حلمت أني ولد متزوج صديقتي ومعانا طفل رضيع شديد الجمال

ازهار عزباء ٢٢ عاما ،، حلمت اني ولد متزوج صديقتي و معانا طفل رضيع شديد الجمال وارى صديقتي بخدين ورديه و كنا فالسياره رايحين لأمي و كانت في ترله بتدعسنا لكني الحمدلله تداركت الامر وبس انخدشت السياره خدش بسيط و قررت انا وصديقتي نروح ندور سياره جديده وجميله وكنت اقولها ما عندنا الا ٤٥ الف ولو حصلنا سيارة حلوه مره باقل من ٤٥ الف حناخذها وانبسطت هي مره و كانت طول الوقت شايله طفلنا معاها وقالت لي عن سياره سعرها ٩٥ الف وقلت لها ما عندي قالت مو مشكله و قعدنا ندور سياره الين قالت تبا تنام و اقولها اعطيني النونو عشان تنامي وتحضنه اكثر بس بعدين شلته عنها عشان تنام مرتاحه و شفت امي من بعيد تساعدنا ، و في حلم ثاني حلمت بوحده من صديقاتي هي شاطره مره فالدراسه وارى اني وهي نطلع شجرة عملاقه جدا و نتسابق فيها لكن ما نقدر نطلع الا مع بعض و كان فيه شيء نحميه بس مدري اش هوا .