ما تفسير حلم الطلاق

انا مخطوبه من 8 اشهر لشخص كنا نحب بعض من فتره صار بيننا مشاكل كثير اخر مشكله وصلت لانه نفسخ الخطوبه بس انا محتاره بين انه افسخ او لا خايفه اكمل معو واندم وخايفه افسخ واضل عايشه عند اهلي وانا مش مرتاحه بحياتي ببيت اهلي ابدا لما بفكر باسباب مشاكلنا او بصفاتو الي بنتمشكل بسببها مرات بحسها تافهه ومرات بحسها اسباب مقنعه هو عصب باخر مره وحكالي اخرسي وسبني وكمان بحسو مرات لما بنتمشكل بتكبر فيه كثير ومش مستعد يتنازل مشاني وفي اول علاقتنا كذب علي باكثر من شغله ولما كشفتهم حكالي كذب علي لحتى يتقرب مني لانو خاف ارفصه لانه هو مش متعلم وانا متعلمه ولانه انا رتبتي اعلى منه لهيك كذب علي هلا انا محتاره افسخ خطوبتي ولا اكمل معه هل انه اطباعه هاي ممكن تتغير او انها تافهه بس انا مكبرتها وبضلو يحكيلي انا بعصب وبفقد اعصابي لانه انتي بترفعي صوتك علي ولانه بحسك ما بتناقشيني بحسك بتحاسبي في او بتحققي معي وبحس بدك تمشيني كيفك انا ما بنكر اني في مرات بعصب ومرات برفع صوتي وما بنكر اني باوضاع حكيت على اهلو بس هو ما حكالي لا تحكي ع اهلي لانه كانو مزعلينه بس لما تمشكلنا حكالي انتي ما خليتي شي عاهلي وهاي الصفه ما بحبها في انه ليش خليتني احكي وما حكيتلي شي بوقتها بس لما نتمشكل بصير تحاسبني عليها هلا انا جد محتاره وكتييييير مع العلم انه صليت استخاره كتيييير وفي سابع ليله من الاستخاره حلمت انه اخوي الكبير الي انا بعتبرو ملهمي بكل شي وباخد حتى حلمت انه بحكي لامي لا تشجعيها على الطلاق