حلمت أني أقدم فحص لوظيفة

حلمت بانني اعمل فحص قبول، وكانه فحص لياقة (مثل اللي بقدموا لوظيفة بجهاز حكومي .. جيش او شرطة او ما شابه, بس بالحلم ما بعرف انا لاي جهة).. بعدها وكانهم كتبوا قبال اسمي بالكشف او بالجدول على الجهة اليمنى من الورقة كلمتين حاولت اقرأهم ما عرفت, وما فهمتهم مع اني انظر للكلمتين بتمعن وواضحات لي بس ما عرفت اقراهم .. كلمة عالسطر والثانية تحتها, بعدها اجا حدا لابس مريول ابيض زي مريول الاطباء وقرأهن: "لا يصلح", طبعا واقف ولابس ملابس داخلية: فانيلا نص كم و داخلي تحت طويل لونهم ابيض وملابسي نظيفة, وحكموا علي: بانهاء الخدمات. بيني وبين حالي بقول: خليني اعمل تمارين سويدية اقنعهم انه انا ما فيني شي .. انتهىالحلم..... انا طبعا متزوج, صار لي سنتين عاطل عن العمل طبيعة شغلي عادة الشركات بفضلوا الاصعر سنا, عمري 45 سنة, الحالة صحية متقلبة .. الحمد لله مليحة, بس يعني الواحد مش شباب زي اول :), هذا النوع من الملابس الداخلية لم البسه قط بحياتي, ولم اعمل قط بوظيفة حكومية ومش مفكر ولا انا مقدم طلب اصلا, ولا عمري قدمت طلب لجهة حكومية, الا لديوان الخدمة المدنية ودوري 250, والطلب صار عمره 20 سنة. وجزاكم الله خيرا استاذتنا