرحمها مع العلم الشقه دي مش موجوده دلوقتي وفيها ناس كتير ناس اعرفها وناس معرفهاش تشبه الحفله تقريبا ومنهم ماما زميله ابني بالمدرسه معاها مفتاح ودخلت الشقه هي وبنتها انا استغربت بقولها ايه دة انتي كمان معاكي مفتاح الشقه زيي دخلت وقعدت وفجأه لقتني بمكان زي الفصل او الشقه دي بقت فيها زمايل ابني (هم لسه اطفال ٩ سنين ) بالمدرسه روحت سلمت عليهم وبوست منهم بنتين انا بحبهم اوي وروحت دخلت الغرفه عشان اصحي ابني للمدرسه كان نايم جنب اختي وكانت صوتها عالي بالنوم ومتغطيه كلها شبه الملايه وحتي راسها وقولتلها ايه الشخير العالي دةةة وصحيت ابني وقولتله يلاااا اتأخرنا ع المدرسه كدة هوديك ع الحصه الاولي تقريبا قام ولبس وانا نازله بقول ل رحاب اللي دخلت علينا الشقه وديتي كرما بنتك خلاص ولا تاخدي انس معاكي قالتلي لا وديتها ولسه جايه قولتلها مفتاح العربيه بتاعي فين قالتلي بشنطتك أكدت علي مفاتيحي كلها ومفتاح الشقه والعربيه لقيتهم تمام روحت اخدت انس ونزلت ع اركب العربيه مع العلم (معنديش عربية بالحقيقه) ببص لقيت زحمه ناس اكنها بسوق وعندها انا مستنيه اشوف جدتي رحمها الله عشان اساعدها بالمشي وتيجي معانا وانا واقفه منتظره بقول ل ابني رووح ساعد جدتي وساندها وهي ماشيه وهاتها علي زي مكان جراج كدة مركونه العربيه فيها وانا هروح اطلع العربيه واعدلها واخليها قريبه شوي من جدتي عشان متمشيش كتير انس قالي انا معرفش شكل جدتك وواقف مذهول ويبص ليه روحت مزعأه فيه قولتله اهي هناك اهي روح بسرعه امسك ايدها وساعدها وقعدت انده بصوت عالي عشان اسلم عليها راح فعلا رايح ومسك بدرعها وكانت مبتسمه ولابسه جلباب اقرب للون الابيض او الفاتح دخلت انا عشان اركب العربيه وامشي لقتني بمكان زي المسجد مش الجراج خالص كان يوجد فتحه مثل الباب الاوكرديون الصغير جوه المسجد دة وقفت عنده وجدتي كانت امامي مباشره وبجانبها ابني سلمت هي عليه وبتقولي وحشتييني اوي بقولها وانتي اكتر وبقولها تعالي ادخلي من هنا اسهل قالتلي دة باب صغير وانا مليانه مش هعرف ادخل من هنا وهي بتكلمني كان معاها موبايل اسود راح اتزحلق منها انا مسكته قبل مايقع وبنادي عليها اقولها ان تلفونك معايا بس هي مش سمعت بقول لنفسي يارب بس مش تفتكر انه ضاع منها روحت داخله م الباب دة شوفت راجل زي الحارس جه وقفل الباب عشان محدش يدخل منه روحت اول ما التفت ورايا لقيت اني بمسجد بصيت علي رجلي لقيت الشوز فقولت ايه دة انا بالشوز ازاي كويس اني شوفته دلوقتي وقلعت الشوز والشراب وصحيت علي كدة مع العلم ( زوجي متوفي منذ ٦ سنوات ولم اتزوج الي الان ) لكني اتخطبت من شهر ونص تقريبا